Yesaia 43:10 - ICIGHAN BIBILO

¹⁰ Ka ne ne lu mbashiada Av ye, kape TER A kaa ne, wanakiriki Wam u M tsough, sha er ne̱ fam, ne̱ nam jighjigh, ne̱ kav er M lu Un kpaa yô; aôndo ugen vande lun a Mo ga, ken ijime Yam kpaa una lu ga.

Yesaia 43:10 Iomraidhean Croise

Upasalmi 102:27

Kpa We yô, Ú lu di her nahan; anyom a Ou kpaa nga a mkur ga.

Ekesodu 8:6

Tsô Aron naregh uwegh nagh sha mngerem ma Igipiti; nahan asôhô va, va iv ken tar u Igipiti.

Yesaia 41:20

sha u ve̱ nenge, ve̱ fa, ve̱ hen sha mi, ve̱ kar imôngo cii er i lu uwegh ku TER ku er nahan yô, ka Icighan u Iserael A gbe akaa ne ye.

Yesaia 41:4

Ka an je nan er kwagh ne nan kur unu? Ka Un u A yila ikov hii sha mhii je; Mo, TER u hiihii je, man hen mbamasetyô kpaa, Me lu her nahan vough.

Yesaia 41:8

Kpa we, Iserael, wanakiriki Wam, Yakob, u M tsough yô, tsombor u huror Wam Aberaham,

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 43:12

Mo M pase, M yima, man shi M yôô kpaa; ma aôndo ugen lu her a ven ga, ka nahan man ne ne lu mbashiada Av ye, kape TER A kaa ne; ka Mo M lu Aôndo ye.

Yesaia 45:5

Mo M ngu TER, mô ugen ngu ga; ma aôndo ugen ngu ga saa Mo; M ta u ikondo uya shin er u fem ga nahan kpaa;

Yesaia 45:6

sha u I̱ fa, hii sha mdugh u iyange je zan zan mmir u i, mô ugen ngu ga saa Mo; ka Mo M lu TER ye, mô ugen ngu ga.

Yesaia 48:12

Ver ato her a Mo, we Yakob, man Iserael u M yila u; ka Mo je ne; Mo M ngu u hiihii, shi M ngu u masetyô kpaa.

Yesaia 49:23

Utor vea lu uter ou mba kuran we, man ashagba a ukase a ve vea lu ungô mba koson we; vea gule u sha ishi, vea kuma ishiv vev inya, vea ndiar ihundu i shin angahar a ou; tsô ú fa er M lu TER, mba ve veren ashe Mo vea va ahenge ga ye.

Yesaia 55:4

Nenge, M ver un Mer, a̱ lu shiada hen ior a̱ lu orhemen man orwan akuraior kwagh.

Hagai 2:23

Sha iyange la, kape TER u akum a Sha a kaa ne, Me tôô u, we Serubabel, wanakiriki Wam, wan u Shealtiel, kape TER A kaa ne, Me gema u ú hingir iyôgh ki ken uwe ki veren ikav a min; gadia M tsuwa u, kape TER u akum a Sha A kaa ne.

YOHANE 15:27

Man ne kpaa, né pasen kwagh Wam sha ci u ne lu a Mo sha hiihii je yô.

YOHANE 20:31

kpa mban yô, i nger ve sha er ne̱ na jighjigh er Yesu A lu Kristu, Wan u Aôndo je yô, er ne̱ zua a uma ken iti Na er ne ne jighjigh yô.

Aerenakaa A Mbaapostoli 1:8

Kpa né va ngohol agee shighe u Icighan Jijingi Una va sha a ven yô, man né lu mbapasen kwagh Wam ken Yerusalem man ken Yudia cii kua Samaria kpaa, zan zan á ar ken ikighir i tar je.

1 Mbakorinte 15:15

Shi á va fa se er se lu mbashiada mba Aôndo mba aiev, gadia se mba sendegh kwagh a Aôndo eren shiada ser, A nder Kristu, man A nder Un ga je, aluer mnder u shin mbakpenev ngu ga yô.

Duteronomi 32:39

Yô, nenge ka Mo je ne, ma aôndo ugen ngu a Mo imôngo ga; ka M wua, M shi M nder; M gber ivav, M shi M er i de kpaa; ma or môm ngu a tahav mbu nana yima ugen sha ikev Yam ga.

Duteronomi 4:35

Ka we i tese u a ye, sha u u̱ fa er i lu TER A lu Aôndo yô; mô gen ngu ga, saa Un tseegh.

Duteronomi 4:39

Fa ase nyian ne, koso ken ishima you kpaa, er i lu TER A lu Aôndo u Sha man u shin tar kpaa yô; mô gen ngu ga.

Mbafilipi 2:7

kpa A gema iyol Na hingir gbilin er A tôô mlu u ortom, A hingir kwagh môm a ior la.

Mbakolose 1:7

Kape i tese ne sha ikev i Epafera or u eren tom a vese imôngo u doon ishima la. Un ka ortom u jighjigh u Kristu sha ci wen.

Mpase U Yohane 1:2

ka un a er shiada sha mkaanem ma Aôndo, man sha kwagh u shiada u Yesu Kristu la sha akaa a a nenge cii ye.

Mpase U Yohane 1:5

man shi hen Yesu Kristu, Orshiada u jighjigh, ka Waniunda u ken mbakpenev man ka Tor u tamen sha utor mba sha won kpaa. Un u se doo Un ishima man A sagh se A due a vese ken asorabo ase kera sha awambe a Na

Mpase U Yohane 3:14

Nger hen ortyom u nongo u Kristu u hen Laodishia wer: Un u a lu Amen, Orshiada u jighjigh man u mimi, mhii u igbetar i Aôndo ngu ôron akaa ne nahan er: