Yesaia 43:5 - ICIGHAN BIBILO

⁵ De cie ga, gadia M ngu a we; Me za va a tsombor wou sha ityoughkitaregh, Me za kura u shin ityôtar kera;

Yesaia 43:5 Iomraidhean Croise

Upasalmi 106:47

Yima se, TERE, Aôndo wase, due a vese ken akuraior kera, sha er se̱ sugh icighanti Wou man se̱ ta ihagh sha iwuese You yô.

Upasalmi 107:3

mba A kohol ve ken ityar kposo kposo, A hidi a ve yô, sha ityoughkitaregh man shin ityôtar, man shi ken imbusutarimese man iyan.

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 41:8

Kpa we, Iserael, wanakiriki Wam, Yakob, u M tsough yô, tsombor u huror Wam Aberaham,

Yesaia 41:9

uwe, u M kôr u, M tôô u sha akighir a tar je, M yila u sha azongo a u, M kaa a we Mer: We, u ngu wanakiriki Wam, M tsuwa u, M ta u kera ga,

Yesaia 43:1

Kpa ahegen yô, TER u A gbe u, we Yakob, Un u A maa u, we Iserael, ngu kaan nahan er: De cie ga, gadia M paa u, M yila u sha iti, uwe u ngu u Wam je.

Yesaia 43:2

Zum u wea peren gidamnger yô, Me lu a we; wea peren uifi kpaa, vea uve u ga; wea zenden ker atô usu kpaa, ua hia u ga; nomborusu kpaa ua kôr u ga.

Yesaia 44:2

TER u A er u, A maa u ken uya je, man A wasen we la, ngu kaan nahan er: De cie ga, we Yakob, wanakiriki wam, man we, Yeshurun u M tsough ne.

Yesaia 49:12

Nenge, mban ka ken ica ve dugh ye; mbala ka ken imbusutarimese man shin ityôtar kpaa; shi mbagenev ka ken tar u Shinim ve dugh ye.

Yesaia 49:18

Kende ashe ou sha, jinge kera, man nenge; ve cii mba kohol imôngo, mba van her a we. Er M lu u uma yô, kape TER kaa la, mimi je ú wuha iyol sha a ve cii er ka ikav mbi hweev yô, man ú zer ve iyol er ka kwasehe nahan.

Yesaia 54:3

Gadia ú samber ken iyan kua ken imese kpaa; ka vor wou je ua tema tor sha akuraior ye, agar a i hembe a kera kpaa, ú na ior vea tema ker.

Yesaia 54:7

M gbihi u kera sha anshighe kpeghee tsô, kpa Me hide a we sha mhôônom ma zungwen ma vesen.

Yesaia 61:9

Vor ve kpaa á fa u ken akuraior, man tsombor ve kpaa ken ior kpishi; mba vea nenge a ve cii, vea pase er, mban ka vor u Aôndo A ver u doo doo yô.

Yesaia 8:10

Hen nen kwagh ayol a en, kpa una lu a inja ga; ôr nen kwagh, kpa kwagh á er sha mi ga, gadia Aôndo ngu a vese.

Yeremia 23:7

Nahan yô, nenge ayange nga van, kape TER A kaa ne, a á kera kaa er: Er TER u A dugh a Mbaiserael ken tar u Igipiti A lu u uma ne, ga,

Yeremia 23:8

kpa á kaa er: Er TER u A dugh man A hemen vor u ya u Iserael shin tar u Imbusutarimese man ken ityar i M zende ve, ve yem ker la cii A lu u uma ne. Vea tema ken tar ve jim.

Yeremia 29:14

Me rumun er ne̱ zua a Mo kpaa, kape TER A kaa ne, Me gema mlu wen, Me kohol ne ken akuraior cii, man ken ajiir a Me zenda ne ne yem ker la cii, kape TER A kaa ne; Me shi Me hide a ven hen ijiir i lu M na, i kura ne her kera, i yem a ven uikangen la.

Yeremia 3:18

Sha ayange la, ya u Yuda una zua a ya u Iserael, vea due imôngo ken Imbusutarimese la, vea va nyôr ken tar u M na uter enev dyako yô.

Yeremia 42:11

De cie nen tor u Babilon, u ne cie un la ga; de cie un ga kape TER A kaa ne; gadia Mo M ngu a ven sha u waren ne, man sha u yiman ne sha ikev na.

Yeremia 51:46

Ishima i̱ de yen ne ga, man shi de cie nen gwa u á va ungwa hen tar la ga, gadia gwa ua va ken inyom i môm, man shi inyom igen kpaa shi ua va; aeren a aperagh aa lu sha tar, ortaregh una mough num a ortaregh.

Yoel 3:7

yô, nenge, Me mough a ve hen ijiir i ne za tee ve la kera, Me hire a iyevoron la sha ityough yenegh;

Mika 2:12

Me kohol ne cii kpee je, we ya u Yakob, Me kohol asande a Iserael a a shi her la je, Me zua ve imôngo er iyôngo ken ityôr nahan man er ikumuile ken atô u ijiir ve i yan toho yô; á hura iuu sha mngee u ior.

Sekaria 8:7

TER u akum a Sha ngu kaan nahan er: Nenge, Me yima ior Av mba ve lu ken tar u sha ityoughkitaregh man ken tar u shin ityôtar;

Luka 13:29

Ior vea due sha ityoughkitaregh man shin ityôtar man ken imbusutariyan man imese, vea va tema ken tartor u Aôndo.

YOHANE 10:16

M ngu a iyôngo igen i i lu hen ityôr ne ga yô, i kpaa Me va a i keng, ia ungwa imo Yam; ia hingir ikum i môm man orkuran môm kpaa.

Duteronomi 30:3

nahan TER, Aôndo wou, Una gema mlu wou, Una zungwe u mhôônom, Una shi á kohol we ken akuraior cii, henpe TER, Aôndo wou, vande samben we u za lu la.