Yesaia 40:4 - ICIGHAN BIBILO

⁴ Á kondo hanma pev, hanma uwo man hanma igungu kpaa á sar ve; kwagh u a lu gbeen gbe gbeen la, una hingir vaanaa; ajiir a a lu awen awen aa hingir gbulumuu;

Yesaia 40:4 Iomraidhean Croise

Anzaakaa 2:15

mba igbenda ve i hur i te aningir, mba eren dang ken zende ve;

Yesaia 40:3

Imo gba yilan kaan er: Sôr nen gbenda u TER ken desereti, kôôm nen kômgbenda ken taaikôngo sha ci u Aôndo wase.

Yesaia 40:5

iengem i TER ia ande ken igbar, uumace cii vea nenge a i imôngo, gadia ka zwa u TER u kaa nahan ye.

Yesaia 42:11

Desereti man agar a keregh ve̱ genger imo, angarev mba Kedar a tem kimi la kpaa; mba ve tem ken Sela, ve̱ wa icam, ve̱ er akenge sha ityouv mbi iwoov.

Yesaia 45:2

Me hemen we, Me gema ajiir a gbeen gbe gbeen la aa hingir vaanaa; Me hembe ihinda i togula, man Me tôndo uishindan mba iyôôv kera;

Yesaia 49:11

Iwo Yam cii kpaa Me gema i ia hingir gbenda, akômaigbinda Am kpaa aa hingir sha gunguluu.

Yesaia 62:10

Nyôr nen, nyôr nen sha ihindagar, sôr nen ior gbenda, haa nen inya guree, haa nen inya sha igbudu guree, kohol awen kera, kende tuta sha sha ior!

Esekiel 17:24

Nahan ikon i ken toho cii ia fa er ka Mo TER M hidi a kon u taven la ijime, man M kende a kon u tav ga la sha, M er kon u ndor, u uma kera, man M er kon u ombor u hôm; ka Mo TER M kaa kwagh ne ye, shi Me er un kpaa.

Esekiel 21:26

Ter AÔNDO ngu kaan nahan er: Sagh atsar kera, bugh idyer i tor kpaa; kwagh una kera va lu nahan ga; kende kwagh u gban ijime la sha, gema hide a u a kende sha la ijime.

Sekaria 4:7

U ngu nyi, we zegewo ne? Sha ishigh ki Serubabel ú hingir shambe shambe; una due a iwen i sha kur a amo a genger sha i er: Mrumun u sha mhôôn, mrumun u sha mhôôn.

Luka 18:14

Me kaa ne, ka or ne a yem ken ya na a ishô ye, lu ugen la ga, gadia anti or u nana kende iyol i nan sha yô, á hide a nan ijime; kpa u nana hide a iyol i nan ijime yô, á kende nan sha.

Luka 3:5

Á cir hanma pev, hanma uwo man igungu kpaa á sambe ve, uihurenmbaigbendav vea hingir nôô, igbenda i i lu agbee agbee la ia hingir vaanaa.

1 Samuel 2:8

Ka A dugh icanor shin vuulevu kera, A mough a nan sha. A kende a oribanave shin tihi u ihôgh sha, er ve̱ tema a uityombaiorov imôngo, ve̱ ya dyako sha ikônough ki torough ki engem; gadia ityôv mbi tarev ka mbi TER je, A ver tar sha mbi.