Yesaia 44:8 - ICIGHAN BIBILO

⁸ De cie nen ga, mciem ma̱ de gbe ne iyol ga; M tsengaôron ne ngise je, M pase ne gaa? Ka ne je ne lu mbashiada Av ye. Ma aôndo ugen ngu jee, saa Mo tsô gaa? Mimi je, ma Vande ugen ngu ga, M fa mô ga.

Yesaia 44:8 Iomraidhean Croise

Genese 46:3

A kaa er: Ka Mo Aôndo, Aôndo u teru, de cie u zan ken Igipiti ga, gadia Me gema u ú hingir ikurior i vesen keregh;

Genese 48:19

Kpa ter na venda, kaa er: M fa wan wam, m fa, un kpaa una hingir ikurior, un kpaa, una due iti; kpa anngô na u kiriki una hemba un; tsombor na ua hingir ikpila i akuraior.

2 Samuel 22:32

Gadia ka an nan lu Aôndo, saa TER tseegh gaa? Man ka an nan lu vande, saa Aôndo wase tseegh gaa?

Esera 1:2

Shirushi tor u Pershia ngu kaan nahan er: TER, Aôndo u Sha nam ityartor i sha won cii, man shi A kaa er, m̱ maa Un iyou ken Yerusalem, u a lu ken Yuda la.

Esera 8:22

Gadia kunya kôrom u sônon tor er a̱ nam ikum i mbautyav kua mbaanyinyav sha u wasen se sha mbaihomov asev sha gbenda; gadia se vande ôron kwagh a tor ser: Uwegh ku Aôndo wase ku a mbakeren Un cii sha u Una er a ve dedoo yô, kpa agee Na gema nga num a mba ve undu Un cii, iyugh Na kpaa nahan.

Upasalmi 18:31

Gadia ka an nan lu Aôndo, saa TER tseegh gaa? Man ka an nan lu vande, saa Aôndo wase tseegh gaa?

Upasalmi 18:32

Ka Aôndo u A wem agee iyol la; man A gem gbenda wam u hingir vough ye.

Upasalmi 86:10

Gadia U hemba, U eren akaa a kpilighyol; ka We tseegh U lu Aôndo ye.

Yesaia 17:10

Gadia Aôndo u myom wou hungul we, u kera umbur Vande wou u waren ker la kpaa ga, ka nahan man u lee ahu a mondon a dedoo man u môôr ikon i wain igen kposo ye;

Yesaia 26:4

Suur nen sha TER gbem sha won; gadia TER AÔNDO ka vande u tsôron je.

Yesaia 30:29

Nea wa icam er ka i eren icighaniniongo tugh nahan, man iember kpaa ia lu ne ken ishima er or ka nan zenden sha korough ku tôngon nan vaan sha uwo u TER, hen Vande u Iserael yô.

Yesaia 41:23

pase nen se akaa a a va er ken hemen yô, sha er se̱ fa er ne lu mbaaôndo yô; er nen ma kwagh, shin a lu u dedoo, shin a lu u bo, sha er i̱ kondo se iyol, sé gba kenger imôngo tsô yô.

Yesaia 42:9

Nenge, akaa a ngise la, a er kera ve, ka akaa a he M lu tesen ye; M ngu ôron ne kwagh u a, er a lu a due ga je yô.

Yesaia 43:10

Ka ne ne lu mbashiada Av ye, kape TER A kaa ne, wanakiriki Wam u M tsough, sha er ne̱ fam, ne̱ nam jighjigh, ne̱ kav er M lu Un kpaa yô; aôndo ugen vande lun a Mo ga, ken ijime Yam kpaa una lu ga.

Yesaia 43:11

Ka Mo M lu TER ye; á lu Mo ga yô, ma Oryiman ugen ngu ga.

Yesaia 43:12

Mo M pase, M yima, man shi M yôô kpaa; ma aôndo ugen lu her a ven ga, ka nahan man ne ne lu mbashiada Av ye, kape TER A kaa ne; ka Mo M lu Aôndo ye.

Yesaia 43:9

Akuraior cii, a̱ kohol imôngo, ior cii ve̱ zua imôngo. Ka anti ken ve je nana fatyô u pasen kwagh ne, man nana tese se akaa a a vande karen kera? Ve̱ va a ushiada vev sha er vea zua a ishô yô, ve̱ ungwa, ve̱ kaa er: Ka mimi je.

Yesaia 44:2

TER u A er u, A maa u ken uya je, man A wasen we la, ngu kaan nahan er: De cie ga, we Yakob, wanakiriki wam, man we, Yeshurun u M tsough ne.

Yesaia 44:6

TER, Tor u Iserael man Orpaan na kpaa, TER u akum a Sha ngu kaan nahan er: Mo M ngu u hiihii, shi M ngu u masetyô kpaa; ma aôndo ugen ngu ga, saa Mo.

Yesaia 45:19

M ôr kwagh ken myer, shin ken ma ijiir ken tar u imegh kpaa ga; M kaa a tsombor u Yakob Mer: Gba keren nen Mo gbilin tsô ga; Mo TER M er kwagh u perapera, M pasen akaa a a lu vough.

