Yesaia 44:2 - ICIGHAN BIBILO

² TER u A er u, A maa u ken uya je, man A wasen we la, ngu kaan nahan er: De cie ga, we Yakob, wanakiriki wam, man we, Yeshurun u M tsough ne.

Yesaia 44:2 Iomraidhean Croise

Upasalmi 46:5

Aôndo ngu ken atô na je, una tenger ga; Aôndo Una wase un pepe pepe je.

Upasalmi 71:6

Ka sha a We m suur ye, hii sha mmar je, ka We U dugh a mo ken iyav mbu ngôm ye, me wuese We gbem.

Upasalmi 95:6

Va, sé gure, sé civir, sé ngurum nen, sé gure nen inya sha ishigh ki TER u A gbe se la.

Yesaia 27:11

Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 41:8

Kpa we, Iserael, wanakiriki Wam, Yakob, u M tsough yô, tsombor u huror Wam Aberaham,

Yesaia 43:1

Kpa ahegen yô, TER u A gbe u, we Yakob, Un u A maa u, we Iserael, ngu kaan nahan er: De cie ga, gadia M paa u, M yila u sha iti, uwe u ngu u Wam je.

Yesaia 43:21

Ior mba M maa sha ci Wam iyol Yam je, vea pase iwuese Yam.

Yesaia 43:5

De cie ga, gadia M ngu a we; Me za va a tsombor wou sha ityoughkitaregh, Me za kura u shin ityôtar kera;

Yesaia 43:7

hanmô u i yer nan sha iti Yam, u M gbe nan sha ci u icivir Yam, u M maa nan, u M er nan la.

Yesaia 44:21

Umbur akaa ne, we Yakob, kua we Iserael kpaa, gadia u ngu wanakiriki Wam; ka Mo M maa u ye; u ngu wanakiriki Wam; Iserael, hungul Yam we ga.

Yesaia 44:24

TER, Orpaan wou, man u A maa u ken uya je, ngu kaan nahan er: Ka Mo M lu TER u M er akaa cii ye, M samber Usha, Mo tswen, M samber tar sha won; ka an nan lu vea Mo?

Yesaia 45:11

TER, Icighan u Iserael, u A maa un la, ngu kaan nahan er: Pinem kwagh u akaa a aa va er ken hemen la; ônov Av kua tom u ave Am yô, de ve, ve̱ lu sha ikev Yam tsô.

Yesaia 49:1

Ungwa nen kwagh Wam, ne ityar i hen kpezegemnger, ver nen ato ne akuraior a ken ca; TER yilam ken uya je, ka ken iyav mbu ngôm je A ter iti Yam ye;

Yesaia 49:5

Hegen yô, Ter ngu kaan, TER u A erem je er M lu ngôm ken uya, sha u M̱ lu Wanakiriki Na, M̱ hide a Yakob her a Na, sha u Iserael a̱ kohol her a Na yô—i civir Mo sha ashe a TER, Aôndo Wam kpaa hingir agee Am—

Yeremia 1:5

Er M lu a er u ken uya ga je tsô, M fa u, er u lu a due ken uya ga je tsô, M tsegha u; M ver u profeti u akuraior je.

Yeremia 30:10

Nahan yô, de cie ga, we Yakob wanakiriki Wam, kape TER A kaa ne, man ishima i̱ de nyian we ga, we Iserael; gadia, nenge, Me yima u ken ica je man vor wou kpaa ken tar u u lu uikangen ker la; Yakob una hide, ishima ia yôhôl un, una mem kpaa; ma or nana kera ta un mciem iyol ga.

Luka 12:32

Ne anikumuile u kpeghee ne, de cie nen ga! Gadia i doo Ter wen u nan ne tartor la.

Mbaromanu 8:30

mba A vande veren ve yô, A yila ve kpaa; mba A yila ve yô, A na ve ishô kpaa; mba A na ve ishô yô, A na ve iengem kpaa.

Mbaefese 1:4

A tsuwa se ken a Na je er i lu a gba tar ga yô sha u lun mba i tsegh ve man u lun a acôghol iyol ga kpaa sha ishigh Nagh. Ka sha dooshima je

Duteronomi 32:15

Kpa Yeshurun kehe, a ker apande; u kehe, u gba ikôr, u wa ahôm; tsô a gbihi Aôndo u A er un la, a laha Vande u myom na kpaa.

Duteronomi 33:26

Mô môm ngu er Aôndo ga, we Yeshurun, A zenden sha Usha, sha u wasen we, man sha kwavaôndo kpaa sha mhembe Na.

Duteronomi 33:5

TER ya tor ken Yeshurun, zum u utyombaiorov mba ior kohol, ikwe i Iserael cii kohol imôngo la.

1 Mbatesalonika 1:4

Gayô, se fa mtsough wen, ne anmgbianev mba ne doo Aôndo ishima.

Mbaheberu 4:16

Nahan yô, se kporom nen hen ikônough ki torough ki mhôôn vangertiôr sha u sé ngohol mhôônom ma zungwen man shi i̱ rumun se sha mhôôn, i̱ wase se sha shighe vough.