Yesaia 33:1 - ICIGHAN BIBILO

¹ Kwagh á tser u, we or u vihin ior akaa kera, kpa we yô, i vihi u akaa kera ga, we u u eren atseregh, kpa we yô, i er atseregh a we ga. Zum u ú mem u vihin ior akaa kera la, á vihi u kera; man zum u ú de u eren atseregh yô, á er atseregh a we.

Yesaia 33:1 Iomraidhean Croise

Anzaakaa 22:23

gadia TER Una ôr kwagh ve, man Una vihi uma u mba ve nzughul a ve la kera.

Yesaia 10:12

Tsô zum u Ter Una vande kuren tom Na cii sha uwo u Shion kua ken Yerusalem kpaa yô, Me or iyev sha atam a ishima i gban gesa i tor u Ashiria man ihagh i ashe na a kenden sha la kpaa.

Yesaia 14:25

Me sombo Orashiria ken tar Wam, man sha iwo Yam kpaa, Me ndyar un shin angahar; tsô igbur na ia osogh sha ve kera, ikav nav kpaa mbia kar sha avande a ve kera.

Yesaia 17:14

Iyange i been, mciem ma tan iyol; er sev mbu a lu a av ga tsô, vea kera lu ga. Ka kwar u mba ve ye se ishar je la, man kwar u mba ve saren se la.

Yesaia 21:2

Ka mpase u ican kpishi i tesem ye: Oratseregh nan ngu eren sha atseregh, ortiminakaa di kpaa nan ngu timin. Za ityav, we Elam; za kase ityav, we Media. Me na ishimashirin ia bee cii.

Yesaia 24:16

Hii shin ikighir i tar je, se ungwa atsam er: I̱ wuese orperapera. Kpa mo m kaa mer: M ngu saan, kwagh tserem ve! Mbaatsereghev mba eren kwagh sha atseregh, een ka sha atseregh mbaatsereghev ve eren kwagh ye.

Yesaia 31:8

Zum la Orashiria una kpe ku u sanker, kpa ka sha u or ga; sanker kpaa á lu u ior ga, una wua un; una yevese sanker, man ikaior na ia hingir mbaerentom u kpan.

Yesaia 48:8

Een, u ungwa ga; een, u fa ga; een, ato ou vande bughun tsuaa kpaa ga; gadia M fa er u eren kwagh sha atseregh yum yô, i yila u er, orhendankwagh, er u lu ken uya je.

Esekiel 39:10

nahan vea kera ker ikon ken toho ga, man shi vea kera gber ikon shin akô kpaa ga, gadia vea keer usu sha ikav mbi tswamev; mba ve ya ve ishar la, ve di kpaa vea ya ve ishar, mba ve kura ve akaa la, ve di kpaa vea kura ve akaa, kape Ter AÔNDO A kaa ne.

Sefania 3:19

Nenge, hen shighe la Me ta sha mba ve eren we ican la cii; Me yima mbakeer, man Me kohol mba i zende ve kera la, Me gema ve vea hingir kwagh u wuese man u duen iti, ve mba kunya ve u lu sha won cii la.

Mateu 7:2

Gadia imbajir i ne er ne, ka i á ôr ne ye; man ikaren i ne karen a mi ne kpaa, shi ka sha i je á kar ne mi ye.

Mpase U Yohane 13:10

Aluer i ver or sha ci u uikangen yô, ka ken uikangen je nana za keng ye. Aluer or nana wua sha sanker yô, nan di kpaa á wua nan sha sanker keng. Ka sha kwagh ne man ishima i taver i uicighanmbaiorov man jighjigh ve u nan a lu ye.

Mpase U Yohane 16:6

Gadia ve haa awambe a uicighanmbaiorov man uprofeti kpaa, nahan U na ve awambe Wer, ve̱ ma. Kwagh ne kuma sha a ve je.

Mpase U Yohane 17:17

Gadia Aôndo na ve ken asema a ve sha u ve̱ er sha awashima Na, ve̱ er a ishima i môm je, ve̱ gema tor ve, ve̱ na inyam la zan zan akaaôron a Aôndo aa kure vough yô.

Mbaajiriv 1:7

Tsô Adoni-beseki kaa er: Utor mba akunduatargber, mba i tôndo ve ahôaveegh a tamen man ahôangahar a tamen la, lu sangen kwaghyan ve shin atô a tebul wam je; er mo iyange m er nahan, kape Aôndo kpaa A orom iyev ne. Tsô ve va a na hen Yerusalem, a va kpe her.

Mbaajiriv 9:23

Tsô Aôndo tindi jijingi u bo hen atô u Abimeleki vea ior mba Shekem; nahan ior mba Shekem kera lu ishima i môm a Abimeleki ga;