Yesaia 46:9

Umbur nen aerenakaa a tsuaa la; gadia Mo M ngu Aôndo, mô ugen ngu ga; Mo Aôndo je, mô ugen ngu er Mo nahan ga,

Yesaia 48:3

Akaa a tsuaa la, M tsenga pasen a je, ka ken zwa Wam a dugh ye, M tese a, M kure a fese je, a er kera kpaa.

Yesaia 48:5

Ka nahan M tsengapasen we akaa ne ngise ye, er lu a kuma ga je, M tese u a, sha u we de va kaan wer: Ka eev av mbu er a, ga; shin eev av mbu gban a gba, shin eev av mbu keren a ker mbu ve a a kpaa, ga.

Yeremia 10:7

Ka an je nana cia U ga, We Tor u akuraioro? Gadia We U kuma; gadia mbafankwagh mba akuraior cii, kua icivir i utor vev cii, ma or môm ngu er We nahan ga.

Daniel 2:28

kpa Aôndo ngu Sha u A pasen akaamyer, man A pase tor Nebukadinesar kwagh u una va er sha ayange a masetyô la kpaa. Ka mnyam ou, man mbampase mba sha mnenge mba u nenge er u lu sha gambe wou ne:

Daniel 2:47

Tor shi gema kaa a Daniel er: Mimi je, Aôndo wen ka Aôndo u mbaaôndo mbagenev cii, man Ter u utor kpaa, man Orpasenakaamyer, ka nahan man u fetyô u pasen kwaghmyer ne ye.

Daniel 4:25

á zenda u ken ior kera, man ijiir i teman you ia lu a inyamtoho imôngo, man á er u, ú ya toho er ibua nahan, avure a Sha á heen we iyol, ashighe á kar u ataankarahar, zan zan ú fa er Uhembansha a lu a tahav sha tartor u ior yô, ka A gema u, A na or u i doo Un u nan yô.

Daniel 6:22

Aôndo wam tindi ortyom Na, va cir ubegha ijô, ve erem ma kwagh u vihin ga; gadia i zuam a ibo sha ishigh Nagh ga; sha ishigh you kpaa, tor, m er ma kwaghbo ga.

Yoel 2:27

Nahan né fa er M lu ken atô u Iserael yô, man ka Mo M lu TER, Aôndo wen ye, ugen ngu ga; ior Av kpaa vea kera va ahenge ga.

YOHANE 1:1

Sha hiihii je Imo lu; Imo la lu vea Aôndo, man Imo la lu Aôndo je.

YOHANE 10:30

Mo a Ter ka kwagh môm.

YOHANE 6:10

Kpa Yesu kaa er: Yôô nen ior ve̱ haa inya. Hen ijiir la adegh a toho lu kpishi. Nahan nomsombaiorov tema inya, iyenge ve lu er dubu utaan nahan.

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

Aerenakaa A Mbaapostoli 14:15

kaan er: Ne ior mban, ka nyi ne eren nahana? Se kpaa se mba di ior tsô, inja i iyolough er ne nahan man se va ôr ne Loho u Dedoo sha u undu nen akaa a gbilinigh ne, gema nen ishima hen Aôndo u uma, Un u A er Sha man tar man zegemnger kua akaa a a lu ken ve cii;

Duteronomi 32:31

Gadia vande ve ngu er Vande wase ga, mbaihomov asev ayol a ve je kpaa ve fa nahan.

Duteronomi 32:39

Yô, nenge ka Mo je ne, ma aôndo ugen ngu a Mo imôngo ga; ka M wua, M shi M nder; M gber ivav, M shi M er i de kpaa; ma or môm ngu a tahav mbu nana yima ugen sha ikev Yam ga.

Duteronomi 32:4

Ka Vande, tom Na ngu vough; gadia igbenda Na cii, ngi jighilii. Ka Aôndo u jighjigh, ngu a ifer ga, Un ka u perapera man u mimi.

Duteronomi 4:35

Ka we i tese u a ye, sha u u̱ fa er i lu TER A lu Aôndo yô; mô gen ngu ga, saa Un tseegh.

Duteronomi 4:39

Fa ase nyian ne, koso ken ishima you kpaa, er i lu TER A lu Aôndo u Sha man u shin tar kpaa yô; mô gen ngu ga.

Mbaheberu 12:1

Nahan yô, se kpaa er ikpela i mbashiada i vesen ve kase se yô, sé shir nen hanma ikav kua isholibo i ka i tseren se abur abur la, sé gba nen ayem sha ishima i taver tsung sha gesa u ayemegh u i ver se sha ishi la.

1 Yohane 1:2

uma la yô, i due a na ken igbar, se nenge a na man se mba eren shiada sha kwagh na, se mba ôron ne kwagh u uma u tsôron u a lu vea Ter imôngo u i pase se un la—

1 Samuel 2:2

Mô u lun wang er TER nahan nan ngu ga; gadia mô ngu ga, saa We; ma vande u lun er Aôndo wase kpaa ngu ga.