Yesaia 44:3 - ICIGHAN BIBILO

³ Gadia Me haa mngerem sha tar u imura i ker u yô, man uikuwanmbamngerev kpaa hen ikpoghonya; Me haa Jijingi Wam sha mbayev ou, kua iveren Yam kpaa sha tsombor wou;

Yesaia 44:3 Iomraidhean Croise

Yobu 5:25

Shi ú fa er tsombor wou ua ngee, kua ônov ou kpaa, er toho u hen inya nahan.

Upasalmi 107:35

Ka A gema desereti, a hingir ber u mnger, man tar u tseghe tseghe kpaa, u hingir amboramnger.

Upasalmi 63:1

Aôndo, ka We U lu Aôndo wam ye, m ngu keren We, U sarem ken ishima er imurakôron nahan; U sar iyol yam tsung, ken tar u ombor u tseghe tseghe, ape mngerem ma lu ga yô.

Anzaakaa 1:23

Wa nen myange wam iko, tsô me haa ne jijingi wam, me pase ne akaaôron am.

Yesaia 27:3

Mo TER, M ngu kuran u; Me urun u hanma shighe; sha u ma or môm nana̱ de vihin u ga yô, Me kuran u tugh kua tetan.

Yesaia 32:15

zan zan á haa se Jijingi u Sha man desereti una hingir sule u ikon i umen atam man sule u ikon i umen atam kpaa ia hingir er ka ikô nahan.

Yesaia 32:2

Man hanmô ve kpaa nana hingir er ijiir i yeren ahumbe nahan, man er ijiir i yeren uraahumbe yô, er uikuwanmbamngerev hen ikpoghonya nahan yô, er mure u zegevande u ken tar u vôron kpishi yô.

Yesaia 41:17

Mbaatsanev man mbaibanave ker mgerem, kpa ma ga, nombor ve uma sha ci u imura; Mo, TER, Me ungwa imo ve, Mo, Aôndo u Iserael, Me undu ve ga.

Yesaia 48:19

man shi tsombor wou ma u lu er waarawa nahan, man ônov mba iyav ou kpaa er ka sam u waarawa yô; ma i gber iti na kera ga, ma i tim i sha ishigh Yagh kera kpaa ga.

Yesaia 48:21

Imura kôr ve, zum u A hemen ve ken udeserti la, ga; A er mngerem due ken vande sha ci ve; A pav vande, tsô mngerem gba kuwan.

Yesaia 49:10

Ijen ia kôr ve ga shin imura kpaa ga; mtsee u ahumbe a tseen man oo kpaa ua ta ve ga; gadia u A zungu ve mhôônom la, Una hemen ve, Una hemen ve gbenda, Una za a ve hen amboramnger.

Yesaia 55:1

Ne mba imura i ker ne cii, va nen hen mnger, kua u nan lu a inyaregh je ga kpaa; va nen, va yam nen, ya nen, een, va nen, va yam nen wain kua atumbabua, á lu sha inyar ga, man sha ishe i wan kpaa ga.

Yesaia 59:21

TER ngu kaan nahan er: Ikuryan Yam a ve ka i ne: Jijingi Wam u A lu sha a we man akaaôron Am a M we u ken zwa, aa due u ken zwa kera mayange ga, shin sha zwa u tsombor u vor wou kpaa ga, kape TER A kaa la, hii hegen je, zan zan gbem sha won.

Yesaia 61:9

Vor ve kpaa á fa u ken akuraior, man tsombor ve kpaa ken ior kpishi; mba vea nenge a ve cii, vea pase er, mban ka vor u Aôndo A ver u doo doo yô.

Yesaia 65:23

Vea kera er tom gbilin ga, vea kera mar ônov sha ci u ve̱ tim kera kpaa ga; gadia ve ka vor u mba TER A ver ve doo doo la, kua tsombor ve a ve imôngo kpaa.

Esekiel 34:26

Me gema ve kua ajiir a a kase sha igungu Wam la, aa hingir iveren i dedoo; Me na ikumenura ua nôô sha shighe na; á lu ikumenura u haan iveren.

