Yesaia 43:3 - ICIGHAN BIBILO

³ Gadia Mo, M ngu TER, Aôndo wou, Icighan u Iserael, Oryiman wou; M na Igipiti hingir kwagh u paan we a mi, man Etiopia kua Seba kpaa sha ityough you.

Yesaia 43:3 Iomraidhean Croise

Genese 10:7

Ônov mba Kushi yô, ka: Seba man Havila man Sabeta man Raama kua Sabateka; man ônov mba Raama yô, ka: Sekeba man Dedan.

Upasalmi 72:10

Utor mba Tarshishi man mba ken ityar i shin kpe zegemnger ve̱ va un a iwua; utor mba Sekeba man Seba kpaa ve̱ va a uiwua.

Ekesodu 10:7

Nahan mbatomov mba Farao kaa a na er: Ka hanma shighe je man or ne una de hônon se? De ior ve̱ yem ve̱ za civir TER Aôndo ve; u ngu a fa er Igipiti a saa ishe je gaa?

Ekesodu 20:2

Ka Mo TER, M lu Aôndo wou, u M dugh a we ken tar u Igipiti, ken ya u ikpan ye.

Anzaakaa 11:8

Ka i dugh orperapera ken ican kera, iferor a gema a tema sha ityough ki nan.

Anzaakaa 21:18

Orifer ka ipaa i orperapera, man, orcugh kpaa ngu sha ityough ki mbamimi.

Yesaia 19:20

Á hingir ikav kua shiada u TER u akum a Sha ken tar u Igipiti; shighe u vea vaa a TER sha ci u mba ve kighir ve a ican la yô, Una tindi ve a oryiman man orageegh u nana yima ve yô.

Yesaia 20:3

Tsô TER kaa er: Er wanakiriki Wam Yesaia a lu zenden idyelegh anyom atar, a akôvangahar kpaa ga yô, sha u i̱ lu ivande man ikav sha kwagh u Igipiti man sha kwagh u Kushi yô,

Yesaia 30:11

undu nen gbenda, kaha nen sha ihange kera, na nen Icighan u Iserael A̱ ndiir se ashe.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 42:8

Ka Mo TER, ka iti Yam je ne; icivir Yam kpaa Me na orgen ga, iwuese Yam Me na ieev mbi gban a gba la ga.

Yesaia 43:11

Ka Mo M lu TER ye; á lu Mo ga yô, ma Oryiman ugen ngu ga.

Yesaia 45:14

TER ngu kaan nahan er: Iwengeoron i Igipiti, man ikav mbi kasuav mbi Etiopia kua Mbasabea, ugôgômbaiorov la, vea per vea va her a we, vea hingir mba ou kpaa, vea dondo u ijime, vea per ken a we a mshirim iyol, vea gule sha ishigh you, vea zamber a we er: Mimi je, ka hen a we tseegh Aôndo A lu ye, mô ugen ngu ga, Aôndo ugen ngu ga.

Yesaia 45:15

Mimi je, U ngu Aôndo u U yer iyol You, Aôndo u Iserael, Oryiman.

Yesaia 45:21

Pase nen, due nen a mi; ve̱ hen kwagh ayol a ve: Ka anti nan tese kwagh ne, hii sha ayange a tsuaa la je? Ka anti nan pase kwagh ne sha ayange a tsuaa la? Kera ka Mo TER gaa? Ma aôndo ugen kpaa ngu ga, saa Mo; Aôndo u jighilii man u yiman kpaa ngu ga, saa Mo.

Yesaia 49:26

Mba ve kighir we a ican la, Mo Me na ve inyam ve vea ya; vea hunde sha awambe a ve ayol a ve kpaa, er ka sha wain u nyohon nahan; man uuma cii vea fa er Mo, TER, M lu Oryiman wou man Orpaan wou kpaa ye, Uageegh u Yakob.

Yesaia 60:16

Ú ma atumba a akuraior, man shi ú ambe atumba a utor, man ú fa er Mo TER, M lu Oryiman wou man Orpaan wou kpaa, Uageegh u Yakob.

Yesaia 63:8

A kaa er: Ve, ka ior Av je, ka ônov mba vea er sha icugh ga; man A hingir Oryiman ve kpaa.

Yeremia 14:8

We, ishimaverenkeghen i Iserael, Oryiman na, sha ayange a ican, ka nyi man U hingir er orvannya ken tar ne, man er or u nan dugh zende, u nan kaha nan yav tugh tseegh nahan?

Yeremia 16:21

Ka sha ci u nahan, nenge, Me na, vea fa, hen shighe ne je, vea fa uwegh Agh kua tahav Av; man shi vea fa er iti Yam i lu TER je yô.

Esekiel 39:7

Me pase icighanti Wam ken atô u ior Av Iserael; man Me kera rumun Mer, i̱ hôngor a icighanti Wam ga; man akuraior aa fa er Mo M lu TER ye, Icighan ken Iserael.

Hosea 13:4

Nahan kpaa, Mo M ngu TER, Aôndo wou, hii ken tar u Igipiti je, u fa ma aôndo ugen ga saa Mo; Oryiman ugen ngu ga saa Mo.

Levitiku 11:44

Gadia ka Mo M lu TER Aôndo wen; nahan tsegha nen ayol a en, lu nen uicighanmbaiorov je, gadia Mo M ngu icighan je; yô, de hôngor nen ayol a en sha inyarev mbi mbi kper a kpela inya ga.

Amoshi 9:7

Ne kera mbam er ônov mba Etiopia nahan gaa, ne ônov mba Iserael? Kape TER A kaa ne, M due a Iserael ken tar u Igipiti man Mbafiliti ken Kafetor man Mbashiria ken Kir gaa?

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Yuda 1:25

Aôndo u mtswen, Oryiman wase ken Yesu Kristu Ter wase ne, iengem i̱ lu i Na kua shagba man agee man tahav, je er kwagh lu a vande lun ga man hegen kpaa zan zan gbem sha won. Amen.