Yesaia 39:6 - ICIGHAN BIBILO

⁶ Nenge, ayange nga van a kaa a a lu ken ya wou cii, man akaa a uter ou ve koso cii zan zan nyian ne, á kura a, á yem a mi ken Babilon, kwagh môm una shi ga, kape TER A kaa la.

Yesaia 39:6 Iomraidhean Croise

2 Utor 24:13

Shi a kura ikav mbi injaav mbi ken iyou i TER cii, kua ikav mbi injaav mbi hen ya u tor kpaa, a yem a mi; shi a bugh zenaria u sha akaa a Solomon tor u Iserael lu er ken tempel u TER la, er TER lu kaa yô.

2 Kroniku 36:10

Er inyom i he i kom yô, tor Nebukadinesar tindi er i̱ va a na ken Babilon, kua ikav mbi dedoo mbi iyou i TER la kpaa; a gema a ver anngô na Sedekia tor sha Yuda man Yerusalem.

2 Kroniku 36:18

Ikav mbi ken iyou i Aôndo cii, mbi vesen man mbi kiriki man inyarev mbi ken iyou i TER, man inyarev mbi tor man mbi atiator na, a va a mbi ken Babilon cii.

Yeremia 20:5

Man shi Me na inyaregh ki gar ne cii, man mtsera na cii, man ikav nav mbi taver ishe cii; een, akaa a injaa a utor mba Yuda cii, Me na a sha ikev i mbaihomov vev, vea ya ishar sha a, vea kura a, man vea yem a mi sha Babilon

Esekiel 23:26

Vea er u akondo kpaa, man vea kura ikav you mbi hweev mbi doon.

Daniel 1:2

TER gema Yehoyakim tor u Yuda na sha ikev na, kua ikav mbigenev mbi ken iyou i Aôndo kpaa; a kura mbi a yem a mi ken tar u Shinar ken iyou i aôndo na; a gema ikav mbila a koso ken iyou i aôndo na.

Daniel 1:3

Nahan tor ôr kwagh a Ashipenashi, orvesen u mbatomov mba ken iyou na, er, a̱ va a Mbaiserael mbagenev, mba ken tsombor u tor man mba ken ashagbaior kpaa: