Yesaia 34:9 - ICIGHAN BIBILO

⁹ Á gema iwagh na ia hingir mningem ma ilim, vuulevu na kpaa ua hingir sulfur, tar na kpaa ua hingir mningem ma ilim ma hian.

Yesaia 34:9 Iomraidhean Croise

Genese 19:28

te ashe nengen ken ian i Sodom man Gomora kua gbulumaa u tar la cii yô, a nenge mnyim hen inya lu kôndon sha, er ka mnyim ma duen ken atse yô.

Yobu 18:15

Kwagh u a lu u nan ga la, gema tema ken iyou i nan, i haa sulfur sha ya u nan.

Upasalmi 11:6

Una haa akausu a kpenger kpenger sha mbaaferev kua sulfur kpaa; ahumbe a hian, ka kwar u iyongo ve.

Yesaia 30:33

Gadia i vande sôron Tofeti ngise je; i sôr un sha ci u utor kpaa; A er un a za man a gbanger kuma sha ci u usu man ikon kpishi je; iôôn i TER ngi er ka ikuwan i sulfur nahan, ngi tsaren un.

Yeremia 49:13

Gadia M bum iyol Yam, kape TER A kaa ne: Bosera una hingir kwagh u kpilighyol, kwagh u aheenegh, ijiir i gbilinigh man kwagh u ifan; agar a na cii aa hingir atse gbem sha won.

Luka 17:29

Kpa sha iyange i Loti due ken Sodom yô, usu man sulfur due sha, haa shin inya, i tim ve cii.

Duteronomi 29:23

er inya i tar la cii kpaa i hingir sulfur man bar sha mnande u i nande u la, i kera lee kwagh sha i ga, man i mende iyiagh kpaa ga, ma kwagh môm kpaa kera mende sha i ga, er mtim u Sodom man Gomora man Adema man Seboim nahan, mba TER tim ve sha ishima i vihin Na man iyugh Na,

Yuda 1:7

Kape Sodom man Gomora man agar a a kase ve la kpaa ve lu eren idya shi ve lu eren sha asaren a sha gbaaôndo ga je la, i tsaha ve sha usu u tsôron, ve hingir ikav i tesen.

Mpase U Yohane 19:20

Tsô i kôr inyam la man shi profeti u aie la kpaa, un u a lu eren uivande sha ishigh ki inyam, a lu tsughun ior mba ve ngohol ikav i inyam la man shi mba ve civir eev mbu i la kpaa, i gbihi ve uhar cii uma ken berusu u a lu yeghen sha sulfur la.

Mpase U Yohane 21:8

Kpa mbaciankwagh man mbanan jighjigh ga, man mba kwagh ve a ndôhôr ishima la man mbawuanior man mbadyarev man mbaahiriv man mbacivirakombo man mbaerenaie cii, kwar ve ngu ken ber u a lu hian sha usu man sulfur, ka ku u sha uhar je la.