Yesaia 39:2 - ICIGHAN BIBILO

² Tsô Hesekia kpaa ember ve, a tese ve iyou na i koson akaa ker cii, azurfa man zenaria man ilyôghonov man mkurem ma injaam, man iyou na i ikav mbi utyav cii, man akaa a a lu ken ayou a na a koson ikav ker cii; ma kwagh u ken iyou na shin ken tartor na cii, u Hesekia de tesen ve yô, lu ga.

Yesaia 39:2 Iomraidhean Croise

1 Utor 10:10

Tsô a na tor zenaria kuma utalenti deri man ikundu, man ilyôghonov kpaa ngee kpishi kua awen a injaa; mayange je i kera shi va nyôr a ilyôghonov kpishi er mbi torkwase u Sekeba na tor Solomon la nahan ga.

1 Utor 10:15

i ôr kwagh u i zua a mi hen mbazendenkpenga man mbateenkasua, man utor mba akuraior kposo kposo kua ugomna la ga.

1 Utor 10:2

A va ken Yerusalem a ior mba va veren un, kpishi je, a urakumi mba tôôn ilyôghonov man zenaria kpishi je, kua awen a injaa. Er a va hen Solomon yô, a ôr un akaa a a lu un ken ishima cii.

1 Utor 10:25

Hanma or lu van a iwua i nan, lu ikav mbi i er sha azurfa man mbi sha zenaria man akondo man ikav mbi utyav man ilyôghonov man anyinya kua mbaalfadari, anyom anyom.

2 Utor 20:13

Hesekia ungwa kwaghôron ve; a tese ve iyou na i koson akaa ker cii, azurfa man zenaria man ilyôghonov man mkurem ma injaam man iyou na i ikav mbi utyav cii, man akaa a a lu ken ayou a na a koson ikav ker cii; ma kwagh u ken ya na, shin u ken tar na cii, u Hesekia de tesen ve yô, lu ga.

2 Kroniku 32:25

Kpa Hesekia er kwagh sha kwagh u doon u i er un la ga, gadia ishima kehe un ker, ka nahan man iyugh sen sha a na kua sha Yuda man Yerusalem kpaa ye.

2 Kroniku 32:27

Hesekia lu a inyaregh man icivir kpishi je; a er ayou a koson azurfa man zenaria ker, kua awen a injaa man ilyôghonov man iperutya kua ikav mbi dedoo anza kposo kposo kpaa;

2 Kroniku 32:31

Kpa sha kwagh u mbatyomov mba atiator a Babilon la, mba i tindi ve her a na er ve̱ va fa kwagh u kpilighyol u a er hen tar la yô, Aôndo maa undu un sha u karen un, sha u Una fa kwagh u a lu a mi ken ishima cii yô.

2 Kroniku 9:1

Zum u torkwase u Sekeba ungwa gwa u Solomon yô, a va u va karen Solomon sha mbampin mba cimin ken Yerusalem, a va a ior mba va veren un kpishi, man urakumi mba tôôn ilyôghonov man zenaria kpishi, kua awen a injaa; zum u a va hen Solomon yô, a ôr akaa a a lu un ken ishima cii.

2 Kroniku 9:9

Tsô a na tor zenaria kuma utalenti deri man ikundu, man ilyôghonov kpishi, man awen a injaa; mayange ilyôghonov mbi a ngee er torkwase u Sekeba va na tor Solomon la nahan ga.

Yobu 31:25

aluer mea ember sha er m ngee a inyaregh, man sha ci u uwegh agh ku zough a kwagh kpishi kpaa yô;

Anzaakaa 4:23

Hemba kuran ishima you a akaa a u kor a cii, gadia ka ken i uma a dugh ye.

Orpasenkwagh 7:20

Gadia ma orperapera môm u shin tar u nan eren kwagh u dedoo nan eren isholibo ga, nan ngu ga.

Yeremia 17:9

Ishima i wa atseregh je hemba hanma kwagh cii, i vihi je gande; ka an nana fatyô u fan i?

2 Mbakorinte 12:7

sha ci u mbampase mba sha mnenge mba ve gande la. Sha u m̱ de kenden iyol sha yum ga la, i nam saa ken iyol, ka ortyom u Satan je, sha u a̱ gbidyen mo, m̱ de kenden iyol sha yum ga yô.

1 Yohane 1:8

Aluer se kaa ser, se mba a isholibo ga yô, se mba tsughun ayol a ase tsô, mimi yô, ngu ken a vese ga.