Yesaia 43:1 - ICIGHAN BIBILO

¹ Kpa ahegen yô, TER u A gbe u, we Yakob, Un u A maa u, we Iserael, ngu kaan nahan er: De cie ga, gadia M paa u, M yila u sha iti, uwe u ngu u Wam je.

Yesaia 43:1 Iomraidhean Croise

Genese 32:28

Nan kaa er: Á kera yilan we iti er Yakob ga, kpa á yilan we er Iserael, gadia u nôngo wav a Aôndo kua ior, u hemba kpaa.

Upasalmi 100:3

Fa nen er TER A lu Aôndo yô; ka Un A er se ye, se mba u Nav je; se mba ior Nav je, man iyôngo Na i A koson yô.

Upasalmi 102:18

Á nger kwagh ne sha ci u kov u ua va la, man ikurior i á va gba i la, ia wuese TER.

Ekesodu 15:13

Sha erdoo Wou, U hemen ior mba U paa ve yô, U hemen ve gbenda sha agee Ou, U za a ve hen icighanjiir Wou.

Ekesodu 15:16

Iwondo man mciem haa ve iyol; sha mtaver u uwegh Ough, ve huan ving, er iwen yô, shighe u ior Ou lu karen la TERE, shighe u ior mba U yam la ve lu karen yô,

Ekesodu 33:17

TER shi kaa a Mose er: Kwagh u u kaa la, Me er un kpaa, gadia doom a we, shi M fa u sha iti you kpaa.

Yesaia 27:11

Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Yesaia 41:14

De cie ga, we Yakob, ananyigôgh, ne ior mba Iserael! Ka Mo M wasen we ye, kape TER A kaa ne, Orpaan wou ka Icighan u Iserael je.

Yesaia 42:6

Mo TER, M yila U sha perapera, M kôr u Uwegh, M kura U kpaa; M gema U, U hingir ikuryan i ior man iwanger i akuraior,

Yesaia 43:21

Ior mba M maa sha ci Wam iyol Yam je, vea pase iwuese Yam.

Yesaia 43:5

De cie ga, gadia M ngu a we; Me za va a tsombor wou sha ityoughkitaregh, Me za kura u shin ityôtar kera;

Yesaia 43:7

hanmô u i yer nan sha iti Yam, u M gbe nan sha ci u icivir Yam, u M maa nan, u M er nan la.

Yesaia 44:2

TER u A er u, A maa u ken uya je, man A wasen we la, ngu kaan nahan er: De cie ga, we Yakob, wanakiriki wam, man we, Yeshurun u M tsough ne.

Yesaia 45:11

TER, Icighan u Iserael, u A maa un la, ngu kaan nahan er: Pinem kwagh u akaa a aa va er ken hemen la; ônov Av kua tom u ave Am yô, de ve, ve̱ lu sha ikev Yam tsô.

Yesaia 48:17

TER Orpaan wou, Icighan u Iserael, ngu kaan nahan er: Mo M ngu TER Aôndo wou, M tese u kwagh u una lu u a inja yô, M hemen we sha gbenda u ú zende sha mi la.

Yesaia 48:20

Due nen ken Babilon kera, yevese nen Mbakaldi; pase nen sha imo i icam je, kaa nen kwagh ne, yôô nen un zan zan ikighir i tar, kaa nen ner: TER paa wanakiriki Na Yakob.

Yesaia 49:1

Ungwa nen kwagh Wam, ne ityar i hen kpezegemnger, ver nen ato ne akuraior a ken ca; TER yilam ken uya je, ka ken iyav mbu ngôm je A ter iti Yam ye;

Yesaia 49:26

Mba ve kighir we a ican la, Mo Me na ve inyam ve vea ya; vea hunde sha awambe a ve ayol a ve kpaa, er ka sha wain u nyohon nahan; man uuma cii vea fa er Mo, TER, M lu Oryiman wou man Orpaan wou kpaa ye, Uageegh u Yakob.

Yesaia 51:13

man TER u A gbe u la hungul we, Un u A samber Usha, man A tim imagh ki taregh la; man u shi cian didi sha ci u iyugh i orkighir, zum u a kohol iyol sha u timin la. Nahan iyugh i orkighir ngi han hegen ase?

Yesaia 52:9

Ger nen iember, wa nen icam imôngo, ne atse a ayou a ken Yerusalem ne, gadia TER sur ior Nav asema, A paa Yerusalem.

