Yesaia 48:6 - ICIGHAN BIBILO

⁶ U vande ungwan akaa ne; yô, kenger ase akaa ne cii; nahan ne kpaa, ne kera pase akaa ne gaa? Hii hegen je zan zan, Me tese u akaa a he, akaa a ken myer, a u vande fan a ga yô.

Yesaia 48:6 Iomraidhean Croise

Upasalmi 107:43

Or u nan lu a kwaghfan yô, nana̱ ver ishima sha akaa ne, ve̱ ver ishima sha uerdoo mba TER kpaa. Ka icam. Ka Pasalmi u Davidi

Upasalmi 119:13

Ka sha zwa wam je, m pase akaaôron a jirigh a sha zwa Wou la cii ye.

Yesaia 21:10

Ior av ne mba i ndyar ne shin angahar, i gbidye ne er uwua nahan, kwagh u m ongo hen TER u akum a Sha, Aôndo u Iserael la, ka un m pase ne ye.

Yesaia 42:20

U nenge a akaa kpishi, kpa u ver ishima ga, ato ou lu ivegher je, kpa u ungwa ga.

Yesaia 42:8

Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.

Yesaia 42:9

Nenge, akaa a ngise la, a er kera ve, ka akaa a he M lu tesen ye; M ngu ôron ne kwagh u a, er a lu a due ga je yô.

Yesaia 43:19

Nenge, eren Yam kwagh u he; una due hegen je, ne kera nenge a mi gaa? Me er gbenda ken desereti man uifi ken taaikôngo.

Yesaia 48:7

I gba a hegen, ka ngise ga; er i lu a kuma sha iyange ngin ga yô, u vande ungwan kwagh u a je ga; sha u we de va kaan wer: Nenge, m vande fan a, ga.

Yeremia 2:31

We, ikov ne, ungwa nen kwaghôron u TER. M hingir Iserael taaikôngo je vee? Shin tar u angôghimee? Ka nyi man ior Av ve kaan er: Se mba zenden sha ishima yase se kera va her a We ga nahana?

Yeremia 33:3

Vaa, yilam, M̱ vengese, M̱ pase u akaa a vesen, a a gande u timen, a u fe a ga yô.

Yeremia 50:2

Pase nen akuraior, yôô nen, tim tuta, yôô nen, de kera yeren nen ga, kaa nen, ner: I ngohol Babilon, Bel va ahenge, kwagh hemba Merodaki; ieev nav va ahenge, kwagh hemba akombo a na.

Amoshi 3:6

Ka a tôngo ikpamkor ken gar nahan, mciem ma ta ior iyol ga kpa? Kwagh u bo una gba nyôron ken gar tsô, a lu TER A ve a mi ga kpa?

Mika 6:9

Imo i TER ngi yilan gar, u cian iti You ka mfe u mimi; wa nen gbidiv iko kua Un u A ver mbu la.

Mateu 10:27

Kwagh u M kaa ne ken ime, ôr nen ken igbar; man kwagh u ne ongo ken ato ivarivase yô, yôô nen di un sha ityoriyoughough.

YOHANE 15:15

M kera yila ne Mer ikpan ga, gadia kpan fe kwagh u ter na a eren ga; kpa M yila ne Mer, akar, gadia akaa a M ongo hen Terem cii, M ôr ne a.

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

1 Mbakorinte 2:9

Se mba ôron er i nger la nahan er: Akaa a ashe a nenge a mi ga, ato kpaa a ungwa a ga, a ve or ken ishima kpaa ga, ka akaa a Aôndo A ser a sha ci u mba Un doo ve ishima la.

Mpase U Yohane 1:19

Nahan nger akaa a u nenge a mi yô, a a lu hegen man a aa va er ken hemen la kpaa.

Mpase U Yohane 4:1

Ken masetyô u akaa ne yô, m ver ashe, yô, nenge, hunda lu Sha, lu ivegher. Man imo i hiihii i m ungwa er ka ikpamkor nahan la yô, i ôr kwagh a mo i kaa er: Kôndo sha heen, me tese u akaa a aa er ken masetyô u angan keng yô.