Esekiel 36:27

Me ver Jijingi Wam ker a ven, M na er né zenden ken akaawan a Am man né waan akaaôron Am a jirigh iko, né eren sha a vough kpaa.

Esekiel 39:29

man shi Me kera yer ve ishigh Yagh ga, gadia M haa Jijingi Wam sha ya u Iserael, kape Ter AÔNDO A kaa ne.

Esekiel 47:8

Nahan a kaa a mo er: Mngerem man ma kuwan yemen tiôntar u sha vegher u sha ityoughkitaregh, ma sen shin Araba, ma asegh shin zegemnger; ma za nyôr shin zegemnger sha u mngerem mara ma̱ hingir ma dedoo yô.

Hosea 10:12

Lôô nen perapera sha ci wen, sunda nen dooshima; kaha nen utsa enev, gadia shighe kuma u keren TER, zan zan Una va nôô perapera sha a ven er ka ura nahan.

Yoel 2:27

Nahan né fa er M lu ken atô u Iserael yô, man ka Mo M lu TER, Aôndo wen ye, ugen ngu ga; ior Av kpaa vea kera va ahenge ga.

Yoel 2:28

Tsô sha ayange a masetyô la, Me haa Jijingi Wam sha uumace cii; ônov enev mba nomso man mba kasev vea ôron kwaghôron u profeti, mnyam maa cie mbatamen enev, ikaior yen ia nenge mbampase mba sha mnenge;

Yoel 3:1

Gadia, nenge, sha ayange la, man sha shighe la kpaa, zum u me hire a Yuda man Yerusalem ken kwar yô,

Yoel 3:18

Tsô sha iyange la iwo ia nôndo wain u nyohon, atumba kpaa aa kuwa inya sha agungu; man iwagh i Yuda cii ia iv mngerem; imbormnger ia due ken iyou i TER, ia ur pev u Shitim.

Mika 5:7

Asande a Yakob a a shi her la, aa lu ken atô u akuraior kpishi er avure a a dugh hen TER nahan, man er aber a ura sha toho nahan, a a keghen or ga, shin á ngôôr her sha ci u ônov mba iorov kpaa ga yô.

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Mateu 12:43

Kpa jijingi u hôngorough ka una due ken or yô, a karen ken ajir a mngerem ma lu ga, a keren mmem, kpa a zua a min ga.

Aerenakaa A Mbaapostoli 10:45

Nahan mbananjighjigh mba ken mbaicôngov mba ve va a Peteru imôngo la cii, kpiligh ve iyol sha ci u i hee atôatyev iwua i Icighan Jijingi kpaa yô.

Aerenakaa A Mbaapostoli 2:17

Kape á lu sha ayange a masetyô je la, kape Aôndo A kaa la, Me haa Jijingi wam sha uumace cii, ônov enev mba nomso man mba kasev vea ôron kwaghôron u profeti, ikaior yen ia nenge mbampase mba sha mnenge. 2 Mnyam maa cien mbatamen enev kpaa.

Aerenakaa A Mbaapostoli 2:33

Er i kende Un sha a lu ken uwegh ku yanegh ku Aôndo man er A ngohol ityendezwa i Icighan Jijingi hen Ter A haa Un yô, ka kwagh shon u ne lu nengen shi ne lu ungwan kpaa je ne.

Aerenakaa A Mbaapostoli 2:39

Gadia ityendezwa ngi sha ci wen kua ônov enev man mba ve lu ken ica la cii kpaa, ka mba Aôndo Ter wase Una yila ve er ve̱ va her a Na la cii.

Mpase U Yohane 21:6

Shi A kaa a mo er: I kure ve! Mo M ngu Alefa man Omega, mhii man mkur. Or u imura i ker nan yô, Mo Me na nan mngerem ma imbormnger i uma la gbilin.

Mpase U Yohane 22:17

Jijingi man kwasehe mba kaan er: Va! Or u nan lu ungwan kpaa nana̱ kaa er: Va! Or u imura i ker nan yô, nana̱ va. Or u i sar nan kpaa, nana̱ va, nana̱ va ngohol mngerem ma umam gbilin.