Yesaia 44:9 - ICIGHAN BIBILO

⁹ Ve mba ve gbe ieev, ve cii ka agbilinaior tsô, man akaa a doon ve yum la, aa lu ve a inja ga; ushiada vev mba nengen ga, mba fe kwagh kpaa ga, nahan kunya ua kôr ve.

Yesaia 44:9 Iomraidhean Croise

2 Utor 19:18

ve gbihi mbaaôndo vev ken usu, gadia ve ka mbaaôndo mimi ga, kpa ka tom u sha ave a ior tsô, ikon kua awen; ka nahan man ve tim ve kera ye.

Upasalmi 115:4

Ieev vev ka azurfa man zenaria, tom u sha ave a ior.

Upasalmi 115:8

Mba ve gbe mbi la vea hingir er mbi nahan, hanmô u nan suur sha mbi yô.

Upasalmi 135:18

Mba ve gbe mbi vea hingir er mbi nahan, hanmô u nan suur sha mbi yô.

Upasalmi 97:7

Mba ve civir ieev cii, ve va ahenge, mba ve manger sha agbilinakaa la; mbaaôndo cii mba gur mba civir Un.

Yesaia 26:11

TERE, shin er uwegh Ough ku kende Sha nahan kpaa, mba nengen ga; kpa vea va nenge man kunya ua kôr ve sha gbashima Wou u sha ior Ou la; usu ua hia mbahendan a We la.

Yesaia 41:24

Nenge, ne mba ma kwagh ga, tom wen kpaa ka gbilinkwagh tsô; or u nan tsough ne la kpaa nan ngu kwagh u ndôhôrshima.

Yesaia 41:29

Nenge, ve cii, mba ma kwagh je ga, ityom ve kpaa ka gbilinkwagh tsô, ieev mbi keren a ker kpaa ka ahumbe man gbilinkwagh dang tsô.

Yesaia 42:17

Vea hide ijime, vea va ahenge tsung, ve mba ve suur sha ieev mbi gban a gba, mba ve kaan a ieev mbi keren a ker er: Ka ne, ne lu mbaaôndo asev la.

Yesaia 42:18

Ne mbakondonato, ungwa nen, ne mbaapirashe, kenger nen, sha er né nenge yô.

Yesaia 43:8

Due a ior mba ve pir ashe, shin ve lu a ashe nahan kpaa, man mba ve kondo ato, shin er ve lu a ato nahan kpaa.

Yesaia 43:9

Akuraior cii, a̱ kohol imôngo, ior cii ve̱ zua imôngo. Ka anti ken ve je nana fatyô u pasen kwagh ne, man nana tese se akaa a a vande karen kera? Ve̱ va a ushiada vev sha er vea zua a ishô yô, ve̱ ungwa, ve̱ kaa er: Ka mimi je.

Yesaia 44:11

Nenge, mba ve nyer nongo a nan cii, kunya ua kôr ve; mbatomov je kpaa, ka ior tsô; de ve cii, ve̱ kohol ijiir i môm, ve̱ mough, ve̱ tile sha; vea cia, kunya kpaa ua kôr ve imôngo cii.

Yesaia 44:18

Ve fa ga, mba henen kwagh ken asema ve kpaa ga, gadia i cir ve ashe sha u vea fatyô u nengen ga kua asema a ve kpaa, sha u vea fatyô u kaven ga yô.

Yesaia 44:20

Ka mtwem nan ye ye; icugh i ken ishima, i tsume a nan sha gbenda je, nan kera fatyô u yiman uma u nan ga; u pinen er: Ka aie a lum ken uwegh ku yanegh ye gaa, kpa nan pine ga.

Yesaia 45:16

Kunya kôr ve, ve cii ve va ahenge; ve yem a iheen iyol imôngo, ve mba ve gbe eev la.

Yesaia 45:20

Kohol nen ayol a en va nen; kporom nen imôngo, ne mba ne wer ken akuraior. Ve mba a mfe ga, ve mba ve tee ieev vev mbi i gbe mbi sha kon la, man mba ve eren msen, ve sen aôndo u a fetyô u yiman ga la.

Yesaia 57:12

Me pase perapera wou kua aeren a ou kpaa, aa kera lu u a inja ga.

Yesaia 65:13

Nahan yô, Ter AÔNDO ngu kaan nahan er: Nenge, mbayev Av vea ya kwagh, kpa ne yô, nea lu ijen; nenge, mbayev Av vea ma kwagh, kpa ne yô, nea lu imura; nenge, mbayev Av Vea ember, kpa ne yô, kunya ua kôr ne;

Yeremia 14:22

Agbilinakaa a atôatyev la, ma kwagh ngu ker, u una fatyô u nôôn ura kpa? Shin Usha fatyô u nôôn ura u ioo kpa? Kera ka We gaa, TER, Aôndo wase? Nahan yô, sé kegh U; gadia ka We je U er akaa ne cii ye.

Yeremia 2:11

Ikurior igen ngi i musan mbaaôndo vev mayange kpa? shin er ve lu mbaaôndo mba mimi ga nahan kpaa. Kpa ior Av ve tôô icivir ve, ve musan akaa a a fatyô u nan or ma kwagh u injaa ga la a mi.

Yeremia 2:26

Er ormbaiv ka nan va ahenge zum u i ker nan nahan, kape ya u Iserael kpaa a ve ahenge la; ve man utor vev man mbatarev vev man upristi vev man uprofeti vev;

Daniel 11:38

Sha ityouv vev yô, una civir aôndo u ayouautya a taver; aôndo u uter nav ve fe un ga la, una civir un sha zenaria man azurfa man awen a injaa man akaa a haan ishar iyol.

Daniel 5:23

Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Mbaromanu 1:22

Ve kaa er, ve mba mbafankwagh kpa ve hingir abumeaior.

1 Mbakorinte 8:4

Nahan sha kwagh u inyamakombo i yan yô, se fa, ma akombo nga a inja sha won ga, man shi ma Aôndo ugen ngu ga, saa môm tseegh.

2 Mbakorinte 4:4

Ve yô, ka mbanan jighjigh ga, aôndo u tar u ainge ne pir ve ashe a asema sha u ve̱ de nengen a iwanger i Loho u Dedoo u iengem i Kristu u A lu ibeen i Aôndo la ga.

Mbaefese 4:18

Mfe ve la wa ime, mba paleghaa a uma u Aôndo, sha ci u lanegh ku ku lu ken ve sha asema ve a cighir la.

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.

Duteronomi 27:15

Ifan i̱ kôr or u nan er eev mbu gban shin mbu keren a ker yô, ka TER kwagh u ihôngorough je, ka tomaveegh u or u fan kwaghgban, u nan ver mbu myer yô. Nahan ior cii ve̱ rumun er: Amen.

Duteronomi 4:28

Né civir mbaaôndo mbagenev keregh mba ve lu tomaveegh u or, mba sha ikon man mba sha awen, mba ve nengen ga, ve ongo kpaa ga, kwagh kpaa ve ye ga, ihumakwagh kpa ve ongo ga la.

Mbaajiriv 10:14

Yô, yem za vaa nen a mbaaôndo mba ne tsough yô, ve̱ yima ne hen shighe u ican i tser ne ne.