Yesaia 48:9 - ICIGHAN BIBILO

⁹ Sha ci u iti Yam yô, Me ngôôr a iyugh Yam, sha ci u iwuese Yam yô, Me wa ishima a we, Me tim u ga.

Yesaia 48:9 Iomraidhean Croise

Upasalmi 106:8

Nahan kpaa A yima ve sha ci u iti Na, sha u Una pase agee a Na a vesen yô;

Upasalmi 143:11

Taver uma wam, TERE, sha ci u iti You; sha perapera Wou la, dugh uma wam ken ican sha.

Upasalmi 25:11

Sha ci u iti You yô, TERE, dem iferkwagh yam, gadia i vese.

Upasalmi 78:38

Kpa Un yô, er mhôônom kôr Un yô, A de ve ifer ve, A tim ve ga; een, acin imôngo je A de ishima Na i vihin, A kera kpoghol iyugh Na cii ga.

Upasalmi 79:9

Wase se, Aôndo u myem wase, sha ci u icivir i iti You; yima se, ese se asorabo ase kera sha ci u iti You.

Anzaakaa 19:11

Kwaghfan u or ka a na nan yuwen fefa ga, u den or kwaghbo, ka nan kwagh u icivirigh je.

Yesaia 30:18

Kpa TER yô, Una kegh, sha u eren a ven dedoo, ka nahan man A kende iyol Na sha, sha u Una zungwe ne mhôônom ye; gadia TER, ka Aôndo u ôron ijir je; saan mba ve keghen Un la cii iyol!

Yesaia 37:35

Me kumba gar ne, Me yima un sha ci Wam iyol Yam kua sha ci u wanakiriki Wam Davidi kpaa.

Yesaia 43:25

Ka Mo je M ese atindi a ou a peren kera sha ci Wam iyol Yam; Me kera umbur asorabo a ou kpaa ga.

Yesaia 48:11

Ka sha ci Wam iyol Yam, ka sha ci Wam iyol Yam, Me er kwagh ne ye, gadia á er nan man Me rumun Mer, i̱ hôngor a iti Yama? Icivir Yam kpaa Me na orgen ga.

Yesaia 65:8

TER ngu kaan nahan er: Er wain u he ka a lu ken sumegh her nahan, man ugen nan kaa er: De vihin ku ga, gadia iveren ngi kimi, kape Me er sha ci u mbayev Av la, Me tim ve kera cii ga.

Yeremia 14:7

Shin er aferakaa ase a lu pasen se nan se ibo, nahan kpaa, er kwagh sha ci u iti You TERE, gadia mbamhirjime asev ngee; ka We se er U kwaghbo ye.

Esekiel 20:14

Kpa M er kwagh ne sha ci u icivir i iti Yam sha u i̱ de kera hôngor a i sha ashe a akuraior, a a lu nengen zum u M due a ve la, ga.

Esekiel 20:22

Nahan kpaa M hide a uwegh Agh ijime man M er kwagh sha ci u icivir i iti Yam, sha u i̱ de hôngor a i sha ashe a akuraior, a a lu nengen zum u M due a ve la, ga.

Esekiel 20:44

Nea fa er Mo M lu TER, zum u M er a ven nahan sha ci u iti Yam yô, Me kera er a ven sha igbenda yen i ifer la ga, man sha aeren a en a dang la kpaa ga, we ya u Iserael, kape Ter AÔNDO A kaa ne.

Esekiel 20:9

Kpa M er kwagh sha ci u icivir i iti Yam, sha u i̱ de kera hôngor a i sha ashe a a akuraior, henpe ve tem la, ga; ka sha ashe a M pase iyol Yam her a ve, er M due a ve ken tar u Igipiti la.

Esekiel 36:21

Kpa mhôônom kôrom a icighanti Wam u ya u Iserael lu hôngor ken akuraior, henpe ve ze la.

Yosua 7:9

Gadia Mbakanaan man mba ve tem ken tar ne cii vea ungwa gwa yô, vea va kase se, vea ese iti yase sha won kera; tsô Ú er nan a Iti You i hembana?

1 Samuel 12:22

Gadia TER Una gbihi ior Nav kera ga, sha ci u iti Na i vesen la; gadia doo TER u geman ne er ne̱ hingir ikurior Na iyol Na je.