Yesaia 42:10 - ICIGHAN BIBILO

¹⁰ Wa nen TER icam i he, iwuese Na i̱ hii sha ikighir i tar je, ne mba ne zenden sha zegemnger man akaa a a lu shimi cii kpaa; man ne ityar i hen kpezegemnger kua mba ve tem sha i.

Yesaia 42:10 Iomraidhean Croise

1 Kroniku 16:32

Zegemnger a̱ hura, kua m-iv na kpaa; toho u̱ ember, kua akaa a a lu ken u cii.

Upasalmi 150:6

Hanma kwagh u a lu a iôôn tsô yô a̱ wuese TER. Haleluya.

Upasalmi 33:3

Wa nen Un icam i he, kuhwa nen dedoo, i̱ kaa kpishi.

Upasalmi 40:3

A na, m dugh icam i he, ka icam i wuese Aôndo wase je la. Ior kpishi vea nenge, vea cia, vea suur sha TER.

Upasalmi 65:5

Ka sha akaacieryol man U rumun se sha perapera ye, We, Aôndo u myem wase, We u akighir a tar cii ve veren ishima sha a We ne, kua uzegembamngerev mba ve lu ca la kpaa;

Upasalmi 72:10

Utor mba Tarshishi man mba ken ityar i shin kpe zegemnger ve̱ va un a iwua; utor mba Sekeba man Seba kpaa ve̱ va a uiwua.

Upasalmi 96:11

Usha ve̱ ember, man tar kpaa u̱ ember tsung, zegemnger a̱ hura kua m-iv na kpaa,

Upasalmi 97:1

TER tema tor; yô, tar u̱ ember tsung; i̱ doo ityar i hen kpezegemnger la cii iyol.

Ekesodu 15:1

Tsô zum la Mose kua Mbaiserael gba wan icam ne teren TER, kaan er: Me wa icam me ter TER, gadia A hemba tser tser; nyinya kua orhendan un kpaa, A haa ve shin zegemnger.

Ekesodu 20:11

gadia TER gba Sha man tar man zegemnger kua akaa a a lu ken ve cii, ayange ataratar, sha iyange i ataankarahar la A mem, ka nahan man TER A ver iyange i memen doo doo, A tsegh i kpaa ye.

Yesaia 11:11

Tsô sha iyange la je, Ter Una shi á naregh uwegh Nagh á kuma kwa har je, sha u paan asande a ior Nav mba ve shi ken Ashiria man ken Igipiti man ken Pateroshi Kushi man ken Elam man ken Shinar man ken Hamati kua ken ityar i hen kpezegemnger la.

Yesaia 12:5

Wa nen TER icam, gadia A er akaa a doon a hemban cii; kwagh ne a̱ hingir ken igbar sha tar cii.

Yesaia 42:4

Una gba ikure ga, á sombo Un kpaa ga, zan zan Una kar veren ijirôron i mimi sha won, ityar i hen kpezegemnger kpaa ia kegh ityesen Na.

Yesaia 44:23

Ember nen, ne Usha, gadia ka TER A er nahan ye; er nen ikenge, ne ajiir a zan a shin tar; ger nen atsam a wan, ne iwo, man we ikô, a hanma kon u kimi cii, gadia TER paa Yakob, Una pase icivir Na ken Iserael.

Yesaia 48:20

Due nen ken Babilon kera, yevese nen Mbakaldi; pase nen sha imo i icam je, kaa nen kwagh ne, yôô nen un zan zan ikighir i tar, kaa nen ner: TER paa wanakiriki Na Yakob.

Yesaia 49:13

Ember nen ne Usha; we tar, ember; ger nen atsam, ne iwo; gadia TER sur ior Nav ishima, A zungwe mba Nav mba ve ye ican la mhôônom.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 51:5

Mhembe Wam mgbôghom, myom Wam due ken igbar, ave Am aa ôr akuraior ijir; ityar i hen kpe u zegemnger ia keghem, ia suur sha uwegh Agh.

Yesaia 60:6

Ikpela i urakumi ia cir u, agumarakumi a Midian kua Efa; ve cii vea due ken Sheba, vea va a zenaria kua kwagh u human doon, vea yôô aeren a TER a a kom iwuese la, saan saan.

Yesaia 60:9

Ityar i hen kpezegemnger ia keghem, utso mba Tarshishi kpaa vea hemen sha u tôôn ônov ou mba ken ica van a ve; mba van a azurfa ve kua zenaria ve a ve imôngo, sha ci u iti i TER, Aôndo wou man sha ci u Icighan u Iserael, gadia A civir we.

Yesaia 62:11

Nenge, TER yôô zan zan ar ken ikighir i tar je, er: Kaa wankwase u Shion wer: Nenge, myom wou ngu van; nenge, injar Na ngi a Na, man iyevoron Na kpaa ngi zan Un sha hemen.

Yesaia 65:14

man nenge, mbayev Av, vea wa icam sha ci u iember ken ishima, kpa ne yô, nea vaa sha ci u ishima i vihin, nea gbire ivaa sha ci u mvihi u i vihi jijingi wen tsung la.

Sefania 2:11

TER Una cier ve iyol; gadia Una bunde icivir i mbaaôndo mba shin tar cii kera; ior vea civir Un hanma or hen ijiir i nan, ityar i shin kpezegemnger i akuraior cii.

Mpase U Yohane 14:3

Ve lu wan icam i he sha ishigh ki ikônough ki torough kila man sha ishigh ki akaauma a anyiin la man mbatamen kpaa. Ma orgen fatyô u rumun icam la ga, saa di mba dubu deri man akunduahar kar unyiin mbala mba i paa ve shin tar la tseegh.

Mpase U Yohane 5:9

Ve wa icam i he ve kaa er: We, U kuma u ngohol ruamabera la, bughun akav a na, gadia i sôngo U man U yam Aôndo ior sha awambe a Ou ken hanma nongo man hanma zwa man hanma nongoior man hanma ikurior,