Yesaia 44:6 - ICIGHAN BIBILO

⁶ TER, Tor u Iserael man Orpaan na kpaa, TER u akum a Sha ngu kaan nahan er: Mo M ngu u hiihii, shi M ngu u masetyô kpaa; ma aôndo ugen ngu ga, saa Mo.

Yesaia 44:6 Iomraidhean Croise

Upasalmi 86:10

Gadia U hemba, U eren akaa a kpilighyol; ka We tseegh U lu Aôndo ye.

Yesaia 33:22

Gadia TER ka Orjir wase, TER ka Orwan se atindi, TER ka Tor wase; ka Un je Una yima se ye.

Yesaia 37:16

We, TER u akum a Sha, Aôndo u Iserael, We, u U tem sha ucerubi, ka We tseegh U lu Aôndo u ityartor i sha won cii ye, ka We je, U gbe Sha man tar ye.

Yesaia 37:20

Yô, TERE, Aôndo wase, shi yima se sha ikev na, ityartor i sha won i̱ fa er We u lu TER tswen yô.

Yesaia 40:18

Tsô né kar Aôndo sha ana? Man ka hanma mluyol a kom u karen sha a Naa?

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 41:21

Due nen a ijir yen, kape TER A kaa la; va nen a atôakaa a en, kape Tor u Yakob A kaa la.

Yesaia 41:4

Ka an je nan er kwagh ne nan kur unu? Ka Un u A yila ikov hii sha mhii je; Mo, TER u hiihii je, man hen mbamasetyô kpaa, Me lu her nahan vough.

Yesaia 42:8

Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.

Yesaia 43:1

Kpa ahegen yô, TER u A gbe u, we Yakob, Un u A maa u, we Iserael, ngu kaan nahan er: De cie ga, gadia M paa u, M yila u sha iti, uwe u ngu u Wam je.

Yesaia 43:9

Akuraior cii, a̱ kohol imôngo, ior cii ve̱ zua imôngo. Ka anti ken ve je nana fatyô u pasen kwagh ne, man nana tese se akaa a a vande karen kera? Ve̱ va a ushiada vev sha er vea zua a ishô yô, ve̱ ungwa, ve̱ kaa er: Ka mimi je.

Yesaia 44:24

TER, Orpaan wou, man u A maa u ken uya je, ngu kaan nahan er: Ka Mo M lu TER u M er akaa cii ye, M samber Usha, Mo tswen, M samber tar sha won; ka an nan lu vea Mo?

Yesaia 44:8

De cie nen ga, mciem ma̱ de gbe ne iyol ga; M tsengaôron ne ngise je, M pase ne gaa? Ka ne je ne lu mbashiada Av ye. Ma aôndo ugen ngu jee, saa Mo tsô gaa? Mimi je, ma Vande ugen ngu ga, M fa mô ga.

Yesaia 48:12

Ver ato her a Mo, we Yakob, man Iserael u M yila u; ka Mo je ne; Mo M ngu u hiihii, shi M ngu u masetyô kpaa.

Yesaia 48:17

TER Orpaan wou, Icighan u Iserael, ngu kaan nahan er: Mo M ngu TER Aôndo wou, M tese u kwagh u una lu u a inja yô, M hemen we sha gbenda u ú zende sha mi la.

Yesaia 54:5

Gadia u A gbe u la, ka nomu je la, iti Na er, TER u akum a Sha je; man Icighan u Iserael ka Orpaan wou; á yila Un er Aôndo u sha won cii.

Yesaia 59:20

Una va hen Shion sha u va lun Orpaan ve, kua hen ior mba Yakob mba ve gem sha u undun kwaghbo ve la, kape TER A kaa ne.

Yesaia 63:16

Gadia We U ngu Ter wase je, shin er Aberaham a kera fe se ga, man Iserael kpaa a kera rumun se ga; kpa We TER, U ngu Ter wase, man Orpaan wase, ka iti You ngise je la.

Yeremia 10:1

Ungwa nen kwaghôron u TER, u A er a ven yô, ya u Iserael;

Yeremia 50:34

Orpaan ve ngu a agee, TER u akum a Sha, ka iti Na je la; Una ta ikaa ken a ve doo doo, sha u Una na tar mmem yô, kpa ior i ken Babilon yô, Una tumbul a ve.

Malaki 1:14

Ifan i̱ kôr orcugh, u ka nan lu a nomile ken ikumuile i nan la, man nan tôndo zwa je, kpa nan gema nan na TER nagh sha kwagh u lun a ihogholough iyol; gadia Mo M ngu Zegetor, kape TER u akum a Sha A kaa ne, iti Yam kpaa cier iyol ken akuraior.

Mateu 25:34

Zum la Tor la Una kaa a mba ve lu ken uwegh Nagh ku yanegh la er: Va nen, ne mba i saan ne iyol mba Terem, ya nen dyako u tartor u i ver sha ci wen hii sha igbetar je la.

Mateu 27:37

Ve ver ityôikaa i ijirigh Na sha henpe ityough Nagh lu la, i nger er: Ngun ka Yesu Tor u Mbayuda.

Duteronomi 32:39

Yô, nenge ka Mo je ne, ma aôndo ugen ngu a Mo imôngo ga; ka M wua, M shi M nder; M gber ivav, M shi M er i de kpaa; ma or môm ngu a tahav mbu nana yima ugen sha ikev Yam ga.

Duteronomi 4:35

Ka we i tese u a ye, sha u u̱ fa er i lu TER A lu Aôndo yô; mô gen ngu ga, saa Un tseegh.

Duteronomi 4:39

Fa ase nyian ne, koso ken ishima you kpaa, er i lu TER A lu Aôndo u Sha man u shin tar kpaa yô; mô gen ngu ga.

Duteronomi 6:4

Yô, ver ato Iserael: TER, Aôndo wase, ka TER, tswen, je!

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mpase U Yohane 1:11

i lu kaan er: Kwagh u u nenge a mi yô, nger ken takerada, tindi a mi hen iniongo i Kristu i itiankarihiar, hen Efese man Semurna man Peregamu man Tiatire man Sardisu man Filadelfia man Laodishia.

Mpase U Yohane 1:8

Mo M ngu Alefa man Omega, kape Ter Aôndo A kaa la, Un u A lu hegen, ngise kpaa lu, shi A lu van kpaa la, Uhembanagee.

Mpase U Yohane 2:8

Nger hen ortyom u nongo u Kristu u hen Semurna wer: Un u A lu u hiihii man u masetyô u a kpe kpa shi A lu uma la, ngu ôron akaa ne nahan er:

Mpase U Yohane 22:13

M ngu Alefa man Omega, u hiihii man u masetyô, mhii man mkur kpaa.