Yesaia 48:1 - ICIGHAN BIBILO

¹ Ungwa nen kwagh ne, we ya u Yakob, ne mba ne yer ayol a en sha iti i Iserael yô, man ne dugh ken mngerem ma Yuda, ne mba ne bumun iti i TER, man ne teren Aôndo u Iserael, kpa i lu sha mimi ga, shin sha perapera kpaa ga.

Yesaia 48:1 Iomraidhean Croise

Genese 32:28

Nan kaa er: Á kera yilan we iti er Yakob ga, kpa á yilan we er Iserael, gadia u nôngo wav a Aôndo kua ior, u hemba kpaa.

Genese 35:10

Aôndo kaa a na er: Iti you er Yakob; á kera yilan we er Yakob ga, kpa iti you á lu Iserael; A maa a ii un iti er Iserael.

2 Utor 17:34

Zan zan nyian je kpaa mba eren aeren a tsuaa la her. Ve cian TER ga, man ve kera eren sha akaawan, shin sha akaaôron a jirigh, shin sha atindiakaa, shin sha tindi u TER wa ônov mba Yakob u A ii un iti er Iserael la, ga,

2 Utor 5:20

Gehashi wanakiriki u Elisha or u Aôndo la, kaa er: Nenge, terem de Naaman or u Shiria ne, a ngohol kwagh u a ve a mi la ga; yô, er TER A lu u uma ne, me zenda un ijime ayem, me za ngohol kwagh her a na.

Upasalmi 63:11

Kpa tor yô, una ember tsung ken Aôndo; hanma or u nan bumun Un yô, nana ta ihagh, gadia á cir zwa u mbaaiev. Ngun ka sha ci u orhemen u mbawanatsam. Ka Pasalmi u Davidi

Upasalmi 66:3

Kaa nen a Aôndo ner: Ityom You ka i cier iyol; ka sha mvese u agee Ou man mbaihomov Ou vea var U inya ye.

Upasalmi 68:26

Wuese nen Aôndo ken mbamkohol, ka TER je la, ne mba ne dugh ken imbormnger i Iserael yô.

Upasalmi 68:27

Benyamin u kiriki, tor ve la, ngula; kua mbatarev mba Yuda man ikpelaior ve la; mbatarev mba Sebulon, kua mbatarev mba Nafetali kpaa.

Ekesodu 23:13

Akaa a M kaa ne ne cii, waan nen a iko, de teren nen ati a mbaaôndo mbagenev ga, i̱ de ongo a sha zwa wou ga.

Anzaakaa 5:16

Doo u ambor a ou a̱ iv a̱ haa inya a̱ samber ken wono, uikuwanmbamngerev ou kpaa ve̱ samber sha ityembeya?

Yesaia 26:13

TER, Aôndo wase, uter mbagenev vande teman tor sha a vese, lu We tseegh ga; kpa ka iti You tseegh sé civir i ye.

Yesaia 44:5

Ugen nana kaa er: Mo m ngu u TER je; ugen kpaa nana tôô iti i Yakob; ugen yô, nana nger sha uwegh ku nan er: Ka kwagh u TER je, nana seer iti i nan er, Iserael.

Yesaia 45:23

M bum iyol Yam je, kwaghperapera due sha zwa Wam, kwaghôron u una kera hide ga yô, M kaa Mer: Ka Mo je, hanma inyu ia gulem inya, man hanma nombor kpaa ua bum ye.

Yesaia 46:12

Ver nen ato her a Mo, ne mbacighirasema, ne mba ne gbe ca a perapera la.

Yesaia 51:1

Ver nen ato her a Mo, ne mba ne ze a perapera ityô, ne mba ne keren TER; nenge nen sha vande u i tsehe ne ker yô, man shin ihungwa henpe i tim ne yô.

Yesaia 51:2

Nenge nen sha Aberaham ter wen kua Sara u a mar ne la, gadia zum u a lu tswen la, M yila un, M ver un doo doo, M ser un iyenge.

Yesaia 58:2

Nahan kpaa mba keren Mo ayange ayange man sar ve u fan igbenda Yam, bee er ikurior i eren kwagh u perapera man i undun akaawan a Aôndo ve ga yô, ve gema ve pinem akaawan a perapera, u kporom hen Aôndo kpaa doo ve.

Yesaia 62:8

TER bum uwegh Nagh ku yanegh man uwegh Nagh ku ageegh, er: Mayange Me kera na alakema wou a̱ hingir kwaghyan u mbaihomov ou ga; ior mba iniongo igen kpaa vea kera ma zar u atam a wain a ou, a u er tom u ican sha mi la, ga;

Yesaia 64:6

Se cii se hingir er or u nan wanger ga yô, perapera wase cii ngu er ikondo i hôngor nahan; se cii ka se use er kwakon nahan, aferakaa ase kpaa kar a vese kera er ahumbe nahan.

