Yesaia 38:3 - ICIGHAN BIBILO

³ a kaa er: TERE, shi umbur er m zende sha ishigh You sha mimi a ishima i jighilii, shi m er akaa a dedoo sha ashe Ou kpaa yô. Nahan Hesekia gba vaan tsung.

Yesaia 38:3 Iomraidhean Croise

Genese 17:1

Zum u Aberam lu anyom akunduanyiingber kar ataankaranyiin la, TER ande hen Aberam, kaa a na er: Mo M ngu Aôndo Uhembanagee, zenden sha ishigh Yagh, nahan yô, ú lu vough.

Genese 6:9

Ingin ka icombor i Noa ne: Noa yô, lu orperapera, lu a acôghol iyol ga, ken ikov na cii; Noa zenden vea Aôndo imôngo je;

1 Utor 15:14

Kpa i vihi ajiir a taven sha la ga; nahan kpaa ishima i Asa lu vough sha ishigh ki TER sha ayange a uma na cii.

1 Utor 2:4

sha u TER A̱ kure kwaghôron Na, u A ôr sha a mo la er: Aluer ônov ou vea ver ishima sha igbenda ve, sha u vea zenden sha ishigh Yagh sha mimi a asema ve cii kua uuma vev cii kpaa yô, ú ban a or u teman sha ikônough ki torough ki Iserael ga.

2 Utor 18:3

A eren kwagh u dedoo sha ishigh ki TER, er ter na Davidi lu eren nahan.

1 Kroniku 28:9

Nahan yô, we wan wam Solomon, fa Aôndo u teru, civir Un a ishima i môm man ishima i gbar gbar kpaa; gadia TER tev asema cii, man A kar hanma mhen cii. Aluer ú ker Un yô, ú zua a Na; man aluer ú undu Un yô, Una ta u kera, Una hunde ishima a we gbem je.

1 Kroniku 29:19

na wan wam Solomon ishima i jighilii kpaa, er una wa atindi a Ou man mbampase Ou man akaawan a Ou iko, a̱ er akaa ne cii man shi a̱ maa tempel u m kohol ikav mbi eren un a mi la.

1 Kroniku 29:9

Tsô ior ember, er ve na gbar gbar nahan, gadia ve na TER iwua a ishima i môm gbar gbar; tor Davidi kpaa lu saan saan.

2 Kroniku 16:9

Gadia ashe a TER nga jingen sha akaa a sha won cii, sha u Una pase agee Na hen mba asema a ve a lu jighilaa her a Na yô. Sha kwagh ne yô, u er ibumekwagh; gadia hii hegen je ityav mbia za u iyol.

2 Kroniku 25:2

A eren kwagh u dedoo sha ishigh ki TER, kpa lu sha ishima i môm ga.

Esera 10:1

Tsô er Esera lu eren msen, pasen kwaghbo, vaan, gbidyen iyol inya sha ishigh ki iyou i Aôndo yô, ikpelaior kpishi due ken Iserael, nomso man kasev kua mbayev, ve va kohol her a na, ve gba vaan tsung je.

Nehemia 1:4

Tsô er m ungwa akaaôron ne yô, m shar inya, m gba vaan, m ure ayange kar je; m hôr kwaghyan, m sôn sha ishigh ki Aôndo u Sha,

Nehemia 13:14

Umbur mo Aôndo wam sha kwagh ne, de esen aeren a am a dedoo a m er sha ci u iyou i Aôndo wam kua sha ci u ityom i i la kpaa kera ga.

Nehemia 13:22

Shi m kaa a Mbalevi mer, ve̱ wanger ayol a ve, ve̱ va, ve̱ va kura ihindagar, sha u tseghan iyange i memen. Umbur mo Aôndo wam sha kwagh ne kpaa, man shi tsegham sha erdoo Wou u U lu a mi yum la.

Nehemia 13:31

man shi u van a ikon sha ashighe ashighe, kua iyiav mbi tsutswav kpaa. Umbur mo Aôndo wam, verem, doo doo.

Nehemia 5:19

Umbur mo sha kwagh u dedoo, Aôndo wam, sha akaa a m er sha ci u ior mban cii.

Upasalmi 101:2

Me ver ishima sha gbenda u u lu a acôghol a wan iyol ga yô. Ka hanma shighe je man Ú shi va hen a moo? Me zenden a ishima i lun a acôghol a wan iyol ga ken iyou yam.

Upasalmi 102:9

Gadia m ya mtwem er ka ruam yô, m nungwa mliam sha kwaghman wam,

Upasalmi 119:80

Ishima yam i̱ lu vough ken akaawan a Ou, sha er kunya u̱ de kerem ga yô.

Upasalmi 16:8

M ver TER sha ishigh yagh gbem; er A lum ken uwegh ku yanegh yô, me tenger ga.

Upasalmi 26:3

Gadia erdoo Wou ngum sha ashe; ka sha mimi Wou m zenden ye.

Upasalmi 32:2

Saan or u TER A ne nan ibo sha ifer i nan ga la, iyol; shi nan lu a icugh ken ishima i nan kpaa ga yô.

Upasalmi 6:6

M kine je, m vôr; hanma ime m heen gambe wam, m ndôhôr gambe wam sha mlia.

Upasalmi 6:8

Kar nen hen a mo kera, ne cii mba ne eren ifer; gadia TER ungwa kweleghmlia wam.

Yesaia 38:2

Tsô Hesekia gema ishigh nagh hen kpekpe, a sôn TER,

Yesaia 38:4

Tsô kwaghôron u TER va hen Yesaia, er:

Hosea 12:4

een, a nôngo wav a ortyom u Sha, a hemba un, a vaa, a zamber a na; a zua a Na hen Betel, ka heera A ôr kwagh a vese ye—

YOHANE 1:47

Tsô Yesu nenge Natanael ngur van her a Na yô, A ter un a kaa er: Nenge, mimi je, ka or u Iserael u ma icugh i lu ken a na je ga yô.

2 Mbakorinte 1:12

Gadia ihagh yase yô, ka i ne, ka shiada u imo i ken ishima yase, er se lu zenden ken tar, jim je yô lu hen a ven, lu sha icighanmlu man mimi u Aôndo lu sha mfe u iyolough ga, kpa lu sha mrumun u sha mhôôn u Aôndo je.

Duteronomi 6:18

Eren kwagh u a lu u mimi man u perapera sha ishigh ki TER, sha er á kpe u iyol ú nyôr ú ngohol tar u dedoo u TER lu bum a uter ou la,

Mbaheberu 5:7

Sha ayange a Yesu lu ken mlu u or la yô, A eren mbamsen man uzamber sha imo i genger genger man shi a mliam ashe kpaa. A sôn Un u A fatyô u yiman Un ken ku la, man i ungwa Un kpaa sha ci u mcieaôndo Na la.

Mbaheberu 6:10

Aôndo ban a perapera ga. Tom wen ua hungul Un ga, shin dooshima u ne tese sha ci u iti Na kpaa ga er ne lu eren uicighanmbaiorov tom shi ne mba eren her kpaa.