Yesaia 44:10 - ICIGHAN BIBILO

¹⁰ Ka an nan gbe aôndo, shin nan ker eev mbu mbu lu a inja sha ma kwagh ga ne ase?

Yesaia 44:10 Iomraidhean Croise

1 Utor 12:28

Nahan tor hen kwagh, a gema a er anibuav uhar sha zenaria; a kaa a ve er: Ne za ken Yerusalem kuma ve; nenge mbaaôndo ou, we Iserael, ka mba ve due a we ken tar u Igipiti je ne.

Upasalmi 115:4

Ieev vev ka azurfa man zenaria, tom u sha ave a ior.

Yesaia 40:19

Eev mbu haan yô, ortom ka nan haa mbu, orvarenzenaria nan cir mbu zenaria iyol, nan var mbu mshirim ma azurfa.

Yesaia 41:29

Nenge, ve cii, mba ma kwagh je ga, ityom ve kpaa ka gbilinkwagh tsô, ieev mbi keren a ker kpaa ka ahumbe man gbilinkwagh dang tsô.

Yesaia 45:20

Kohol nen ayol a en va nen; kporom nen imôngo, ne mba ne wer ken akuraior. Ve mba a mfe ga, ve mba ve tee ieev vev mbi i gbe mbi sha kon la, man mba ve eren msen, ve sen aôndo u a fetyô u yiman ga la.

Yeremia 10:5

Mba er ka kwagh u cien inyon a min ken sule nahan mba er kwagh ga; mba tee a tôô ve, sha ci u mba fetyô u zenden ga. De cie ve ga, gadia mba fetyô u eren kwagh u vihin ga, man shi kwagh u eren u dedoo kpa ngu her a ve ga.

Yeremia 16:19

TERE, agee am man garutya wam man ijiir yam i yeren ker sha iyange i ican, ka her a We akuraior aa due ken akighir a tar aa va ye, aa kaa er: Ka aie tseegh a lu dyako u uter asev ve ye ye; ka agbilinakaa, kwagh môm u lun a inja ngu ker ga.

Daniel 3:1

Tor Nebukadinesar er eev mbu sha zenaria, ityaven i mbu lu aseva akunduatar man igbanger i mbu lu aseva ataratar; a ver mbu shin pev u Dura ken tiôntar u Babilon.

Daniel 3:14

Nebukadinesar gema pine ve er: We, Saderaki man Meshaki man Abedi-nego, ka sha apera je ne civir aôndo wam ga, man eev mbu zenaria mbu m ver la kpaa, ne civir mbu ga yee?

Habaku 2:18

Eev mbu gban a gba, mbu or nan gbe mbu la, mbu a inja sha nyi? man shi eev mbu haan, mbu mbu lu ortesen u aiegh la, or u nan gbe mbu la nan gem nan suur sha kwagh u nan gbe la, or ka nan gba ieev mbi gbiliniv mbi fan ityô u lamen ga!

Aerenakaa A Mbaapostoli 19:26

ne mba nengen, shi ne mba ungwan kpaa, ka ken Efese tseegh ga, shi ciôn ma i lu ken Ashia cii je man Paulu ne a lu ulugh ior kpishi, geman ve je, ngu kaan er, mban mba i eren sha ave ne ka mbaaôndo je ga.

1 Mbakorinte 8:4

Nahan sha kwagh u inyamakombo i yan yô, se fa, ma akombo nga a inja sha won ga, man shi ma Aôndo ugen ngu ga, saa môm tseegh.