Yesaia 47:8 - ICIGHAN BIBILO

⁸ Hegen yô, ungwa kwagh ne, we, u i maan we iyol a ishar i haan iyol la, we, u u tem a mkpeyol, u kaa ken ishima you wer: Mo ne, ugen ngu ga saa mo; me tema kwasecôghol ga, man me fa msaa u ônov kpaa ga;

Yesaia 47:8 Iomraidhean Croise

Yesaia 14:14

me kôndo sha, me kar abeen a hemban gban ca la, me hingir er Uhembansha nahan,

Yesaia 32:11

Mciem ma̱ ta ne iyol, ne kasev mba ishima i nyian ne sha kwagh ga ne; gbidye nen ikarikase iyol, ne mba ne we iko sha kwagh ga ne; er nen akondo kera, lu nen idyelegh, ta nen ikondo uya.

Yesaia 32:9

Mough nen sha, ne kasev mba ishima i nyian ne sha kwagh ga ne, ungwa nen imo yam, ne ônkasev mba ne we iko sha kwagh ga ne, ver nen ato sha kwaghôron wam.

Yesaia 45:18

Gadia kape TER A kaa ne, Un u A gbe Usha—ka Un man A lu Aôndo ye—u A maa tar man A er u kpaa la, ka Un A ver u ye; A gba u er u̱ lu gbilin dang ga, A maa u sha er ior ve̱ tema sha u: Ka Mo M lu TER ye, mô ugen ngu ga.

Yesaia 45:5

Mo M ngu TER, mô ugen ngu ga; ma aôndo ugen ngu ga saa Mo; M ta u ikondo uya shin er u fem ga nahan kpaa;

Yesaia 45:6

sha u I̱ fa, hii sha mdugh u iyange je zan zan mmir u i, mô ugen ngu ga saa Mo; ka Mo M lu TER ye, mô ugen ngu ga.

Yesaia 47:10

Gadia u suur sha ifer you; u kaa wer: Ma or ngu nengen ga. Mfe wou kua kwaghfan wou la ve tsume a we; man u kaa ken ishima you wer: Mo ne, ugen ngu ga saa mo.

Yeremia 49:31

Mough, kôndo nen hen ikurior i i tem bem bem a ishima i nyian ga la, kape TER A kaa ne, i i lu a ihinda man uishindan kpaa ga, man i tem tseke u i la.

Yeremia 50:11

Shin er ne lu sar sar, shin er ne ember, ne mba ne ye ishar sha dyako Wam, shin er ne lu yagh yagh er tulebua u a shoghol iyiav yô, man ne lu ngoron er anomanyinya nahan,

Yeremia 51:53

Shin er Babilon una kôndo Sha, shin er una taver ayouautya na sha ijiir i taven, nahan kpaa mbatimin akaa kera vea due her a Mo vea ar her a na, kape TER A kaa ne.

Esekiel 16:49

Nenge, ka iferkwagh i anngôu u kwase, Sodom ne: iyolgengese, u iden sha kwaghyan, man u lun ken mkpeyol bem bem a ônov nav mba kasev cii; man shi a wase mbaatsanev man mbaibanave ga.

Esekiel 28:2

Wan u or, kaa tor u Tiru wer: Ter AÔNDO ngu kaan nahan er: Sha ci u ishima you i te ihagh, man u kaa wer: Mo M ngu aôndo, m tema sha ijiir i Aôndo ken atô u zegemnger, nahan kpaa u ngu or tsô, u ngu aôndo ga, shin er u hen ken ishima you wer, u ngu er Aôndo nahan kpaa—

Esekiel 30:9

Sha iyange la mbatyomov vea due sha ishigh Yagh vea yem shin utso sha u za tan Mbaetiopia mba ve tem gbidaa la mciem iyol, ican kpishi ia tser ve er sha iyange i Igipiti nahan; gadia, nenge, ngi van.

Daniel 11:36

Tor la una eren kwagh sha ishima na; una kende a iyol na sha, una moron iyol er un hemba hanma aôndo, una ôr akaavihin a cier iyol sha Aôndo u mbaaôndo cii; á kpe un iyol zan zan iyugh ia kar kuman; gadia kwagh u i ver yô, una kure sha mi vough.

Daniel 4:22

ka we tor; u vese, u taver, gadia icivir you seer je ar sha, man tartor wou kpaa tser tar cii.

Daniel 4:27

Nahan yô, tor, rumun kwaghwan u m we u ne, pav a asorabo a ou, gema eren perapera, man pav a aferakaa a ou kpaa, gema zungwe mbaatsanev mhôônom; tso alaghga á seer ayange a mkpeyol wou.

Daniel 4:30

Tor ôr kwagh kaa er: Ngun kera ka zege Babilon, u m maa sha u a̱ lu ijiir i teman i tor, sha tahav mbu agee am, sha ci u icivir i shagba wam ne gaa?

Daniel 4:4

Mo Nebukadinesar m tema bem bem ken ya wam, lu kpen mo iyol ken iyou yam i tor.

Daniel 5:23

Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Daniel 5:30

Hen tugh mbula je, i wua Beleshasar tor u Mbakaldi. Dariu or u Media gema ngohol

Nahum 1:10

Gadia shin er ve lu er adagher a usaa nahan, man ve heen ayol er ka sha kwaghman ve la kpaa, á nande ve kera er ayia a ombor nahan.

Nahum 3:4

Man ka sha ci u mngee u uidya u idyakwase u doon ashe la, ngô u ahir, u a teen akuraior sha uidya nav la, ikweior kpaa sha ahir a na.

Habaku 1:7

Ka mbatan ihindi iyol man cier iyol kpaa; ijirôron ve man icivir ve gema due her ayol a ve.

Sefania 2:15

Ngun ka gar u iember u a tema bem bem, u a kaa ken ishima na er: Ka mo je ne, mô ugen ngu ga, saa mo; yô, nenge er a hingir ice man ijiir i inyamtoho i yaven her yô; hanma or u karen her nana gbire iwer man nana mishi uwegh.

2 Timoteu 2:4

Ka orhendan u kenden a iyol na sha er un hemba hanma kwagh u i yer un er Aôndo man hanma kwagh u i civir un la kpaa zan zan una tema ken tempel u Aôndo, una yôô er ka un je un lu Aôndo ye.

Mbaajiriv 18:27

Tsô ve tôô akaa a Mika er la, man pristi u a lu a mi la, ve va hen Laishi hen ior mba ve tema bem bem ve hunde ishima kera la, ve va hemba ve sha zwa u sanker; ve nande gar la sha usu.

Mbaajiriv 18:7

Tsô ior mba utaan mbala mough va hen Laishi, ve va nenge er ior mba ve lu ker la, ve tem gbar gbar yô, sha aeren a Mbashidon, ve tema bem bem ve hunde ishima kera je; gadia ma or u nzughul a ve lu ken tar la ga, ve lu ica a Mbashidon kpaa, kwagh zua ve a ma or kpaa ga.