Yesaia 42:5 - ICIGHAN BIBILO

⁵ TER, Aôndo u A gbe Usha man A naregh ve, u A samber tar a akaa a a dugh sha u la, u A ne ior mba ve lu sha u la, iôôn, man shi A ne mba ve zenden sha u, jijingi kpaa yô, ngu kaan nahan er:

Yesaia 42:5 Iomraidhean Croise

Genese 1:1

Sha hiihii Aôndo gba Sha man tar:

Genese 2:7

TER Aôndo maa or sha vuulevu u inyaagh, fehe nan iôôn i uma ken ahenga, or la maa hingir or u uma:

Yobu 12:10

Un u uma u hanma kwaghuma a lu sha ikev Na yô, kua iôôn i uumace cii kpaa.

Yobu 27:3

er uma wam hira ngu ker a mo doo doo ne, man iôôn i Aôndo kpaa ngim ken ahenga,

Yobu 33:4

Jijingi u Aôndo gbam, iôôn i Uhembanagee ngi nan mo uma.

Yobu 34:14

Aluer Una ver ishima sha iyol Na yô, Una kohol Jijingi Na kua iôôn Na Una hide a mi hen iyol Na,

Upasalmi 136:6

A samber tar sha mngerem ma kpishim, gadia erdoo Na ka u tsôron gbem sha won;

Upasalmi 33:6

Ka sha mkaanem ma TER i er Usha ye; shi ka sha iôôn i ken zwa Na i er akum a ve cii kpaa ye.

Upasalmi 96:5

Gadia mbaaôndo mba iorov cii ka agbilinakaa tsô, kpa TER gba Usha.

Yesaia 37:16

We, TER u akum a Sha, Aôndo u Iserael, We, u U tem sha ucerubi, ka We tseegh U lu Aôndo u ityartor i sha won cii ye, ka We je, U gbe Sha man tar ye.

Yesaia 40:12

Ka an nan kar gidamnger sha ikevwe i nan, shi nan kar Usha sha ishiva, nan kohol vuulevu u tar shin ikagh ki karen kwagh a mi, man nan kar iyohov mbu iwoov sha ikaren, man agungu kpaa sha iyôgh ki karen kwagh a mini?

Yesaia 40:22

Ka Un u A undu kpighikiki u tar shin, A tema sha la, mba ve tem sha u kpaa, mba er mbaahungwa yô; A naregh Usha er ikondo i vel vel nahan, A samber ve er tenti u teman ker yô;

Yesaia 40:26

Kende nen ashe a en sha, nenge nen: ka an nan gbe akaa ne, nan dugh a akum a ve sha iyenge ve, nan yer a cii sha ati ati? Sha mvese u agee a Na man sha ci u mtaver u tahav Nav, mô môm u lun ga ngu ga.

Yesaia 40:28

U vande fan gaa? M-ongo kpaa, u ungwa gaa? TER ka Aôndo u tsôron je, Orgban u akighir a tar, gbe uwer ga, ver kpaa ga, mkav Na gande u timen fan.

Yesaia 44:24

TER, Orpaan wou, man u A maa u ken uya je, ngu kaan nahan er: Ka Mo M lu TER u M er akaa cii ye, M samber Usha, Mo tswen, M samber tar sha won; ka an nan lu vea Mo?

Yesaia 45:12

Ka Mo je M er tar ye, M gba or, M ver nan sha u kpaa; ka ave Am je, a samber Usha, akum a ve la cii kpaa, M wa a atindi.

Yesaia 45:18

Gadia kape TER A kaa ne, Un u A gbe Usha—ka Un man A lu Aôndo ye—u A maa tar man A er u kpaa la, ka Un A ver u ye; A gba u er u̱ lu gbilin dang ga, A maa u sha er ior ve̱ tema sha u: Ka Mo M lu TER ye, mô ugen ngu ga.

Yesaia 48:13

Ka uwegh Agh je ku tim imagh ki taregh ye; uwegh Agh ku yanegh samber Usha; zum u ka Mea yila ve yô, ve mough ve tile sha imôngo.

Yesaia 57:16

Gadia Me kera zôhô zan zan ga, man shi Me kera yuwe gbem kpaa, ga; gayô jijingi una ule sha ishigh Yagh, kua uuma mba M er la.

Yeremia 10:12

U A gbe tar sha tahav Nav, man A ver tar sha won sha kwaghfan Na, man A samber Usha sha mkav Na,

Yeremia 27:5

Ka Mo M gbe tar man ior kua ishôso i i lu sha won cii, sha tahav Av mbu vesen kua sha uwegh Agh ku naregh; man M gem u, M ne u i doom u nan nan ye.

Yeremia 32:17

Ahi! Tere, AÔNDO. Nenge, We, U er Sha man tar sha agee a Ou a vesen man sha uwegh Ough ku naregh; ma kwagh u hemban we ngu ga;

Yeremia 38:16

Nahan tor Sedekia bum a Yeremia ken myer er: Er TER u A ne se uma ne, A lu u uma ne, Me wua u ga man shi me na u sha ikev i ior mban mba ve keren uma wou kpaa ga.

Esekiel 18:4

Nenge, uuma cii ka mba Av je, uma u ter kua uma u wan kpaa ka u Wam je; or u nan eren isholibo yô, ka nan nana kpe ye.

Daniel 5:23

Kpa u kende a iyol you sha, u hendan a Aôndo u Sha; shi i va a ikav mbi ken iyou Na sha ishigh you kpaa, we man mbatarev ou man kasev ou man kasev ou mba sha uika, ne ma wain a mi; man u civir mbaaôndo mba sha azurfa man mba sha zenaria man mba sha togula man sha iyô man mba ikon man mba sha awen, mba ve nengen ga, ve ongo ga, man ve lu a mfe kpaa ga; man Aôndo u iôôn you i lu sha ikev Na, kua igbenda you cii kpaa, u civir Un ga.

Amoshi 9:6

u A maa ukpombaayoughouv Nav Sha, man A ver kwavaôndo Na suur shin tar; Un ka A yila mngerem ma zegemnger, A haa ma sha tar, TER, ka iti Na je la.

Sekaria 12:1

Ka mkaanem ma TER ôr sha Iserael. TER ngu ôron kwagh, Un u A samber Usha, u A tim imagh ki taregh, man A er jijingi u or ken a nan yô, er:

Aerenakaa A Mbaapostoli 17:24

Aôndo u A er tar man akaa a a lu kimi cii, tem ken utempel mba i maa sha ave ga, gadia Un ka Ter u Sha man tar.

Aerenakaa A Mbaapostoli 17:25

Man kera ka sha ave a ior kpaa i eren Un tom er kwagh gba Un sha ma kwagh ga, gadia ka Un je A ne uumace cii uma man iôôn kua akaa cii ye.

Mbaheberu 1:2

kpa ken ayange a masetyô ne yô, A ôr kwagh a vese sha Wan Na u A ver Un dyako sha akaa cii, ka sha a Na kpaa A er tar cii ye.