Yesaia 47:1 - ICIGHAN BIBILO

¹ Hungwa, tema shin vuulevu, we, iniunkwase i Babilon; shar inya, de tem sha ikônough ki torough ga, we, wankwase u Mbakaldi; gadia á kera yila u er u ngu kwase u lun iyol vel vel, u nan fe ican ga, ga.

Yesaia 47:1 Iomraidhean Croise

Yobu 2:13

Nahan ve shar inya a na imôngo kuma ayange ataankarahar kua aime di ataankarahar, mô ôr kwagh a na ga, gadia ve kav er ican la i kehe yum yô.

Yobu 2:8

Nahan a tôô agbatsenge, a gba a-an iyol a mi; a shar hen mtwe.

Upasalmi 137:8

We, wankwase u Babilon, we u á va tim u kera ne, u nana or iyev sha a we sha akaa a u er se yô, á saan nan iyol.

Upasalmi 18:27

Gadia We U yima ior mba i kighir ve a ican yô; kpa ashe a a manger la yô, U hee a.

Upasalmi 89:44

U kar a iengem na kera, U gbihi ikônough nagh ki torough inya;

Yesaia 13:1

Mkaanem ma Aôndo sha Babilon, ma Yesaia wan u Amoshi nenge yô.

Yesaia 13:13

Ka sha ci u nahan Me er Usha vea tenger, tar kpaa ua tenger ua kar hen ijiir i u la kera, sha iyugh i TER u akum a Sha, sha iyange i iyugh Na i yeghen tsung la.

Yesaia 14:1

Gadia TER Una zungwe Yakob mhôônom, Una shi á tsuwa Iserael, Una ver ve er ve̱ tema ken tar ve; ior mba ken nongo ugen kpaa vea nyôr nongo a ve, vea var hen ya u Yakob.

Yesaia 21:1

Mkaanem ma Aôndo sha desereti u zegemnger. Er uhiar mba ken tar u Imbusutariyan la, ka ve karen ve huran sha agee nahan, kape ngu a due ken ikôngo ken tar u cieryol.

Yesaia 23:12

Man shi A kaa er: Á kera lu u iyol yagh yagh mayange ga, we iniunkwase i i nzughul a we ne, wankwase u Shidon; mough sha, per za ken Kitim, keela kpaa ú za zua a mmem ga.

Yesaia 26:5

Gadia mba ve tem sha la, A hide a ve shin inya, ka gar u taven sha je la; A yôhôl un, A haa un inya je, A samber un inya zan zan shin vuulevu je.

Yesaia 3:26

Ihindagar na ia vaa, ia zungwen, una shar hen inya aveve.

Yesaia 37:22

ka kwaghôron u TER A kaa sha a na ne, er: Iniunkwase, wankwase u Shion ngu lahan we, ngu sen we sha ilyahan; wankwase u Yerusalem ngu jingir ityough ken ijime you.

Yesaia 52:2

Nduur ihundu iyol kera; mough, tema sha, we Yerusalem; sagh ikangenev sha mon wou kera, we wankwase u kwaregh u Shion.

Yeremia 13:18

Ôr kwagh a tor man ngô u tor, kaa wer: Shar nen inya; gadia atsar a en a sha ityou, sagh kera, ka tsar u icivir yen je la.

Yeremia 46:11

Kôndo nen sha Gileadi, za tôô balsem, we iniunkwase, wankwase u Igipiti; u gba di ngeen a icimbiv anza kposo kposo gbilin tsô; man mwar ngu sha ci wou ga.

Yeremia 48:18

Hungwa sha iengem you la, we wankwase u u tem sha Dibon, tema hen inya i tseghe tseghe; gadia or u a tim Moabi la va ta num sha a we, a tim ayouautya ou a taver.

Yeremia 50:1

Ka kwaghôron u TER A er sha kwagh u Babilon, sha kwagh u tar u Mbakaldi u sha ikev i profeti Yeremia ne:

Yeremia 50:42

Ve kôr ada uwe man iwange, ka mbavihin kwagh tsung je, mba a mhôônom ma zungwen ga; ikenge ve ngi er kumetan u zegemnger nahan, ka mbahendan anyinya kpaa; ve wa ago iyol er or u nan kange iyol i utya nahan, sha u nôngon ityav a we, we wankwase u Babilon.

Yeremia 51:1

TER ngu kaan nahan er: Nenge, Me kpoghol jijingi u ortimin akaa kera la, a̱ va ta sha Babilon man sha ior mba asema a ve a hendan a Mo la.

Yeremia 51:33

Gadia TER u akum a Sha, Aôndo u Iserael ngu kaan nahan er: Wankwase u Babilon ngu er ka ijiir i gbiren iyiav sha shighe u i kindigh i la nahan; ica ia gba ga tsô shighe u á sunda un una kuma.

Yeremia 51:51

Se va ahenge, gadia se ungwa tarnahan; kunya cir se ishigh cii, gadia ior mba ken nongo ugen va nyôr ken ajiir a tseghan a iyou i TER.

Ukwelegh 2:10

Mbatamen mba wankwase u Shion shar inya, mba ving, ve haa inya sha ityouv vev, ve ta akondo uya. Anuunaukase a Yerusalem wa ityouv inya.

Ukwelegh 2:21

Kwaor man ortamen mba yaven hen inya sha igbenda; anuunaukase am man mbayevikaior av kpe ku sha sanker; U wua ve sha iyange i iyugh You; U sôngo ve, U zungwe mhôônom ga.

Ukwelegh 4:5

Mba lu ve yaan akaadoon la, mba saan ishe sha gbenda; mba lu iyese ve sha murufu la, mba yaven sha atihi a uihôgh.

Esekiel 26:16

Nahan utor mba hen zegemnger cii vea hungwa sha mkônom vem ma torom, vea er uriga vev, man vea bugh akondo ve a sha hwe la kera; vea gema vea cir ikarikase iyol, vea tema inya, vea zer gbidyen ikarikase iyol, man á kondo ve iyol sha ci wou.

Esekiel 28:17

Ishima you ta ihagh sha ci u mdooashe wou; u vihi kwaghfan wou sha iengem you la; nahan M ta u inya, M gbihi u sha ishigh ki utor sha u ve̱ haa ashe sha a we.

Yona 3:6

Loho la za ar hen tor u Nineve kpaa, nahan a mough sha ikônough nagh ki torough kera, a er riga na, a ta ikondo uya, a za tema shin mtwe.

Hagai 2:22

Me yôhôl ikônough ki torough ki ityartor, Me tim tahav mbu ityartor i akuraior kera; Me zôhô akekeautya a mbaunden sha mi la; anyinya man mbahendan a, vea haa inya, hanmô sha sanker u anngô u nan.

Sekaria 2:7

Mough yem hen Shion, yevese war, we u u tem vea wankwase u Babilon ne.

Mpase U Yohane 18:7

Er a lu civir iyol na shi ishar i lu haan un iyol nahan yô, kape na nen un ican man ijungwen vough la. Gadia ken ishima na yô, a lu kaan nahan er: M tema tor je, m ngu kwasecôghol ga, ijungwen kpaa me nenge a mi ashe ga.