Yesaia 34:1 - ICIGHAN BIBILO

¹ Kporom nen akuraior sha u ne ungwa, ver nen ato ne ior; tar u̱ ungwa, kua m-iv u u, tar sha won cii kua akaa a a dugh sha mi cii.

Yesaia 34:1 Iomraidhean Croise

Genese 6:13

Aôndo kaa a Noa er: Mkur u uumace cii va sha ishigh Yagh ve; gadia ve iv a apera sha tar; nenge, timin Yam ve a tar imôngo ne.

Upasalmi 24:1

Tar ka u TER je, man m-iv u u, tar u sha won cii a mba ve lu ken u kpaa.

Upasalmi 50:1

Uhembanagee, Aôndo, TER, ngu ôron kwagh, ngu yilan tar hii sha iyangeduen je zan zan ar shin iyangemiren.

Upasalmi 96:10

Kaa a akuraior wer: TER tema tor, tar kpaa u taver je, ua kera tenger ga. Una ôr akuraior ijir sha mimi.

Yesaia 1:2

Ungwa nen, ne Usha; ver ato we tar kpaa, gadia TER ôr kwagh er: M koso ônov, m yese ve, kpa ve je, ve gema ve hingir iyongo a Mo.

Yesaia 18:3

Ne mba ne tem sha won cii, man ne mba ne tem sha tar kpaa, zum u á kende tuta sha, sha iwo yô, nenge nen, man zum u á tôngo korough kpaa, ungwa nen!

Yesaia 33:13

Ungwa nen, ne mba ne lu ken ica, kwagh u M er yô; man shi ne mba ne lu ikua kpaa, rumun nen er M lu a tahav yô.

Yesaia 41:1

Ne ityar i shin kpe u zegemnger, ver nen ato sha Mo ving; akuraior a̱ hide a agee a a her; ve̱ kporom, ve̱ ôr kwagh; sé za nen imôngo hen ijirôron.

Yesaia 43:9

Akuraior cii, a̱ kohol imôngo, ior cii ve̱ zua imôngo. Ka anti ken ve je nana fatyô u pasen kwagh ne, man nana tese se akaa a a vande karen kera? Ve̱ va a ushiada vev sha er vea zua a ishô yô, ve̱ ungwa, ve̱ kaa er: Ka mimi je.

Yesaia 48:16

Kporom nen her a Mo, ungwa nen kwagh ne: sha hiihii je M ôr kwagh ken myer ga; zum u kuma u kwagh la una er yô, Mo M lu heregh je; hegen Ter AÔNDO tindim kua Jijingi Na.

Yesaia 49:1

Ungwa nen kwagh Wam, ne ityar i hen kpezegemnger, ver nen ato ne akuraior a ken ca; TER yilam ken uya je, ka ken iyav mbu ngôm je A ter iti Yam ye;

Yesaia 63:1

Ka an or nan lu duen ken Edom, a akondo a nyian bong ken Bosera, nan civir ashe sha akondo a nan lu a mi iyol la, nan zenden ken tahav mbu nan mbu vesen laa? Ka Mo u M er kwagh u perapera man M lu a agee a yiman ne.

Yeremia 22:29

We tar, tara, tara, ungwa ase imo i TER.

Yeremia 49:7

Sha kwagh u Edom: TER u akum a Sha ngu kaan nahan er: Kwaghfan kera ngu ken Teman je gaa? Mhen u mbakavenkwagh saa kera? Kwaghfan ve ndiiri?

Esekiel 38:17

Ter AÔNDO ngu kaan nahan er: Ka we M ter u tsuaa sha zwa u mbayev Av uprofeti mba Iserael, mba ve lu ôron kwaghôron u profeti anyom kpishi, sha kwagh u ayange shon la, er Mea va a we sha u va nôngon ityav a ve gaa?

Obadia 1:1

Ka mpase u sha mnenge u Obadia ne: Ter AÔNDO ngu kaan sha kwagh u Edom nahan er: Se ungwa loho hen TER, i tindi ortyom hen akuraior er: Mough nen sha, sé za nôngo nen ityav a na.

1 Mbakorinte 10:26

Gadia tar ka u Ter je, man m-iv u u.

Duteronomi 32:1

Ver nen ato ne Usha, me ôr kwagh; tar u̱ ungwa akaaôron a zwa wam.

Duteronomi 4:26

m yila Sha man tar ve̱ lu shiada sha a ven nyian, né per Yordan sha u za ngohol u la je ga; né tsa ayange kpishi ken u ga, tsô né tim purututu.

Mpase U Yohane 2:7

Or u nan lu a ato yô, nana̱ ungwa kwagh u Jijingi A lu ôron a iniongo i Kristu yô. Or u nan hembe yô, Me na nan, nana ya kon u uma u u lu ken Paradiso u Aôndo la.

Mbaajiriv 5:3

Ungwa nen, ne utor; ver nen ato, ne atiator; mo me wa icam me ter TER, me wa icam i wuese TER, Aôndo u Iserael.

Mbaajiriv 5:31

Mbaihomov Ou cii, ve̱ saa ishe nahan TERE! Kpa mba A doo ve ishima la yô, ve mba er iyange, zum u ka ia due sha agee a i nahan. Tsô tar la zua a mmem anyom akunduahar.