Yesaia 33:2 - ICIGHAN BIBILO

² TERE, zungwe se mhôônom; se mba keghen We; lu uwegh asegh hanma sev, myom wase kpaa sha shighe u ican.

Yesaia 33:2 Iomraidhean Croise

Upasalmi 123:2

Nenge, er ashe a mbashiren nga a lu sha uwegh ku uter vev nahan, man er ashe a wanyekwase nga a lu sha uwegh ku ngô na nahan kape ashe ase kpaa a nengen sha TER, Aôndo wase je la, zan zan Una zungwe se mhôônom.

Upasalmi 143:8

Erem m̱ ungwa erdoo Wou pepe, gadia ka sha a We m suur ye. Tesem gbenda u me za yô, gadia ka sha a We m veren ishima ye.

Upasalmi 25:3

Een, ve cii mba ve veren ashe We yô, vea va ahenge ga; mba ve eren akaa sha icugh sha ityôikaa ga yô, ka ve je vea va ahenge ye.

Upasalmi 27:1

TER ka iwanger yam man myom wam kpaa, ka an je me cia? TER ka agee a uma wam, ka an je nana wam mciem iyolo?

Upasalmi 33:22

TERE, mhôônom Ou ma zungwen ma lu sha a vese, er se lu veren ishima keghen We yô. Ka Pasalmi u Davidi, zum u a gema mlu na sha ashe a Abimeleki u a zenda un a yem kera la

Upasalmi 37:39

Kpa myom u mbaperapera yô, due hen TER je, ka Un A lu garutya ve sha iyange i mzeyol ye.

Upasalmi 46:1

Aôndo ka ijiir yase i waren ker man agee ase kpaa, ka iwasen i i lu ikua ikua ken ican je.

Upasalmi 46:5

Aôndo ngu ken atô na je, una tenger ga; Aôndo Una wase un pepe pepe je.

Upasalmi 50:15

yilam sha iyange i ican, Me yima u, ú gema ú civir Mo.

Upasalmi 60:11

Na se iwasen sha u nôngon a or u ahendanegh, gadia iwasen i or yô, ka gbilinkwagh tsô.

Upasalmi 62:1

Ka her Aôndo tseegh uma wam a veren ashe ving ye; ka hen a Na myem wam a dugh ye.

Upasalmi 62:5

Ka her Aôndo tseegh ú ver ashe ving ye, we uma wam, gadia ka hen a Na man ishimaverenkeghen yam i lu ye.

Upasalmi 62:8

Ne ikurior ne, suur nen sha a Na hanma shighe, pase nen asema a en sha ishigh Nagh; Aôndo ka ijiir yase i yeren je. Sela.

Upasalmi 90:15

Na, i̱ saan se iyol er sha ayange a U na se ican la nahan vough, man er anyom a kwaghbo a tser se la nahan.

Upasalmi 91:15

Zum u una yilam yô, Mo kpaa Me ungwa imo na; ken ican Mo Me lu a na, Me yima un, shi Me civir un kpaa.

Ekesodu 14:27

Tsô Mose naregh uwegh nagh sha zegemnger, zegemnger hide doon her sha use er ma lun keke nahan; Mbaigipiti gba yevese, ve va ta sha mi; TER haa ve shin zegemnger.

Yesaia 17:10

Gadia Aôndo u myom wou hungul we, u kera umbur Vande wou u waren ker la kpaa ga, ka nahan man u lee ahu a mondon a dedoo man u môôr ikon i wain igen kposo ye;

Yesaia 25:4

Gadia U hingir ijiir i waren i mbaatsanev, ijiir i waren i oribanave ken ican i nan, ijiir i yeren uraahumbe man mure u yeren oo, gadia kumetan u uipirambaiorov ngu er uraahumbe u tan sha kpekpe yô.

Yesaia 25:9

Tsô sha iyange la, á kaa er: Nenge, ngun ka Aôndo wase u se lu veren ashe Na ser, A̱ va yima se je ne; ka TER je u se lu veren ashe Na; sé lu nen saan saan, sé ember nen myom Na.

Yesaia 26:16

TERE, ken ican yô, ve ker U, shighe u mtsaha Wou lu sha a ve la, ve gba eren msen.

Yesaia 26:8

Sha gbenda u ajiraôron a Ou kpaa, TERE, se lu keghen We. Iti You man m-umbur u umbur We la, sar uma wase tsung.

Yesaia 37:3

Ve za kaa un er: Hesekia ngu kaan nahan er: Iyange ne ka iyange i ican je, man i mtsaha kua ilyahan kpaa; gadia ônov kuma u á mar ve yô, kpa agee a maren ve nga ga.

Yesaia 40:10

Nenge, Ter AÔNDO Una va sha agee, Una kura tar sha uwegh Nagh je; nenge, injar Na ngi a Na; iyevoron Na kpaa kar ngi zan Un sha hemen.

Yesaia 51:5

Mhembe Wam mgbôghom, myom Wam due ken igbar, ave Am aa ôr akuraior ijir; ityar i hen kpe u zegemnger ia keghem, ia suur sha uwegh Agh.

Yesaia 59:16

Shi A nenge or môm lu ga, kpiligh Un iyol er ma or u nan paase kwagh nan lu ga yô; ka sha ci u nahan man uwegh Nagh ku wase Un; perapera Na kpaa suwe Un.

Yesaia 8:17

Tsô me kegh TER u A yer ya u Yakob ishigh Nagh la, ka sha a Na ishimaverenkeghen yam i lu ye.

Yeremia 14:8

We, ishimaverenkeghen i Iserael, Oryiman na, sha ayange a ican, ka nyi man U hingir er orvannya ken tar ne, man er or u nan dugh zende, u nan kaha nan yav tugh tseegh nahan?

Ukwelegh 3:23

ve mba hegh hanma sev; jighjigh Wou gba ikôr.

Hosea 14:2

Tôô nen akaaôron ne, za nen a mi; hide nen hen TER; kaa nen a Na ner: De ifer ci ca cii, rumun kwagh u a lu u doon yô, nahan sé gema ityumbujôôv yase sé na nagh sha mi, sha ityough ki anomabua.