Yesaia 41:11 - ICIGHAN BIBILO

¹¹ Nenge, mba asema a vihi ve a we cii, vea va ahenge, vea hingir kwaghkunya; man mba ve hendan a we kpaa, vea lu ma kwagh ga, vea saa ishe je.

Yesaia 41:11 Iomraidhean Croise

Ekesodu 23:22

Aluer ú ver ato sha imo Na mimi je, ú er akaa a M kaa cii yô, Me hingir orihom u mbaihomov ou, man shi orhendan a mbaahendanev ou.

Yesaia 45:24

Ka ken TER tseegh, kape á ôr kwagh sha a Mo la er, perapera kua agee a lu ye; ka her a Na je ior vea va ye; kpa mba asema a vihi ve a Na cii, kunya ua kôr ve.

Mpase U Yohane 3:9

Nenge, Me na, mba ken shinagoge u Satan mba ve yer ayol a ve er Mbayuda kpa i lu nahan ga i lu aie tsô ve eren la, Me na, vea va gure inya hen angahar a ou, vea va rumun er u doom ishima yô.

Aerenakaa A Mbaapostoli 16:39

Tsô ve va, ve va zamber a ve. Mba dugh ave yô, ve zamber a ve er, ve̱ due ken gar.

Yesaia 54:17

Hanma ityumugh ki i var sha ci u vihin we iyol, ikôl ia lagh ki ga; hanma zwa u ua mough ua hendan a we sha ijir kpaa, ú hemba u. Kwagh ne ka dyako u mbayev mba TER kua perapera ve u a dugh her a Mo je ne, kape TER A kaa la.

Daniel 4:35

mba ve tem sha won cii mba er ka ma kwagh ga nahan; ka A er sha awashima Na a akum a Sha man a mba ve tem shin tar kpaa; ma or fatyô u yangen uwegh Nagh ga, shin u pinen Un er: Ka nyi U eren nahan, kpaa ga.

Ekesodu 11:8

Mbatomov ou mban cii, vea va hen a mo, vea va gure inya vea kaa er: Yem nen, we a ior mba ve lu a we ityô cii; nahan mo kpaa me yem. Tsô a mough hen Farao a ishima i vihin tsung, a yem.

Sekaria 12:3

Tsô sha iyange la, Me er Yerusalem una hingir ior cii iwen i yuhwan; mba vea kende i sha cii, vea vihi ayol a ve tsung; akuraior a sha tar cii aa kohol imôngo á ta num sha i.

Yesaia 49:26

Mba ve kighir we a ican la, Mo Me na ve inyam ve vea ya; vea hunde sha awambe a ve ayol a ve kpaa, er ka sha wain u nyohon nahan; man uuma cii vea fa er Mo, TER, M lu Oryiman wou man Orpaan wou kpaa ye, Uageegh u Yakob.

Yesaia 41:29

Nenge, ve cii, mba ma kwagh je ga, ityom ve kpaa ka gbilinkwagh tsô, ieev mbi keren a ker kpaa ka ahumbe man gbilinkwagh dang tsô.

Yesaia 29:8

Tsô aluer or u ijen i ker nan man mnyam ma cie nan er nan ngu yan kwagh, kpa nana nderen yô, nan ngu ijen her tsô, shin er or u imura i ker nan man mnyam ma cie nan er nan ngu man mngerem yô, kpa nana nderen yô, nan vôr man imura i kôr nan her, kape akuraior ikpela cii vea hingir la, mba ve nenge ityav a uwo u Shion la.

Yesaia 41:24

Nenge, ne mba ma kwagh ga, tom wen kpaa ka gbilinkwagh tsô; or u nan tsough ne la kpaa nan ngu kwagh u ndôhôrshima.

Yesaia 40:17

Akuraior cii kpaa nga sha ishigh Nagh er ka ma kwagh ga yô; nga Un er ka ma kwagh je ga, man er gbilinkwagh tsô yô.

Yesaia 17:13

Akuraior ka a hura er ihuran i mngerem ma kpishim yô, kpa Una zôhô a ve, tsô vea nyôngoso vea yem ca je, á num ve er imough i sha iwo, i ahumbe a purugh a i yô, man er ihundu i hiar sha ishigh ki uraahumbe nahan.

Yesaia 29:5

Kpa ikpila i mbaihomov ou la vea hingir er vuulevu u puer nahan, man ikpelaior i wan ipila kpaa er ka imough i i kar kera yô; kwagh ne una er fefa, á bur a bur je.

Yesaia 29:7

Akuraior ikpila a a nenge ityav a Ariel la cii, mba ve kôndo sha a na kua sha gilgar na, mba ve tsule un, mba ve eren un ican la, vea hingir er ka mnyam ma cien yô, kwagh u i nenge a mi tugh nahan.

Yesaia 34:12

Ashagbaior a na la, or môm u yôôn ve tartor ker, nana kera lu ga; atiator a u cii kpaa aa gba kwagh ga.

Yesaia 40:2

Ôr nen kwagh u pever Yerusalem ishima, yila nen un genger genger, kaa nen ner, ayange a na a yan ican bee ve, i de un iferkwagh na kpaa; a ngohol mtsaha sha ikev i TER sha asorabo na cii, kuma kwa har je.

Yesaia 54:15

Aluer ior mba kpoghol num kpaa, ka Mo M ne zwa ga, hanmôv mba vea kohol vea mough num a we yô, vea ta sha a we vea kar á za gba.

Yeremia 2:3

Iserael lu TER icighankwagh je, atam a tsutswa a iyiav Nav; mba ve ye un cii, á na ve ibo, kwaghbo una tser ve, kape TER A kaa ne.

Ekesodu 12:29

Tsô ka kom ateghôtôutu yô, TER wua ônovmbaiundav mba ken tar u Igipiti cii, hii sha waniunda u Farao u ma a tem sha ikônough nagh ki torough la je zan zan ar hen waniunda u orkwar u a lu ken gaadi, kua ônovmbaiundav mba uzendenya cii kpaa.

Yesaia 49:25

TER ngu kaan nahan er: Mbakwarev mba orutaha je kpaa á ngohol ve kera, man ishar i ipilaor kpaa ia war, Kpa Mo Me hendan a mba ve hendan a we yô, Me yima ônov ou kpaa.

Yeremia 12:17

Kpa aluer vea ver ato ga yô, Me tsuwe ikurior la kera, Me tim i kera, kape TER A kaa ne.