Yesaia 48:4 - ICIGHAN BIBILO

⁴ Gadia M fa, u taver ityough, mon wou ka gbelaiyôgh, man icul you ka togula je;

Yesaia 48:4 Iomraidhean Croise

2 Utor 17:14

Nahan kpaa, ve venda u ungwan, ve nômbo ikôr, er uter vev mba ve na TER, Aôndo ve, jighjigh ga la nahan.

2 Kroniku 30:8

Hegen yô, de kera nembe nen ikôr er uter enev lu er nahan ga, kpa na nen TER ayol a en, nyôr nen hen icighanjiir Na u A tsegh un gbem ne, civir nen TER, Aôndo wen, sha ci u iyugh Na i taveraa i̱ kar her a ven kera.

2 Kroniku 36:13

Man a hendan a tor Nebukadinesar kpaa, u lu na un bum iti i Aôndo la; a nômbo ikôl, a cighir ishima, a kera hide hen TER, Aôndo u Iserael, ga.

Nehemia 9:28

Kpa er ve zua a mmem kera yô, shi ve er kwaghbo sha ishigh You, nahan U na ve sha ikev i mbaihomov vev Wer, ve̱ ya tor sha a ve; nahan kpaa zum u ve hide ve zamber a We yô, U ungwa ve Sha; acin imôngo je U yima ve sha mhôônom Ou ma zungwen;

Upasalmi 75:5

De kera kenden nen korough enegh sha ga; man shi de kera ôron nen kwagh sha ikôr i nômbon ga.

Upasalmi 78:8

ve̱ de kera luun er uter vev ga, kov u taver ityough u henda kwagh, kov u tilen a ishima i u vough ga, u ishima i u i lu jighilii a Aôndo ga la.

Ekesodu 32:9

TER shi kaa a Mose er: M nenge ior mban, man nenge, ka ior i taver ityough kpe kpe.

Ekesodu 33:3

u zan hen tar u atumbabua man iyough ve dumbur ker la, gadia Mo Me zaan hen atô wou a we imôngo ga, gadia we u ngu ikurior i taver ityough, sha er Me tim u sha gbenda ga yô.

Ekesodu 33:5

TER shi kaa a Mose er: Kaa Mbaiserael wer: Ne mba ior i taver ityough yum; aluer Me zaan hen atô wou a ven imôngo anshighe kpeghee tsô kpaa, Me tim ne kera; ahegen yô, er ikav youv mbi hweev kera, man Me fa er Me er a we ye.

Ekesodu 9:7

Farao tindi, yô, nenge uzendenya mba Mbaiserael, môm tsô kpaa, kpe ker ga. Nahan kpaa, ishima i Farao cighir her, a de ior er ve̱ yem ga.

Anzaakaa 29:1

Or u i kôôm nan gbem kpa nan nembe ikôr her yô, á sombo nan fese, mwar á kera lu ga.

Yesaia 30:9

Gadia ka ior i hendan kwagh je, ônov mba aiev, ônov mba ve rumun u ungwan ityesen i TER ga yô;

Yesaia 46:12

Ver nen ato her a Mo, ne mbacighirasema, ne mba ne gbe ca a perapera la.

Yeremia 19:15

TER u akum a Sha, Aôndo u Iserael, ngu kaan nahan er: Nenge, Me va a kwaghbo sha gar ne kua angarev nav cii, u M ter sha a ve la cii; sha ci u ve nembe ikôr, ve kera ongo akaaôron Am ga yô.

Yeremia 3:3

Ka nahan man i nyume iura, man ura u masetyô kpaa u kera nôô ga ye; nahan kpaa u lu a icul i idyakwase, u rumun u van ahenge ga.

Yeremia 5:3

TERE, ka mimi ashe Ou a keren gaa? U gbidye ve, kpa nyoon ve ga; U tim ve kera, kpa ve rumun mkôôm ga, ve taver ishiv vev je, hemba vande; ve venda u geman asema.

Yeremia 7:26

nahan kpaa ve wam iko ga, man shi ve ver ato kpaa ga, kpa ve nômbo ikôr; ve hemba uter vev dang u eren.

Esekiel 2:4

Man mbayev kpaa mba we kwagh iko ga, ve cighir asema. M ngu tindin we her a ve; kaa a ve wer; Ter AÔNDO ngu kaan nahan er:

Daniel 5:20

Kpa zum u a hii u moron iyol yô, man jijingi na kpaa cighir zan zan a hingir u eren kwagh sha ihagh yô, i dugh un sha ikônough nagh ki torough kera, man icivir na kpaa i ngohol i kera;

Aerenakaa A Mbaapostoli 7:51

Ne mbatavertyough mban, ne mbatsôngon asema man ato ga ne, ne mba hendan a Icighan Jijingi gbem je; er uter enev lu er nahan, kape ne kpaa ne eren je ne.

Mbaromanu 2:5

Ka sha ishima you i cighir man ishima i geman ga la je u lu ombon iyugh sha ci wou iyol you sha iyange i iyugh man m-ande u ijirôron i mimi i Aôndo la ye.

Duteronomi 10:16

Yô, tsôngo nen ipusu i asema a en, de kera shi luun nen mba nômbon ikôr ga.

Duteronomi 31:27

Gadia mo m fa ihembeato you man ikôrnômbon you; nyian er m lu uma a ven imôngo ne kpaa ne mba hendan a TER man gema shighe u me kpe keraa?

Mbaheberu 3:13

Kpa taver nen ayol a en asema use use er i lu teren “nyian” la her yô, sha er i̱ de cighir hanmô wen ishima sha icugh i isholibo ga yô.