Yesaia 34:16 - ICIGHAN BIBILO

¹⁶ Ker nen ken ruamabera u TER, ôr nen! Mô môm ken akaa ne una ban ga, hanmô una de zuan a ugen ga; gadia ka zwa Na u we tindi ye, man ka Jijingi Na A kohol ve A ver her ye.

Yesaia 34:16 Iomraidhean Croise

Genese 6:17

Gadia Mo Me va a mngerem sha tar deemee, sha u timin hanma kwagh u uma cii, u a lu a iôôn i uma ken a na, sha won, kera; hanma kwagh u sha tar cii una kpe.

Upasalmi 33:6

Ka sha mkaanem ma TER i er Usha ye; shi ka sha iôôn i ken zwa Na i er akum a ve cii kpaa ye.

Upasalmi 33:9

Gadia Wen yô, ngu A ôr kwagh, maa i lu nahan je, shi A kaa, maa i tile her dông.

Anzaakaa 23:12

Ver ishima sha u ungwan ityesen, ato a ou kpaa sha u ungwan akaaôron a sha mfe.

Yesaia 1:20

kpa aluer nea venda, nea hendan kpaa yô, á wua ne sha sanker; gadia kape zwa u TER u kaa la.

Yesaia 14:31

Genger mliam, we, hundagar; gbidye vaa, we, gar; sough kera, we, Filisetia man mba keregh cii; gayô ka ken imbusutarimese mnyim ma dugh ye, ma or u gban ijime ken tangeutya na nan ngu ga.

Yesaia 21:17

iyenge i mbaavaanev man mbaageev mba Mbakedar mba ve shi her la, ia hingir hicu; gadia TER, Aôndo u Iserael, kaa nahan.

Yesaia 30:8

Yem ase, za nger kwagh ne sha kpande sha ishigh vegh, shi nger un ken ruamabera kpaa, a̱ lu sha ci u ayange a ken hemen gbem sha won.

Yesaia 40:26

Kende nen ashe a en sha, nenge nen: ka an nan gbe akaa ne, nan dugh a akum a ve sha iyenge ve, nan yer a cii sha ati ati? Sha mvese u agee a Na man sha ci u mtaver u tahav Nav, mô môm u lun ga ngu ga.

Yesaia 40:5

iengem i TER ia ande ken igbar, uumace cii vea nenge a i imôngo, gadia ka zwa u TER u kaa nahan ye.

Yesaia 58:14

nahan ú ember ken TER kpishi, Mo kpaa Me na er ú unde sha ajiir a taven sha, a shin tar, Me koso u sha dyako u teru Yakob kpaa; gadia kape zwa u TER je u kaa ne.

Daniel 10:21

Nahan kpaa me ôr u kwagh u i nger ken Ruamabera u mimi la, ma or u tavershima u wasen mo u nôngon a ve nan ngu ga, saa Mikael ortaregh wen.

Amoshi 3:7

Mimi je TER Una gba eren ma kwagh môm ga saa Una vande pasen kwaghmyer Na la hen mbatomov Nav, uprofeti ve.

Sekaria 4:6

Nahan a gema a kaa a mo er: Ngun ka kwaghôron u TER a Serubabel er: Ka sha agee ga, ka sha utaha kpaa ga, kpa ka sha Jijingi Wam, kape TER u akum a Sha A kaa ne.

Malaki 3:16

Tsô mbacian TER kpaa gema ôr kwagh ayol a ve; TER kpaa ver ato, ungwa, i nger ruamabera u umbur akaa sha ishigh Nagh, sha ci u mba ve cie TER, man mba ve civir iti Na yô.

Mateu 5:18

Gadia mimi je M kaan ne ne, zan zan Sha man tar kpaa vea kar kera je, kpa mayange ishangekwagh môm shin anikav môm tsô kpaa una kough ken atindiakaa kera ga, zan zan akaa cii aa kure sha mi vough.

Luka 21:33

Sha man tar vea kar kera, kpa akaaôron Am aa kar kera mayange ga.

YOHANE 10:35

Aluer a yila mbala mba kwaghôron u Aôndo lu va her a ve la er mbaaôndo yô, man a fatyô u bunden icighanruamabera kpaa ga yô,

YOHANE 5:39

Ne mba timen ken icighanruamabera sha ci u ne mba henen ner, ka sha a ve man né zua a uma u tsôron ye; yô, ka ve je ve pasen kwaghwam ye.

Duteronomi 31:21

Tsô zum u akaavihin kpishi man atsan aa tser ve yô, icam ne ia pase kwagh sha ishigh vegh er ka shiada yô; gadia ia hungul ken zwa u tsombor ve ga, gadia M fa mhen ve u ve lu a mi nyian ne, je er M lu a za a ve ken tar u M bum a ve la ga yô.

Yosua 1:8

Ruamabera u atindigh ne a̱ de karen sha zwa wou kera ga, kpa zer timen kimi tugh man atetan, sha er ú ver ishima u eren akaa a i nger kimi cii; gadia ka nahan man ikôr ia lagh u sha akaa cii, shi ka nahan man ú er kwagh sha inja kpaa ye.

2 Peteru 1:19

Se mba a kwaghôron u profeti u a til dông je. Doo u né wa iko sha mi er ka imenger i i wanger ken ijiir i wan ime nahan, zan zan sev mbu kar aven man ishan i sha use kpaa ia due ia kôndo sha ken asema a en yô.