Yesaia 42:21 - ICIGHAN BIBILO

²¹ Doo TER u kenden ityesen sha, hingir kwagh u icivirigh sha ci u perapera Na.

Yesaia 42:21 Iomraidhean Croise

Mbaromanu 3:31

Nahan se mba bunden atindi sha kwagh u jighjigh u nan la shinii? Mayange ga, se mba geman taver a taver atindi je.

Mbaheberu 8:10

Gadia ka ikuryan Yam i Me ya a ya u Iserael je ne, er ayange a ngara aa kar kera yô, kape Ter A kaa la. Me ver atindiakaa Am ken mhen ve shi ka ken asema a ve kpaa Me nger a ye. Me lu Aôndo ve ve di kpaa vea lu nongoior Wam.

Mbaromanu 7:12

Nahan yô, atindi ka icighankwagh, tindi kpaa ka icighankwagh shi kwagh u jighjigh man u doon kpaa.

Mateu 3:15

Kpa Yesu gema kaa a na er: Kpa hegen yô, gba rumun tsô, gadia kape i doo u sé kure perapera cii vough je ne. Tsô a rumun a Na.

Yesaia 42:4

Una gba ikure ga, á sombo Un kpaa ga, zan zan Una kar veren ijirôron i mimi sha won, ityar i hen kpezegemnger kpaa ia kegh ityesen Na.

Upasalmi 71:19

Perapera Wou ar Sha je, Aôndo; We u U er akaa a vesen, Aôndo, ka an nan lu er We?

Upasalmi 40:8

Doom u eren ishima You, Aôndo wam; atindiakaa a Ou ngam ken ishima.

Mbafilipi 3:9

ma i kohol mo ken a Na, m̱ de lu a perapera wam iyol yam u sha atindi la ga, kpa i̱ lu u sha jighjigh u nan u i ne Yesu la, ka perapera u a dugh her Aôndo sha jighjigh u nan la,

Mbagalatia 3:21

Nahan yô, tindi ngu hendan a uityendezwa mba Aôndo shinii? Mayange ga. Gadia aluer a ne tindi u una fatyô u nan uma yô, perapera ma a dugh ken tindi je.

Mbagalatia 3:13

Kristu paa se, due a vese ken ifan i tindi la kera, A gema A hingir ifan sha ci wase; gadia i nger er: Hanma or u i mande nan nan lu sha kon yô, nan ngu a ifan iyol je:

Mbaromanu 10:4

Kristu ka mkur u tindi sha u hanma or u nan ne jighjigh la yô, á na nan ishô.

YOHANE 15:10

Aluer ne wa atindi Am iko yô, né lu ken dooshima Wam; er Mo kpaa M we atindi a Terem iko, man M luun ken dooshima Na nahan.

YOHANE 8:29

Un u A tindim la ngu a Mo; A undum tswen ga, gadia M eren akaa a doon Un gbem.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Mateu 3:17

Imo due Sha, kaa er; Ngun ka Wan Wam u ishima ishima, u i doom a na yum yô.

Upasalmi 71:16

Me va a aeren a ageegh a Ter AÔNDO; me ter perapera Wou, á lu u Wou la tseegh.

Upasalmi 138:2

Me gure me ver ishigh sha icighantempel Wou, me wuese iti You sha erdoo Wou man sha mimi Wou kpaa, gadia U kende a iti You sha hemba a kaa agen cii.

Yesaia 51:4

Ver nen ishima her a Mo, ne ior Av, ver nen ato her a Mo, we ikurior Yam; gadia ityesen ia due her a Mo, Me ver mimi Wam una hingir iwanger i akuraior.

Duteronomi 4:6

Waan nen a iko, eren nen sha a; gadia ka kwaghfan wen man mkav wen je la, sha ashe a akuraior a á va ungwa akaawan ne cii man aa kaa er: Mimi je zegeikurior ne ka ior i fan kwagh man i kaven kwagh kpaa.

Duteronomi 4:8

Man ka hanma zegeikurior je i lu a akaawan man atindi a perapera er atindi ne nahan cii, a m lu veren ne sha ishi nyian nee?