Yesaia 47:11 - ICIGHAN BIBILO

¹¹ Ka sha ci u nahan man kwaghbo una tser u ye, ú fa msôr na kpaa ga; kwaghbo una tser u, ú fatyô u mgbeghan un kera ga; mtim kpaa una bur u, kwagh u u fe un ga yô.

Yesaia 47:11 Iomraidhean Croise

Nehemia 4:11

Mbaihomov asev kpaa kaa er: Ve̱ de fe ga, mnenge kpaa ve̱ de nengen ga, nahan sé za nyôr her atô ve, sé wua ve, sé bunde tom la.

Upasalmi 35:8

Mtim a̱ va a̱ bur un a bur; kper u a we la, a̱ gema, a̱ gba mi iyol na; a̱ gba mi, a̱ tim je.

Upasalmi 50:22

Ver nen ishima sha kwagh ne, ne mba Aôndo A hungul ne yô, sha er M̱ de tusen a ven man ma or u yiman nana lu ga ze.

Upasalmi 55:15

Ku u̱ bul ve fefa, ve̱ sen ve̱ nyôr shin Sheol uma, gadia iferkwagh ngi ken ya ve, ken asema a ve kpaa.

Upasalmi 73:19

Nenge, er ve yôhôl, fefa yô, ve saa doo doo sha akaa a tan mciem iyol!

Anzaakaa 13:21

Ifer ka i tôv aferaior ityô; kpa mbaperapera yô, á na ve injar sha kwagh u dedoo.

Yesaia 13:6

Gbidye nen vaa, gadia iyange i TER mgbôghom ve, ngu van er ka mtim u a dugh sha Uhembanagee cii yô.

Yesaia 29:5

Kpa ikpila i mbaihomov ou la vea hingir er vuulevu u puer nahan, man ikpelaior i wan ipila kpaa er ka imough i i kar kera yô; kwagh ne una er fefa, á bur a bur je.

Yesaia 30:13

nahan yô, iferkwagh shon ne ia hingir ne er ka kwe u kwagh u a sôôn u gban, u a nur sha gôgôkpekpe u m-osogh na ka a va fese, ian i kar ga yô.

Yesaia 37:36

Tsô ortyom u TER due za wua ior dubu deri man dubu akunduanyiin kar utaan ken afo a Mbaashiria. Zum u ior nder pepe yô, nenge, ve lu akom gbulugh gbulugh.

Yesaia 45:7

M ver iwanger, man shi M gba ime; M va a kwaghdoon man kwaghvihin kpaa, ka Mo TER M er akaa ne cii ye.

Yesaia 47:9

kpa akaa ahar ne aa tser u fese, sha iyange i môm: msaa u ônov man u teman icôghol; aa tser u jimin, shin er ahir a ou a ngee, man akaasôron a ou la a taver nahan kpaa.

Yesaia 48:8

Een, u ungwa ga; een, u fa ga; een, ato ou vande bughun tsuaa kpaa ga; gadia M fa er u eren kwagh sha atseregh yum yô, i yila u er, orhendankwagh, er u lu ken uya je.

Yesaia 57:1

Orperapera ka nan saa kera, kpa ma or nan wa iko her ga; mba tôôn mba ve we Aôndo iko mbala kera, kpa ma or nan kera hen ken ishima i nan er i lu sha ci u palegh kwaghbo man i tee orperapera kera nahan ga;

Yeremia 51:29

Nahan tar ngu tenger, ngu zômon iyol sha mnyoon; gadia awashima u TER sha Babilon la ngu her taveraa sha u geman tar u Babilon u̱ hingir ice, ma or nana kera tema ker ga.

Yeremia 51:43

Agar a na a vesen hingir atse, tar u ombor man desereti, tar u ma or nana tema ker ga, man shi u wan u or nan kar her ga yô.

Yeremia 51:8

Babilon gba fese, tim je; gbidye nen un ivaa; za nen un a icigh sha ci u mnyoonom nam, alaghga una war.

Ukwelegh 1:21

Mba ungwan ishimashirin yam; orsurun mo ishima nan ngu ga; mbaihomov av cii ve ungwa kwagh u a tserem yô; ve ember sha ci u U er nahan yô; Wea va a iyange i U yôô i la, nahan vea hingir er mo nahan.

Esekiel 7:26

Kwaghbo una dondo sha kwaghbo, man ahura di sha ahura; vea ker mpase u sha mnenge hen profeti; ityesen ia saa ishe hen pristi, man mhen di kpaa hen mbatamen.

Mateu 18:34

Nahan ter na la yuwe, a gema a na un sha ikev i mbaeren ior ican la, er saa una kimbi injô i a ye un cii ve.

Luka 12:59

M ngu kaan we, mayange ú due ker ga, saa ú kimbi, anini môm tsô kpaa una kera shi ga.

Luka 17:27

Ve lu yan akaa, man akaa eren kasev, nan kasev ken unoo, zan zan ar sha iyange i Noa kar nyôron ken tso, man mngerem ma deemee va, tim ve cii la.

1 Mbatesalonika 5:3

Zum u vea kaan er: Bem, man mkpeyol yô, ka zum la je mtim una ande sha a ve ibuv er martoghol ka u kôr kwase uya nahan ye, mayange vea kera war ga.

Mpase U Yohane 3:3

Nahan yô, umbur akaa a u ngohol shi u ongo a la, kusu a, gema ishima. Aluer u lu per ga yô, Me va er ormbaiv nahan, ú fa shighe u Me va hen a we ga.