Yesaia 62:12

Á yila ve er, uicighanmbaiorov, Mbaipaave mba TER; man á yila u kpaa er, Asarior man Gar u i te un kera ga yô.

Yesaia 63:16

Gadia We U ngu Ter wase je, shin er Aberaham a kera fe se ga, man Iserael kpaa a kera rumun se ga; kpa We TER, U ngu Ter wase, man Orpaan wase, ka iti You ngise je la.

Yesaia 63:9

Sha ican ve i yan la cii, Un kpaa lu yan ican, man Ortyom u sha ishigh Nagh la kpaa yima ve; sha dooshima Na man mhôônom Nam ma kôron A paa ve, A tôô ve, A yese ve sha ayange a tsuaa la cii.

Yeremia 31:3

TER ande her a mo ken ica je, kaa er: Een, u doom ishima sha dooshima u tsôron je, ka sha ci u nahan M udugh we sha erdoo ye.

Yeremia 33:24

U ungwa kwagh u ior mban ve er, ve kaan er: Icombor ihiar i TER A tsough ne yô, A ta i kera, la kpa? Mba lahan ior Av je, kera mba ikurior sha ashe ve ga.

Yeremia 33:26

nahan vor u Yakob man u Davidi wanakiriki wam la kpaa Me gbihi u kera, je Me kera tôô or ken vor na u nana̱ tema tor sha vor u Aberaham man Isaka kua Yakob ga; gadia Me gema mlu ve la, Me zungwe ve mhôônom.

Yeremia 50:34

Orpaan ve ngu a agee, TER u akum a Sha, ka iti Na je la; Una ta ikaa ken a ve doo doo, sha u Una na tar mmem yô, kpa ior i ken Babilon yô, Una tumbul a ve.

Ukwelegh 3:57

U va ikua ikua sha iyange i m yila U; U kaa wer: De cie ga.

Esekiel 16:8

Nahan zum u M kar her a we, man M kenger we yô, nenge, shighe wou u doon ishima kuma; nahan M haa u riga wam iyol, M cir u idyelegh wou; een, M bum a we man M tôndo zwa a we, kape Ter AÔNDO A kaa ne, nahan u hingir u Wam.

Daniel 10:19

A kaa er: De cie ga, we or u doon ishima tsung ne, lu bem bem, taver, een, taver. Er a lu ôron kwagh a mo nahan, maa m taver, nahan m kaa mer: Terem, gba ôron kwagh tsô, gadia u nam agee.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Malaki 3:17

Vea hingir kwagh Wam jim je, kape TER u akum a Sha A kaa ne, sha iyange i Me er i la; Me er a ve dedoo er or ka nan er a wan u nan u a shir nan tom dedoo nahan.

Aerenakaa A Mbaapostoli 27:20

Ayange kpishi je iyange due ga, asan kpaa wanger ga, man zegeahumbe u ura kpaa lu eren se ican; yô, mayange se kera fa mwar wase ga.

Aerenakaa A Mbaapostoli 27:25

Sha ci u nahan yô, ne nomsombaiorov, lu nen gbar gbar, gadia m na Aôndo jighjigh mer, er i kaam nahan yô, kape á lu je la.

Mbaefese 2:10

Gadia se mba tomaveegh Na, i gba se ken Kristu Yesu sha ci u aeren a dedoo a Aôndo vande sôron sha u se̱ zenden sha mi yô.

Duteronomi 32:15

Kpa Yeshurun kehe, a ker apande; u kehe, u gba ikôr, u wa ahôm; tsô a gbihi Aôndo u A er un la, a laha Vande u myom na kpaa.

Duteronomi 32:6

Ka TER je, ne gem ne eren a Na nahan yee; ne ior i geseghee i lun kpe ne! Ka Teru u A gbe u ne ka Un A er u, A maa u ye gaa?

Duteronomi 32:9

Gadia kwar u TER ka ior Nav je; Yakob ka kwar u dyako Na.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:19

Kpa imagh ki Aôndo ki ki tenger ga la yô, ki tile her, ki a ikav ne: Ter fa mba Nav, man shi, hanma or u nan teren iti i Ter yô, nana̱ pav a ifer.

Titu 2:14

u A ne iyol Na sha ci wase sha u Una paa se sha hanma ifer cii man shi Una wanger nongoior sha ci Na iyol Na, mba asema a tsee ve u eren akaa a dedoo.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,