Yesaia 45:1 - ICIGHAN BIBILO

¹ TER ngu kaan a or Na u i shigh un mkurem, ka Shirushi je la, u M ker un sha uwegh ku yanegh, sha u Me ta akuraior inya sha ishigh nagh, man Me sagh utor ikange shin iwenge kera, shi Me bugh ihinda sha ishigh nagh, á kera wuhe ihindagar kpaa ga,

Yesaia 45:1 Iomraidhean Croise

1 Utor 19:15

Kpa TER kaa a na er: Hide sha gbenda u u ve la, yem hen ikôngough ki Damaseku; ú za nyôr her yô, shighe Hasael mkurem a̱ lu tor u Shiria;

Esera 1:1

Tsô sha inyom i hiihii i Shirushi tor u Pershia la yô, sha er kwaghôron u TER u Yeremia lu ôr la a̱ kure sha mi vough yô, TER tor jijingi u Shirushi tor u Pershia ityô, nahan a yôô ken tar na cii, man shi a nger a nger kpaa er:

Esera 1:2

Shirushi tor u Pershia ngu kaan nahan er: TER, Aôndo u Sha nam ityartor i sha won cii, man shi A kaa er, m̱ maa Un iyou ken Yerusalem, u a lu ken Yuda la.

Yobu 12:21

Ka A hee ashagbaior, shi A oghom kwange u mbaageev.

Upasalmi 73:23

Nahan kpaa m ngu a We gbem, U kôrom sha uwegh agh ku yanegh.

Yesaia 13:2

Kende nen tuta sha sha uwo u penem penem, genger nen imo yila ve, viligh nen ave, ve̱ nyôr sha ihinda i atiator.

Yesaia 13:3

Mo iyol yam je, M na mba M tsegh ve la zwa, M yila mbaageev Av Mer, ve̱ er sha ishima i vihin Yam, ka mba Av mba ve te ihagh, ve ember yagh yagh la.

Yesaia 41:13

Gadia Mo, TER, Aôndo wou, M kôr uwegh ough ku yanegh; M kaa a we Mer: De cie ga, M wasen we.

Yesaia 41:2

Ka an nan kpoghol or la vegher u sha iyangeiduen, u mhembe va kohol un sha hanma iaven i nguhar na la? Ka an nan gem akuraior nan ne a sha ikev na er a̱ ndyar utor shin angahar, a̱ er ve, ve̱ hingir er ihundu nahan sha sanker na, man er imough i purugh nahan, sha ada na la?

Yesaia 41:25

M kpoghol orgen sha imbusutarimese, a va je; sha vegher u sha iyangeiduen je, or u una yila sha iti Yam; una ndyar mbatarev er ka inyandor nahan, er ormaantyegh ka nan kume inyaityuu nahan.

Yesaia 42:6

Mo TER, M yila U sha perapera, M kôr u Uwegh, M kura U kpaa; M gema U, U hingir ikuryan i ior man iwanger i akuraior,

Yesaia 44:28

M kaa sha Shirushi, Mer: Ka orkuranilev Wam je, una er kwagh u a doom ken ishima u eren cii je, una kaa a Yerusalem er: I̱ maa u her, tempel kpaa i̱ tim imagh nagh.

Yesaia 45:5

Mo M ngu TER, mô ugen ngu ga; ma aôndo ugen ngu ga saa Mo; M ta u ikondo uya shin er u fem ga nahan kpaa;

Yesaia 48:15

Mo, Mo, M ôr kwagh, een, Mo M yila un; Ka Mo M ve a na ye; ikôr ia lagh un sha gbenda na kpaa.

Yeremia 27:6

Hegen yô, Mo, M gema ityar ingin cii, M na sha ikev i Nebukadinesar tor u Babilon, wanakiriki Wam; inyam i ken toho kpaa, M na un i, i̱ eren ishima na.

Yeremia 43:10

kaa a ve wer: TER u akum a Sha, Aôndo u Iserael, ngu kaan nahan er: Nenge, Me tindi, i̱ za kua a Nebukadinesar tor u Babilon, wanakiriki Wam, man Me ver ikônough nagh ki torough sha awen angan a M yer ne; una samber butu na u tor sha a.

Yeremia 50:3

Gadia ikurior igen due hen imbusutarimese ngi van num sha a na, ia gema tar na ua hingir ice, ma or nana kera tema ker ga; or kua zendenya kpaa yevese yem.

Yeremia 50:35

Sanker a̱ va sha Mbakaldi, kape TER A kaa ne, man sha ior i ken Babilon, man sha atiator a na kua sha mbafankwagh nav kpaa!

Yeremia 51:11

Hor nen avaan, kôr nen iperutya ave! TER tor jijingi u utor mba Media ityô gadia awashima Na sha kwagh u Babilon yô, ka u timin un kera, gadia ka iyevoron i TER je la, iyevoron i tempel Na.

Yeremia 51:30

Mbautyav mba Babilon de u nôngon ityav, ve gba teman ken ayou a ve a utya tsô; agee ve saa; ve hingir er kasev nahan; i nande ajiir a na a teman sha usu; i kever uishindan nav kera.

Yeremia 51:58

TER u akum a Sha ngu kaan nahan er: Á yohôr gilgar u Babilon u civir la purututu, á nande ugôgômbaihindav nav sha usu; nahan ior er tom gbilin, akuraior kpaa er ayol a ve ican gbilin, ka sha ci u usu tsô.

Esekiel 29:20

M na un tar u Igipiti sha ci u tom na u a er yô, gadia ve erem tom, kape Ter AÔNDO A kaa ne.

Daniel 5:6

Tsô mluashe u ishigh ki tor gema kposo, mbamhen nav kpaa ta un mciem iyol; uijuan mba iwenge na oghom, anu a na kpaa gba kunden ikarikase, zuan.

Daniel 7:5

Man shi nenge inyam igen, i sha uhar, lu er dwem nahan, i kende vegher u môm sha, i nyuma ahan atar ken zwa u i sha anyi; i kaa a i er: Mough sha, ya inyam kpishi.

Daniel 8:3

M kende ashe sha, m nenge; Yô, nomiyôngo tile hen kpeifi lu a akor ahar; akor la lihe; kpa ku mômough hemba lihen a kugenegh, ku hemban lihen kura ku mase duen.

Daniel 8:4

M nenge nomiyôngo la lu keman veren ishigh vegher u shin ityôtar man ken imbusutarimese man ken imbusutariyan; ma inyam i môm lu a tahav u tilen sha ishigh nagh ga, man shi ma or fatyô u yiman kwagh sha ikev na ga, kpa a lu eren sha ishima na, lu kenden iyol na sha.

Nahum 2:6

I bugh ihinda i uifi, iyou i tor sough.

Nahum 3:13

Nenge, ior ou ker atô wou, ka kasev; ihinda i ken tar wou ngi ivegher sha ishigh ki mbaihomov ou; usu hia uishindan ou.