Yesaia 47:9 - ICIGHAN BIBILO

⁹ kpa akaa ahar ne aa tser u fese, sha iyange i môm: msaa u ônov man u teman icôghol; aa tser u jimin, shin er ahir a ou a ngee, man akaasôron a ou la a taver nahan kpaa.

Yesaia 47:9 Iomraidhean Croise

Upasalmi 73:19

Nenge, er ve yôhôl, fefa yô, ve saa doo doo sha akaa a tan mciem iyol!

Yesaia 13:16

Á hyer anikundanev vev hen inya sha ashe ve, á sar uya vev, á nzughul a kasev vev kpaa.

Yesaia 21:9

Man nenge, ikum i mbaanyinyav mba van, mba zenden uhar uhar. Tsô a gema a kaa er: Babilon gba, a gba ve, ieev mbi gban a gba mbi mbaaôndo vev cii, i hembe mbi shin inya je.

Yesaia 47:11

Ka sha ci u nahan man kwaghbo una tser u ye, ú fa msôr na kpaa ga; kwaghbo una tser u, ú fatyô u mgbeghan un kera ga; mtim kpaa una bur u, kwagh u u fe un ga yô.

Yeremia 15:9

U a mar utaankaruhar la, ngu uren; a kpe, iyange na mire er iyange i lu her je yô; a va ahenge, a̱ hingir tumbuluu; man Me gema asande a ve a a shi her me na sanker sha ishigh ki mbaihomov vev, kape TER A kaa ne.

Yeremia 51:29

Nahan tar ngu tenger, ngu zômon iyol sha mnyoon; gadia awashima u TER sha Babilon la ngu her taveraa sha u geman tar u Babilon u̱ hingir ice, ma or nana kera tema ker ga.

Daniel 2:2

Tsô tor kaa er, i̱ yila un mbaahiriv man mbaasorov man mbasôronakombo kua Mbakaldi, ve̱ va kaa tor mnyam nam mara. Tsô ve nyôr ve va tile sha ishigh ki tor.

Daniel 4:7

Tsô mbaahiriv man mbaasorov man Mbakaldi man mbatsenganôron akaa, ve nyôr, tsô m ôr ve mnyam ma shonom, kpa ve pasem inja i ma ga.

Daniel 5:30

Hen tugh mbula je, i wua Beleshasar tor u Mbakaldi. Dariu or u Media gema ngohol

Daniel 5:7

Tsô tor genger imo er, i̱ nyôr a mbaasorov man Mbakaldi man mbatsenganôron akaa. Tor ôr kwagh kaa a mbafankwagh mba Babilon er: Or u nana ôr ingeren nen man nana pasem inja i i kpaa yô, á haa nan akondo a nyian dindee iyol, á har nan ishiligh ku zenaria sha mon, nana lu tor u sha utar ken tartor la.

Nahum 3:4

Man ka sha ci u mngee u uidya u idyakwase u doon ashe la, ngô u ahir, u a teen akuraior sha uidya nav la, ikweior kpaa sha ahir a na.

1 Mbatesalonika 5:3

Zum u vea kaan er: Bem, man mkpeyol yô, ka zum la je mtim una ande sha a ve ibuv er martoghol ka u kôr kwase uya nahan ye, mayange vea kera war ga.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.

Mpase U Yohane 22:15

Ken won yô, ka iwa man mbaahiriv man mbadyarev man mbawuanior man mbacivirakombo man mba aie a doo ve ishima shi ve eren un kpaa la.

Rutu 1:20

A kaa a ve er: De kera yerem nen ner, Naomi ga, yilam nen ner, Mara; gadia Uhembanagee cii, erem kwagh u vihin yum.

Rutu 1:5

Tsô Malon man Kilion, ve uhar cii, ve kpe; nahan mase shin kwase la; ônov nav mba uhar kua nom na kera lu ga.