Yesaia 65:16

sha u or u nan ver iyol i nan doo doo shin tar yô, nana ver iyol i nan ken Aôndo u mimi, man u nan bumun shin tar yô, nana bum Aôndo u mimi; sha ci u mbamzeyol mba tsuaa la hungul ve kera, i yer ashe Am ve je.

Yeremia 4:2

Tsô u bum wer: Er TER A lu u uma yô, sha mimi man sha ijirôron i mimi kua sha perapera; nahan akuraior aa ver ayol a a doo doo ken a Na, shi ka ken a Na aa ta ihagh kpaa ye.

Yeremia 44:26

Nahan yô, ungwa nen kwaghôron u TER, ne Mbayuda mba ne tem ken tar u Igipiti cii; nenge, M bum sha iti Yam i vesen, kape TER A kaa ne, ma or u Yuda ken tar u Igipiti cii, nana kera ter iti Yam nana kaa er: Er Ter AÔNDO A lu u uma ne, ga.

Yeremia 5:2

Shin vea kaa er: Er TER A lu u uma ne, nahan kpa mba bumun sha aie.

Levitiku 19:12

De bumun iti Yam sha aie geman hôngor a iti i Aôndo wou ga; Ka Mo TER.

Mika 2:7

Doo u kaan kwagh ne kpa, we ya u Yakob, Jijingi u TER ngu a ishima i wan je gaa? Ka aeren a Na nee? Mkaanem Am ma ne mkpeyol hen or u nan zenden zende u jighilaa gaa?

Sefania 1:5

man mba ve gur ve civir akum a Sha sha ityor i iyoughough, man mba ve civir, ve bumun TER shi ve gem ve bumun Malkam kpaa,

Sekaria 5:3

Tsô a kaa a mo er: Ngun ka ifan i, i dugh i lu zenden sha tar cii yô, gadia hanma or u nan iin yô, ka sha i á tim nan kera hegen ye; hanmô u nan bumun kpaa, ka sha i á tim nan kera hegen ye.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Numeri 24:7

Mngerem maa kuwan shin ubaketi nav, ivor na ia lu hen pe mngerem ma ngee yô; tor na una hemba Agagu, á kende a tartor na sha.

Mateu 23:13

Kwagh á tser ne, ne mbangeren man Mbafarishi, ne mbaimangerev, gadia ne mba cirin ior tartor u Sha; ne ayol a en ne mba nyôron ga, man shi mba ma ve nyer la kpaa, ne mba rumun ve u nyôron ga.

YOHANE 1:47

Tsô Yesu nenge Natanael ngur van her a Na yô, A ter un a kaa er: Nenge, mimi je, ka or u Iserael u ma icugh i lu ken a na je ga yô.

YOHANE 4:24

Aôndo ka jijingi je; mba ve civir Un yô, ka u ve̱ civir ken jijingi kua ken mimi kpaa keng.

Mbaromanu 2:17

We yô, u rumun wer i̱ yila u er Oryuda man shi u suur sha atindi shi u wuese wer u ngu a Aôndo,

Mbaromanu 9:6

Kpa unguer kwaghôron u Aôndo hingir gbilinkwagh ga, gadia mba ve lu ken Iserael la ka ve cii ve lu Iserael ga.

Mbaromanu 9:8

Inja na yô, ka ônov mba ken iyol la man ve lu ônov mba Aôndo ga, kpa ka ônov mba ityendezwa la man i we ve ken tsombor ye.

Duteronomi 10:20

Ka TER, Aôndo wou, cian Un ye, ka Un kpaa eren Un tom, ka Un var ken Na, shi ka ken iti Na kpaa bumun nen ye.

Duteronomi 33:28

Nahan Iserael tema bem bem. Imbor i Yakob tema kposo, ken tar u alakema man wain; a er, Usha nav mba nôndon avure.

Duteronomi 5:28

TER ungwa imo i akaaôron a en shighe u ne ôr kwagh a mo la. Tsô TER kaa a mo er: M ungwa imo i akaaôron a ior mban a ve er u yô, kwagh u ve kaa cii ka sha mi.

Duteronomi 6:13

Ka TER, Aôndo wou, cian Un ye, shi ka Un kpaa eren Un tom, ka iti Na kpaa bumun nen ye.

1 Timoteu 4:2

Ka sha imanger i mbaaiev mba i ver ve ikav ken imo i ken asema a ve er ka sha iyôgh ki acivin nahan.

Mpase U Yohane 2:9

M fa ican you i yan man shi ibanave you, nahan kpaa u ngee a akaa; man ityuhwanev mbi ior mba ve yer ayol a ve er Mbayuda kpa i lu nahan ga, i lu shinagoge u Satan la.

Mpase U Yohane 3:9

Nenge, Me na, mba ken shinagoge u Satan mba ve yer ayol a ve er Mbayuda kpa i lu nahan ga i lu aie tsô ve eren la, Me na, vea va gure inya hen angahar a ou, vea va rumun er u doom ishima yô.