Yesaia 32:7 - ICIGHAN BIBILO

⁷ Ayom a oratsereghegh kpaa ka a vihin tsô, ka nan henen udangmbaakaav sha u timin atsanaior sha akaaôron a aiegh, sha shighe u oribanave a lu ôron sha mimi kpaa la.

Yesaia 32:7 Iomraidhean Croise

Upasalmi 119:95

Mbaaferev kegh er vea timim, kpa me wa mbampase Ou iko.

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 11:4

kpa ka sha perapera Una ôr ijir i mbaatsanev ye; man shi Una kure kwagh sha mi vough a mbalun asema legh legh shin tar; Una tsaha tar sha kwagir u ken zwa Na; man sha iôôn i ken zwa Na la, Una wua mbaaferev.

Yesaia 26:10

Ka a zungwe iferor mhôônom kpaa, nan hen u eren perapera ga, nan eren iferkwagh ken tar u mimi je, nan nengen a icivir i TER i hemban la ga.

Yesaia 29:21

ve mba ve ne or ibo sha ishember kwagh i kwaghôron, man ve hôn to sha u kôron u a tem hen hundagar sha u ôron ijir sha mimi la, man ve mgbegha orperapera kera sha gbilinkwagh.

Yesaia 5:23

mba ve ne mbalun a ibo ishô sha ci u inyar, kpa orperapera yô, ve ngohol mimi u nan kera!

Yesaia 55:7

Iferor nana̱ undu gbenda u nan; u nan lu perapera ga kpaa, nana̱ gbihi mbamhen mba nan kera, nana̱ hide hen TER, tsô Una zungwe nan mhôônom, man hen Aôndo wase, gadia Un deen kwaghbo wuee.

Yesaia 59:15

Een, mimi ngu ga; or u nan kem iyol sha ifer yô, mba ngohol nan akaa sha apera. Tsô TER nenge, vihi Un er kwagh u jighilii a lu ga yô,

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Yeremia 18:18

Tsô ve kaa er: Va, sé hen nen kwagh u sé er Yeremia yô; gadia atindiakaa aa bee hen pristi ga, mhen kpaa una bee hen orfankwagh ga, kwaghôron kpaa una bee hen profeti ga. Va, sé za vihi nen un sha nombor; sé kera ver nen ishima sha ma kwaghôron na môm môm ga.

Daniel 12:10

Mbagenev kpishi vea wanger ayol a ve, vea tsegha ayol a ve, vea lu wang; kpa mbaaferev yô, vea er aferakaa; mô môm ken mbaaferev nana kav ga; kpa mba ve lu a kwaghfan yô, vea kav.

Mika 2:1

Kwagh á tser mba ve henen iferkwagh man ve we ago iyol u eren kwagh u bo sha ugambe vev la! Er sev a av yô, ve kure kwagh la kpaa, sha ci u a lu ken tahav mbu ave ve yô.

Mika 2:11

Aluer or nan ngu zendan ahumbe ityô man nana er aie nana kaa er: Me ôr u kwaghôron u uprofeti sha kwagh u wain man msôrom ma taver yô, or la ma nan lu profeti u ior mban.

Mateu 26:4

Ve hen er vea er man vea kôr Yesu sha ayom, vea wua yô.