Yesaia 34:4 - ICIGHAN BIBILO

⁴ Akum a Sha aa saa kera, Usha kpaa á hule ve er ihurenruamabera nahan; akum a ve cii kpaa aa haa inya, er kwa u kon u wain ka u gba inya nahan, man er kon u tur ka u ndoor ika nahan.

Yesaia 34:4 Iomraidhean Croise

Yesaia 13:10

Gadia asan a Sha man uzegembaiwangerev mba Shaav vea kera na iwanger ga, iyange ia wa ime sha mdugh u i, uwer kpaa ua kera ta iwanger ga.

Yesaia 13:13

Ka sha ci u nahan Me er Usha vea tenger, tar kpaa ua tenger ua kar hen ijiir i u la kera, sha iyugh i TER u akum a Sha, sha iyange i iyugh Na i yeghen tsung la.

Yesaia 14:12

U osough Sha, u gba kpen kpen, we, Lushifer, wan u Use! I gber u, i gbihi inya je, we u u sar akuraior kera ne!

Yesaia 51:6

Kende nen ashe a en sha Usha, nenge nen shin tar, gadia Usha vea kar kera er mnyim nahan, tar kpaa ua bee iyol er ikondo yô, mba ve tem shin u kpaa, vea kpe er amunan nahan; kpa myom Wam una lu gbem sha won man á kar a perapera Wam kera kpaa ga.

Yoel 2:10

Tar tenger sha ishigh vegh, Usha gbidye ikarikase iyol; iyange man uwer wa ime, asan kpaa hide a iwanger ve ijime.

Yoel 3:15

Iyange man uwer wa ime, asan kpaa hide a iwanger i a ijime.

Mateu 24:29

Kpa fese je, ken masejime u ican i her ayange la yô, iyange ia wa ime, uwer kpaa ua kera wanger ga; asan aa osough sha kwavaôndo man agee a a lu sha kwavaôndo la aa tenger.

Mateu 24:35

Sha man tar vea kar kera, kpa akaaôron Am yô, aa kar kera mayange ga.

Mbaheberu 12:27

U kaan er, “shi kwa môm” yô, tese sha mkar u á va kar a akaa a a fetyô u tenger la kera, ka akaa a i gbe a je la, sha u akaa a a fetyô u tenger ga la yô, a̱ lu her.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.

Mpase U Yohane 6:12

Man zum u A bugh ikav i sha ataratar la, m ver ashe yô, nenge, tar tenger kpen kpen, iyange hingir il er ibashôhô u lun shuwa shuwa nahan, uwer jimin cii hingir er ka awambe nahan.

Mpase U Yohane 8:12

Ortyom u Sha u sha unyiin la kpaa tôngo tsô i vihi tiôn môm u ken atôôn atar a iyange, man shi tiôn môm u ken atôôn atar a a uweregh man shi tiôn môm u ken atôôn atar a asan kpaa, nahan tiôn môm u ken atôôn atar iwanger ve la gema wa ime, tiôn môm u ken atôôn atar a sev kera wanger ga, tugh kpaa nahan.