Yesaia 44:11 - ICIGHAN BIBILO

¹¹ Nenge, mba ve nyer nongo a nan cii, kunya ua kôr ve; mbatomov je kpaa, ka ior tsô; de ve cii, ve̱ kohol ijiir i môm, ve̱ mough, ve̱ tile sha; vea cia, kunya kpaa ua kôr ve imôngo cii.

Yesaia 44:11 Iomraidhean Croise

1 Utor 18:40

Nahan Eliya kaa a ve er: Kôr nen uprofeti mba Baal, mô ve môm a̱ de waren ga. Tsô ve kôr ve, Eliya sen a ve hen kpeuwagh u Kishon, za wua ve heregh.

Upasalmi 97:7

Mba ve civir ieev cii, ve va ahenge, mba ve manger sha agbilinakaa la; mbaaôndo cii mba gur mba civir Un.

Yesaia 1:29

Gadia kunya ua kôr ne a ikon i terebin i i sar ne la, nea va ahenge kpaa, sha ci u ishule i ikon i ne tsough i la.

Yesaia 42:17

Vea hide ijime, vea va ahenge tsung, ve mba ve suur sha ieev mbi gban a gba, mba ve kaan a ieev mbi keren a ker er: Ka ne, ne lu mbaaôndo asev la.

Yesaia 44:9

Ve mba ve gbe ieev, ve cii ka agbilinaior tsô, man akaa a doon ve yum la, aa lu ve a inja ga; ushiada vev mba nengen ga, mba fe kwagh kpaa ga, nahan kunya ua kôr ve.

Yesaia 45:16

Kunya kôr ve, ve cii ve va ahenge; ve yem a iheen iyol imôngo, ve mba ve gbe eev la.

Yesaia 65:13

Nahan yô, Ter AÔNDO ngu kaan nahan er: Nenge, mbayev Av vea ya kwagh, kpa ne yô, nea lu ijen; nenge, mbayev Av vea ma kwagh, kpa ne yô, nea lu imura; nenge, mbayev Av Vea ember, kpa ne yô, kunya ua kôr ne;

Yeremia 10:14

Hanma or nan hingir orlanenkwagh, nan ban a mfe; hanma or u nan eren tom sha zenaria nan va ahenge sha ieev mbi nan mbi gban a gba la; gadia ieev mbi nan mbi keren a ker mbila ka kwagh u icughugh je, ma iôôn ngi ken mbi ga.

Yeremia 51:17

Hanma or nan hingir orlanenkwagh nan ban a mfe; hanma or u nan eren tom sha zenaria nan va ahenge sha ieev mbi nan mbi gban a gba la; gadia ieev mbi nan mbi keren a ker mbila, ka kwagh u icughugh je, ma iôôn ngi ken mbi ga.

Hosea 13:2

Hegen kpaa mba eren asorabo zan hemen hemen, mba keren ieev, akombo a i er a sha azurfa ve sha mfe, a cii ka tom u mbafaneev; mba kaan sha a er: Mba ve ne nagh yô, mba susu anibuav.

Duteronomi 4:28

Né civir mbaaôndo mbagenev keregh mba ve lu tomaveegh u or, mba sha ikon man mba sha awen, mba ve nengen ga, ve ongo kpaa ga, kwagh kpaa ve ye ga, ihumakwagh kpa ve ongo ga la.