Yesaia 43:2 - ICIGHAN BIBILO

² Zum u wea peren gidamnger yô, Me lu a we; wea peren uifi kpaa, vea uve u ga; wea zenden ker atô usu kpaa, ua hia u ga; nomborusu kpaa ua kôr u ga.

Yesaia 43:2 Iomraidhean Croise

Yobu 5:19

Una yima u ken atsan ataratar kpaa; een, ken ataankarahar je kpaa, ifer ia bende a we ga.

Upasalmi 23:4

Shin mea karen ken pev u mure u kuugh kpaa, me cia kwagh u bo ga, sha ci u We U lu a mo yô; aga Wou man gbough Ough ka ve surun mo ishima.

Upasalmi 32:6

Nahan yô, hanma or u cian Aôndo nana̱ sôn Un sha shighe u i lu pe á zua a Na yô. Mimi je, zum u uzegembamngerev vea sar avenge kpaa, vea ar her a nan ga.

Upasalmi 66:10

Gadia U kar se Aôndo, U kar se er i karen azurfa nahan.

Upasalmi 66:12

U na ior Wer, ve̱ zende se sha ityou; se kar ken usu kua shin mnger, kpa U due a vese, U va a vese ken ijiir i akaa a ngee her yô.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Ekesodu 14:29

Kpa Mbaiserael yô, per sha tareghnyaagh hen atô u zegemnger; mngerem lu ve ken iyan kua ken imese er kpekpe nahan.

Ekesodu 3:12

A kaa er: Mimi je, Me lu a we imôngo; kwagh ne una hingir we ikav, er i lu Mo M tindi u yô: zum u ú due a ior ken tar u Igipiti yô, ka hen uwo ne je né va civir Aôndo ye.

Yesaia 29:6

TER u akum a Sha Una va sôr u sha idyuran man mtenger u tar man iov i vesen man hiar man Ura u nôôn baver baver man nomborusu u hian akaa.

Yesaia 30:27

Nenge, ka ken ica, iti i TER i dugh ye, iyugh Na ngi hian, mnyim ma kôrkôr ma kôndon sha; ityumbuzwaagh Na mgbough a iyugh, man nombor Na ngu er usu u hian nahan;

Yesaia 41:10

de cie ga, gadia M ngu a we; de enger kenger sha mcie ga, gadia Mo M ngu Aôndo wou, M taver we, shi M wasen we, man M tuur we sha uwegh Agh ku yanegh ku yiman a yima la.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 43:5

De cie ga, gadia M ngu a we; Me za va a tsombor wou sha ityoughkitaregh, Me za kura u shin ityôtar kera;

Yeremia 42:11

De cie nen tor u Babilon, u ne cie un la ga; de cie un ga kape TER A kaa ne; gadia Mo M ngu a ven sha u waren ne, man sha u yiman ne sha ikev na.

Yeremia 46:28

We, Yakob wanakiriki Wam, de cie ga, kape TER A kaa ne; gadia M ngu a we; gadia Me tim akuraior cii, a M sambe u ken a la, kpa we yô, Me tim u cii ga, kpa Me tsaha u akuma akuma, Me gba den we nahan tsô ga.

Daniel 3:23

Ior mba utar mban: Saderaki man Meshaki man Abedi-nego ve gba ken atô u atse a usu u yeghen ker la, a ikangenev mbila.

Hagai 1:13

Tsô Hagai ortyom u TER ôr ior loho u TER, a kaa er: M ngu a ven imôngo, kape TER A kaa ne.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Malaki 4:1

Gadia, nenge iyange ngi van ngi yeghen er usu u sha atse nahan; mbagengeseyol cii, man mbaerenafer cii vea hingir atôayia, man iyange i i ve la kpaa ia hia ve kera— kape TER u akum a Sha A kaa ne—je, ia shi ve mise shin gbaa kpaa ga.

Mateu 1:23

Iniunkwase ia wa iyav, ia mar wan u nomso; á yila Un iti er Emanuel, inja na yô er, Aôndo ngu a vese.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:17

Nahan kpaa Ter yô tile a mo her, A nam agee sha u m̱ ôr kwaghaôndo m̱ kure, atôatyev cii a̱ ungwa. Kape i yiman ken zwa u begha kera ne.

WASHIKA U SHA UHAR U PAULU APOSTOLI TINDI HEN TIMOTEU - 2TI 4:22

Ter A̱ lu a jijingi wou. Mrumun u sha mhôôn a̱ lu sha a ven.

Mbaheberu 11:29

Ka sha jighjigh u nan man ve per Zegemnger u Nyian er ka tareghnyaagh nahan ye, kpa Mbaigipiti mba nenge u ve kpaa vea er nahan yô, ve saa mnger.

Yosua 1:5

Ma or nana fatyô u tilen sha ishigh you sha ayange a u lu uma ne ga; er M lu a Mose nahan, kape we kpaa Me lu a we la; Me kende u ga, Me undu u kpaa ga.

Yosua 1:9

M vande kaan we gaa? Lu taveraa, taver ishima; de cie ga; de luun a mciem iyol ga; gadia TER, Aôndo wou, ngu a we henpe ú za cii.