Yesaia 46:3 - ICIGHAN BIBILO

³ Ver ato her a Mo, we ya u Yakob, man asande a hen ya u Iserael a a shi her la, ne mba M tee ne, hii sha mmar wen je, mba M tee ne hii ken uya je;

Yesaia 46:3 Iomraidhean Croise

Upasalmi 28:9

Yima ior Ou, ver dyako Wou doo doo, koson ve kpaa, zeren kenden a ve sha gbem. Ka Pasalmi u Davidi

Upasalmi 71:6

Ka sha a We m suur ye, hii sha mmar je, ka We U dugh a mo ken iyav mbu ngôm ye, me wuese We gbem.

Ekesodu 19:4

Ne nenge kwagh u M er Mbaigipiti man er M tee ne sha akper a aguvegh M ve a ven hen a Mo yô.

Yesaia 1:9

Aluer TER u akum a Sha Una shi se asande ciôn her ga yô, ma se hingir er Sodom nahan, shi ma se hingir er Gomora nahan.

Yesaia 10:20

Tsô sha iyange la asande a Iserael a a shi her man mba ve wer hen ya u Yakob vea kera suur sha u a gbidye ve la ga, kpa vea suur sha TER, Icighan u Iserael, sha mimi.

Yesaia 10:21

Asande aa hide, asande a Yakob je, aa hide hen Aôndo u ageegh.

Yesaia 10:22

Gadia shin er ior ou Iserael ve lu er waarawa hen kpezegemnger nahan, nahan kpaa ka asande ken a ve tsô aa hide ye; i ver mtim keng, a mgbough a perapera je neer haa inya.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yesaia 37:4

Alaghga TER, Aôndo wou, Una, ungwa akaaôron a Rabeshake, u ter na tor u Ashiria, a tindi un er a̱ tuhwa Aôndo u uma la yô, man Una tsaha un sha akaaôron a TER, Aôndo wou, A ongo la; nahan yô, ma u shi kende imo ma u er msen sha ci u asande a a shi her yô.

Yesaia 4:3

Or u nan shi ken Shion man u nan lu ken Yerusalem her yô, á yila nan er, icighanor, ka hanma or u i nger nan ken mbaumav ken Yerusalem la,

Yesaia 44:21

Umbur akaa ne, we Yakob, kua we Iserael kpaa, gadia u ngu wanakiriki Wam; ka Mo M maa u ye; u ngu wanakiriki Wam; Iserael, hungul Yam we ga.

Yesaia 46:12

Ver nen ato her a Mo, ne mbacighirasema, ne mba ne gbe ca a perapera la.

Yesaia 48:1

Ungwa nen kwagh ne, we ya u Yakob, ne mba ne yer ayol a en sha iti i Iserael yô, man ne dugh ken mngerem ma Yuda, ne mba ne bumun iti i TER, man ne teren Aôndo u Iserael, kpa i lu sha mimi ga, shin sha perapera kpaa ga.

Yesaia 51:1

Ver nen ato her a Mo, ne mba ne ze a perapera ityô, ne mba ne keren TER; nenge nen sha vande u i tsehe ne ker yô, man shin ihungwa henpe i tim ne yô.

Yesaia 51:7

Ver nen ato her a Mo ne mba ne fe perapera, ne ior mba atindi Am a lu ken asema a en yô; de cie nen mlaha u ior ga, ishima i̱ de nyian ne sha ci u ityuhwanev vev mbi tuhwan kpaa ga.

Yesaia 63:9

Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.

Duteronomi 1:31

kua ken desereti kpaa, henpe u nenge er TER, Aôndo wou, A tôô u sha, er or ka nan tôô wan u nan nahan, sha igbenda i ne lu karen la cii zan zan ne va ar hen ijiir ne.