Yesaia 42:6 - ICIGHAN BIBILO

⁶ Mo TER, M yila U sha perapera, M kôr u Uwegh, M kura U kpaa; M gema U, U hingir ikuryan i ior man iwanger i akuraior,

Yesaia 42:6 Iomraidhean Croise

Yesaia 26:3

Ishima i tiaver i geman kposo ga la, Ú kura i, ia lu bem bem, gadia ngi suur sha a We.

Yesaia 27:3

Mo TER, M ngu kuran u; Me urun u hanma shighe; sha u ma or môm nana̱ de vihin u ga yô, Me kuran u tugh kua tetan.

Yesaia 32:1

Nenge, tor ugen una tema tor sha perapera, atiator kpaa aa kura tar sha ijirôron i mimi.

Yesaia 41:13

Gadia Mo, TER, Aôndo wou, M kôr uwegh ough ku yanegh; M kaa a we Mer: De cie ga, M wasen we.

Yesaia 41:2

Ka an nan kpoghol or la vegher u sha iyangeiduen, u mhembe va kohol un sha hanma iaven i nguhar na la? Ka an nan gem akuraior nan ne a sha ikev na er a̱ ndyar utor shin angahar, a̱ er ve, ve̱ hingir er ihundu nahan sha sanker na, man er imough i purugh nahan, sha ada na la?

Yesaia 42:1

Nenge Wanakiriki Wam u M tuur Un; icuwan Wam u ishima i doom a Na yum yô; M ver Jijingi wam sha a Na, Una va a ijirôron i mimi hen akuraior.

Yesaia 43:1

Kpa ahegen yô, TER u A gbe u, we Yakob, Un u A maa u, we Iserael, ngu kaan nahan er: De cie ga, gadia M paa u, M yila u sha iti, uwe u ngu u Wam je.

Yesaia 45:1

TER ngu kaan a or Na u i shigh un mkurem, ka Shirushi je la, u M ker un sha uwegh ku yanegh, sha u Me ta akuraior inya sha ishigh nagh, man Me sagh utor ikange shin iwenge kera, shi Me bugh ihinda sha ishigh nagh, á kera wuhe ihindagar kpaa ga,

Yesaia 45:13

Mo M mough a na sha ken perapera, Me sôr igbenda na cii, una maa gar Wam, man ka un je una pase mbakwarev Av kpaa ye, á lu sha inyar ga man sha iwua kpaa ga, kape TER u akum a Sha A kaa la.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 49:8

TER ngu kaan nahan er: Sha shighe u doon yô, M rumun We, man sha iyange i myom kpaa, M wase U; Me kura U kpaa, Me ver U Ú lu ikuryan i ior sha u moughon a tar sha, man sha u nan ve dyako u i vande vihin un kera la;

Yeremia 12:16

Tsô, aluer vea hen igbenda i ior Av sha gbashima, sha u bumun iti Yam kaan er: Er TER A lu u uma yô, er ve kpaa ve tese ior Av u bumun Baal nahan, nahan á maa ve ken atô u ior Av.

Mateu 26:28

gadia ka awambe Am a ikuryan je ne, a i hee a sha ci u ior kpishi sha u den asorabo.

Luka 2:32

ka iwanger i á pase i hen atôatyev, man ka iengem i nongo Wou Iserael kpaa.

YOHANE 8:12

Tsô Yesu shi gba ôron ve kwagh, kaan er: Mo M ngu iwanger i tar; or u nan dondo sha a Mo yô, nana zende ken ime ga, kpa nana lu a iwanger i uma.

Aerenakaa A Mbaapostoli 13:47

Gadia kape Ter A kaa se je ne, er: M ver U Mer, lu iwanger i atôatyev, sha u U za a myom zan zan á ar ken ikighir i tar je yô.

Aerenakaa A Mbaapostoli 26:23

er, Kristu Una ya ican man shi er i lu Un A hii nderen shin mbakpenev yô, Una yôô iwanger hen nongoior ne kua hen atôatyev kpaa.

2 Mbakorinte 1:20

Gadia uityendezwa mba Aôndo cii, ken A Na yô, ka “een” ka nahan man se rumun amen ken a Na sha ci u icivir i Aôndo ye.

Mbaheberu 12:24

man shi Yesu, Orhimen u ikuryan i he, man awambe a mishin a a hembe ôron kwagh u doon a a Abel la.

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,

Mbaheberu 7:2

Aberaham kpaa kar kwar a na sha môm-ken-upue ken akaa cii. Aluer a pase inja i iti na yô, hiihii ka Tor u perapera, man shi ka Tor u Salem kpaa, inja na yô, ka Tor u bem.

Mbaheberu 7:26

Gadia ka imbazegepristi ne i kom se ye; ka u wang, u lun a ibo ga, shin acôghol a wan iyol kpaa ga, u a lu paleghaa a mbaasorabo, man u i kende Un sha A kar Usha cii.

Mbaheberu 8:6

Kpa hegen yô, Kristu ngohol tom u hemban doon di er A lu Orhimen u ikuryan i hemban doon kpaa, gadia i ya i sha uityendezwa mba ve hembe doon yô.

Mbaheberu 9:15

Ka sha kwagh ne A lu Orhimen u ikuryan i he ye, sha er mba i yer ve yô, ma ve zough a dyako u tsôron u i tende zwa la gadia A kpe ku sha u paan atindi a peren a ken ikuryan i tse la.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.