Yesaia 42:16 - ICIGHAN BIBILO

¹⁶ Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Yesaia 42:16 Iomraidhean Croise

Upasalmi 94:14

Gadia TER Una ta ior Nav kera ga, man Una undu dyako Na kpaa ga.

Orpasenkwagh 1:15

Kwagh u a vande huren kera yô, á fatyô u hingir jighilaa ga, man kwagh u a lu ga yô, á fatyô u ôron iyenge na ga.

Orpasenkwagh 7:13

Ver ishima sha tom u Aôndo; gadia ka an nana fatyô u naregh kwagh u Un A vande hurene?

Yesaia 26:7

Gbenda u orperapera ngu vaanaa; ka U sôr gbenda u orperapera u lu shambe shambe.

Yesaia 29:18

Sha iyange la mbaakondoato vea ungwa akaaôron a ruamabera, man ashe a mbaapirashe kpaa, mba ve lu ken aôndoaimegh man ime, vea nenge kera.

Yesaia 29:24

Mba ve tsumen ken jijingi la vea zua a mkav, man shi mbagbanahon vea rumun ityesen.

Yesaia 30:18

Kpa TER yô, Una kegh, sha u eren a ven dedoo, ka nahan man A kende iyol Na sha, sha u Una zungwe ne mhôônom ye; gadia TER, ka Aôndo u ôron ijir je; saan mba ve keghen Un la cii iyol!

Yesaia 30:21

ato ou kpaa aa ungwa kwaghôron ken ijime you u kaan er: Ka gbenda je ne, za nen sha u, zum u á sar ne u geman ken iyan shin ken imese la yô.

Yesaia 32:3

Ashe a mbanengen aa kera pir ga, man ato a mba ve ongo la aa ungwa.

Yesaia 35:5

Tsô á bugh mbaapirashe ashe, man á bugh mbakondonato ato.

Yesaia 35:8

Kômgbenda una lu her, á yila un er Icighangbenda; or u nan lu wang ga yô, nana kar sha mi ga; kpa una lu sha ci ve, mbazenden sha mi kua abumeaior je kpaa vea tsume sha mi ga.

Yesaia 40:4

Á kondo hanma pev, hanma uwo man hanma igungu kpaa á sar ve; kwagh u a lu gbeen gbe gbeen la, una hingir vaanaa; ajiir a a lu awen awen aa hingir gbulumuu;

Yesaia 41:17

Mbaatsanev man mbaibanave ker mgerem, kpa ma ga, nombor ve uma sha ci u imura; Mo, TER, Me ungwa imo ve, Mo, Aôndo u Iserael, Me undu ve ga.

Yesaia 41:3

A zenda ve ityô, a kar doo doo, sha gbenda u a lu a vande karen sha u ga je kpaa.

Yesaia 45:2

Me hemen we, Me gema ajiir a gbeen gbe gbeen la aa hingir vaanaa; Me hembe ihinda i togula, man Me tôndo uishindan mba iyôôv kera;

Yesaia 45:7

M ver iwanger, man shi M gba ime; M va a kwaghdoon man kwaghvihin kpaa, ka Mo TER M er akaa ne cii ye.

Yesaia 48:17

TER Orpaan wou, Icighan u Iserael, ngu kaan nahan er: Mo M ngu TER Aôndo wou, M tese u kwagh u una lu u a inja yô, M hemen we sha gbenda u ú zende sha mi la.

Yesaia 52:12

Gadia nea due fele fe fele ga, nea yevese a yevese kpaa ga; gadia TER Una kar Una hemen ne, Aôndo u Iserael kpaa Una lu orkuran wen ken ijime.

Yesaia 54:13

Ônov ou ci ca kpaa vea lu mba TER A tese ve yô; mkpeyol u ônov ou kpaa una vese je.

Yesaia 58:10

aluer ú na mbagenev kwagh u we kpaa a doo u la, man ú na icanor nan ide, nahan iwanger you ia wanger ken ime, ime You kpaa ia hingir er ka atetan nahan;

Yesaia 62:12

Á yila ve er, uicighanmbaiorov, Mbaipaave mba TER; man á yila u kpaa er, Asarior man Gar u i te un kera ga yô.

Esekiel 14:23

Nahan vea sur ne ishima, zum u né nenge gbenda ve man aeren a ve yô; nahan nea fa er M gbe eren un akaa ne cii gbilin ga ye, kape Ter AÔNDO A kaa ne.

Hosea 2:14

Nahan yô, nenge, Me mee un, Me va a na ken desereti, Me ôr kwagh u pever un ishima.

Hosea 2:6

Nahan yô, nenge, Me yua gbenda wou sha usaa, Me maa kpekpe u yangen un sha u a̱ de kera zough a igbenda na ga yô.

Amoshi 5:8

Un u A gbe Ancôgholov man Anyamaiwa, u A gem angôghime hingir sev, u A gem tetan a we ime a hingir tugh; Un u ka A yila mngerem ma zegemnger, A haa ma sha tar la; TER, ka iti Na je la;

Luka 3:5

Á cir hanma pev, hanma uwo man igungu kpaa á sambe ve, uihurenmbaigbendav vea hingir nôô, igbenda i i lu agbee agbee la ia hingir vaanaa.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

Mbaefese 5:8

Tsuaa la yô, ne lu ime kpa hegen yô, ne mba iwanger ken Ter, zende nen er ônov mba iwangerev nahan.

Mbaheberu 13:5

Inyaregh ki saren ki̱ de luun ken uma wen ga. Kwagh u ne lu a mi yô, a̱ kuma ne, gadia A kaa er: Mayange Me undu u ga, Me kende u kpaa ga.

Yosua 3:4

Kpa na nen ian hen atô wen a na, i̱ kuma aseva dubu uhar nahan; de mgbôghom nen a na ga, sha u ne̱ fa gbenda u né ze sha mi yô; gadia ne mba a vande karen hen gbenda ne ga.

1 Peteru 2:9

Kpa ne yô, ne mba icuwannongo, nongo u upristi mba sha inja i tor, icighanikurior, nongoior u Aôndo jim, ka sha u né yôô aeren a Na a ageegh, Un u A yila ne ken ime, A va a ven ken iwanger Na i kpiligh iyol la.