Yesaia 45:3 - ICIGHAN BIBILO

³ Me na u akaa a injaa a ken ime man akaa a injaa a i yer a ken ajiir a myer, sha u ú fa er Mo M lu TER, u M yer u sha iti You yô, Mo Aôndo u Iserael.

Yesaia 45:3 Iomraidhean Croise

2 Kroniku 6:17

Yô, TERE, Aôndo u Iserael, kwaghôron Wou u U ôr a wanakiriki Wou Davidi la, a kure sha mi vough.

Esera 1:2

Shirushi tor u Pershia ngu kaan nahan er: TER, Aôndo u Sha nam ityartor i sha won cii, man shi A kaa er, m̱ maa Un iyou ken Yerusalem, u a lu ken Yuda la.

Ekesodu 33:12

Tsô Mose kaa a TER er: Nenge, ka U kaa a mo Wer: Za a ior mban; kpa U kera tesem or u U tindi Wer nana̱ za a mo imôngo ga. Nahan kpaa, U kaa Wer: M fa u sha iti you je, man doom a we kpaa.

Ekesodu 33:17

TER shi kaa a Mose er: Kwagh u u kaa la, Me er un kpaa, gadia doom a we, shi M fa u sha iti you kpaa.

Yesaia 41:23

pase nen se akaa a a va er ken hemen yô, sha er se̱ fa er ne lu mbaaôndo yô; er nen ma kwagh, shin a lu u dedoo, shin a lu u bo, sha er i̱ kondo se iyol, sé gba kenger imôngo tsô yô.

Yesaia 43:1

Kpa ahegen yô, TER u A gbe u, we Yakob, Un u A maa u, we Iserael, ngu kaan nahan er: De cie ga, gadia M paa u, M yila u sha iti, uwe u ngu u Wam je.

Yesaia 48:15

Mo, Mo, M ôr kwagh, een, Mo M yila un; Ka Mo M ve a na ye; ikôr ia lagh un sha gbenda na kpaa.

Yesaia 49:1

Ungwa nen kwagh Wam, ne ityar i hen kpezegemnger, ver nen ato ne akuraior a ken ca; TER yilam ken uya je, ka ken iyav mbu ngôm je A ter iti Yam ye;

Yeremia 41:8

Kpa ior vev mbagenev pue kaa a Ishemael er: De woo se ga, gadia se koso akaa ken myer ken toho, ka alakema man shair man mkurem man iyough. Nahan a de, a kera wua ve a anmgbianev vev imôngo ga.

Yeremia 50:26

Va, va ta num sha a na, va ken hanma ian cii, bugh iuna na, kohol un, ta atihi atihi er iyiav nahan, tim un kera purututu, ma kwagh na a̱ de shin her ga.

Yeremia 50:37

Sanker a̱ va sha anyinya a ve, man sha akeke a ve a utya, man sha ior anza kposo kposo mba ve lu ker a na kpaa, ve̱ hingir er kasev nahan; sanker a̱ va sha inyaregh vegh, i̱ kura ki kera.

Yeremia 51:13

We, u u tem hen mngerem ma kpishim, man inyaregh ki ngeen we ne, mkur wou va ve, mtsera wou sha gbenda u bo la iv ve.

Yeremia 51:53

Shin er Babilon una kôndo Sha, shin er una taver ayouautya na sha ijiir i taven, nahan kpaa mbatimin akaa kera vea due her a Mo vea ar her a na, kape TER A kaa ne.