Yesaia 42:11 - ICIGHAN BIBILO

¹¹ Desereti man agar a keregh ve̱ genger imo, angarev mba Kedar a tem kimi la kpaa; mba ve tem ken Sela, ve̱ wa icam, ve̱ er akenge sha ityouv mbi iwoov.

Yesaia 42:11 Iomraidhean Croise

Genese 25:23

TER gema kaa a na er: Ka akuraior ahar a lu ken iyav ou ye; akuraior ahar aa pav ken iyol you je; ikurior i môm ia hemba igen agee; u vesen la una shiren u kiriki.

Upasalmi 120:5

Kwagh tserem ve, er m lu shiror ken Meseki, er m tem ken utenti mba Kedar yô!

Yesaia 12:5

Wa nen TER icam, gadia A er akaa a doon a hemban cii; kwagh ne a̱ hingir ken igbar sha tar cii.

Yesaia 16:1

Tindi nen aniyôngov sha ci u tor u tar la, i̱ mough a mi hen Sela i̱ kar a mi sha gbenda u ken taaikôngo, i̱ yem a mi sha uwo u wankwase u Shion.

Yesaia 21:16

Gadia Ter kaa a mo nahan er: Er inyom i môm, sha inja i anyom a or u eren tom sha tôndo nahan la, i lu a kuma ga tsô icivir i Kedar ia bee;

Yesaia 32:16

Tsô ijirôron i mimi ia tema ken desereti man perapera kpaa una tema ken sule u ikon i umen atam la.

Yesaia 35:1

Taaikôngo man ikpoghonya vea lu sar sar, desereti una ember, una mondo er ishohough nahan,

Yesaia 35:6

Tsô orkeer nana gba tsuwen er ashim nahan, man nombor u orkondoniker kpaa ua wa icam; gadia mngerem maa due shin inya ken taaikôngo kua uikuwanmbamngerev kpaa ken desereti.

Yesaia 40:3

Imo gba yilan kaan er: Sôr nen gbenda u TER ken desereti, kôôm nen kômgbenda ken taaikôngo sha ci u Aôndo wase.

Yesaia 43:19

Nenge, eren Yam kwagh u he; una due hegen je, ne kera nenge a mi gaa? Me er gbenda ken desereti man uifi ken taaikôngo.

Yesaia 52:7

Angahar a or u nan ve a loho u dedoo, a doo u nengen a mi sha iwo tsô, u nan yee bem, u nan ve a loho u dedoo, u nan yee myom, man nan kaa a Shion er: Aôndo wou ya tor!

Yesaia 60:7

Akumauile a Kedar aa va kohol her a we cii, anomaiyôngo a Nebayoti aa er u tom, aa va, á va hingir nagh ku dedoo sha atse Am a nanden nagh sha mi, man Me civir iyou Yam i icivirigh la.

Yeremia 21:13

Nenge, M ngu num a we, we u u tem shin pev, we vande u shin pev la, kape TER A kaa ne; ne mba ne kaa ner: Ka an je nana va ta num sha a vese? Man shi ka anti nana fatyô u nyôron shin ajiir a ase a temana?

Yeremia 48:28

Undu nen agar, za tema nen ken barwo, ne mba ne tem ken Moabi la; lu nen er atii u a we ya na hen kpe u ijem vegher u keela nahan.

Yeremia 49:16

Mcieryol wou u u cier iyol man ihagh i tan i ishima you la, tsugh u, we u u tem ken ikwe i avande, we u u lu a agee sha ityough ki igungu; shin er u we iya you sha ijiir i taven sha er gafa nahan kpaa, ka sha her je Me hungwa a we shin inya ye, kape TER A kaa ne.

Yeremia 49:31

Mough, kôndo nen hen ikurior i i tem bem bem a ishima i nyian ga la, kape TER A kaa ne, i i lu a ihinda man uishindan kpaa ga, man i tem tseke u i la.

Esekiel 27:21

Arabia man utor mba Kedar cii, ve lu mbaeren kasua a we; ve lu mbakasuav ou sha agumaiyôngo man anomaiyôngo man ivo; ka akaa a ve a kasua je ne.

Obadia 1:3

Imanger i ken ishima you la, tsugh u, we u u tem ken ihighaavande, we u ijiir i teman you i tav sha ne, u u kaan ken ishima you wer: Ka an nana hungwa a mo shin inyaa?

Nahum 1:15

Nenge sha iwo, angahar a or u van a loho u dedoo, or u yôôn bem! Er uiniongo ou, we Yuda, kure uiceghzwa ou, gadia orifer la una kera kar ker atô wou ga; i tim un kera puru.