Yesaia 47:10 - ICIGHAN BIBILO

¹⁰ Gadia u suur sha ifer you; u kaa wer: Ma or ngu nengen ga. Mfe wou kua kwaghfan wou la ve tsume a we; man u kaa ken ishima you wer: Mo ne, ugen ngu ga saa mo.

Yesaia 47:10 Iomraidhean Croise

Upasalmi 10:11

Ken ishima na yô, ngu a kaa er: Hungul Aôndo ve, A yer ishigh Nagh, Una nenge a min mayange ga.

Upasalmi 52:7

Ehee! Nenge, or ne ka or u a gem Aôndo A hingir agee a na ga yô, kpa a suur sha mngee u inyaregh nagh, a taver ishima sha ifer na.

Upasalmi 64:5

Mba taver asema a ve sha awashima u bo, mba ôron imôngo sha u vea wa ukper myer, mba kaan er: Ka an nana nenge a mi?

Orpasenkwagh 8:8

Ma or ngu a tahav sha ahumbe u yangen a ga, shi nan ngu a tahav sha iyange i kuugh kpaa ga; ken utya yô, mba ne or gbenda ga, kape ifer kpaa ia war or u nan eren i ga la.

Yesaia 28:15

Gadia ne kaa ner: Se ya ikur a ku, se zua zwa a Sheol, zum u bocan u van sha agee una va karen la, una va hen vese ga; gadia se gema aie hingir se ijiir i yeren, man se yer ayol ase ken icugh je.

Yesaia 29:15

Kwagh á tser mba ve yeren TER mbamhen vev kpen kpen la, man aeren a ve kpaa a lu ken ime; mba kaan er: Ka an nan nengen a vese? Man ka an nan fe se?

Yesaia 44:20

Ka mtwem nan ye ye; icugh i ken ishima, i tsume a nan sha gbenda je, nan kera fatyô u yiman uma u nan ga; u pinen er: Ka aie a lum ken uwegh ku yanegh ye gaa, kpa nan pine ga.

Yesaia 47:8

Hegen yô, ungwa kwagh ne, we, u i maan we iyol a ishar i haan iyol la, we, u u tem a mkpeyol, u kaa ken ishima you wer: Mo ne, ugen ngu ga saa mo; me tema kwasecôghol ga, man me fa msaa u ônov kpaa ga;

Yesaia 5:21

Kwagh á tser mba ve nengen ayol a ve er ve mba mbafankwagh, man shi ve nengen ayol a ve er ve mba mbakavenkwagh yô!

Yesaia 59:4

Mô môm nan za yer ijir sha perapera ga, mô môm kpaa nan kpelan ishô sha mimi ga; mba suur sha gbilinkwagh mba er aie; ve jile iyol sha dang, ve mar ifer.

Yeremia 23:24

Ma or nana fatyô u za yeren ken ajiir a ken iuv je er Mo Me nenge a nan ga yôô? Kape TER a kaa ne. M iv Sha man tar gaa? Kape TER A kaa ne.

Yeremia 9:23

TER ngu kaan nahan er: Orfankwagh a̱ de te ihagh sha kwaghfan u nan ga, orageegh kpaa a̱ de te ihagh sha agee a nan ga, ornyar kpaa a̱ de te ihagh sha inyaregh ki nan ga;

Esekiel 8:12

Tsô A kaa a mo er: Wan u or, u nenge kwagh u mbatamen mba ya u Iserael ve lu eren ken ime, hanma or ken iyou i ieev mbi nan la kpa? Gadia mba kaan er: TER ngu nengen a vese ga; TER undu tar ne.

Esekiel 9:9

Nahan A kaa a mo er: Iferkwagh i ya u Iserael man u Yuda i gba ikôr je cier iyol, man tar mgbough a awambe, man gar kpaa iv a mban u mimi; gadia mba kaan er: TER undu tar ne, man TER ngu nengen ga.

Daniel 4:27

Nahan yô, tor, rumun kwaghwan u m we u ne, pav a asorabo a ou, gema eren perapera, man pav a aferakaa a ou kpaa, gema zungwe mbaatsanev mhôônom; tso alaghga á seer ayange a mkpeyol wou.

Sefania 2:15

Ngun ka gar u iember u a tema bem bem, u a kaa ken ishima na er: Ka mo je ne, mô ugen ngu ga, saa mo; yô, nenge er a hingir ice man ijiir i inyamtoho i yaven her yô; hanma or u karen her nana gbire iwer man nana mishi uwegh.

Mbaromanu 1:22

Ve kaa er, ve mba mbafankwagh kpa ve hingir abumeaior.

1 Mbakorinte 3:19

Gadia kwaghfan u tar ne ka Aôndo ibumekwagh je. Gadia i nger er: Un u A ker mbafankwagh sha atseregh a ve la,