Yesaia 32:3 - ICIGHAN BIBILO

³ Ashe a mbanengen aa kera pir ga, man ato a mba ve ongo la aa ungwa.

Yesaia 32:3 Iomraidhean Croise

Yesaia 29:18

Sha iyange la mbaakondoato vea ungwa akaaôron a ruamabera, man ashe a mbaapirashe kpaa, mba ve lu ken aôndoaimegh man ime, vea nenge kera.

Yesaia 29:24

Mba ve tsumen ken jijingi la vea zua a mkav, man shi mbagbanahon vea rumun ityesen.

Yesaia 30:26

Shi iwanger i uweregh kpaa ia hingir er iwanger i iyange nahan, man iwanger i iyange kpaa ia seer iwanger kwa taankaruhar, er iwanger i ayange ataankarahar nahan, sha iyange i TER una kange mvihiyol u ior Nav la, man Una bee ve ivav i i gbidi ve la.

Yesaia 42:16

Shi Me va a mbaapirashe sha gbenda u ve fe u ga yô; ka sha igbenda i ve fe i ga je, Me kar a ve ye; Me gema ime ia hingir iwanger sha ishiv vev; ajiir a lun gbeen gbe gbeen aa hingir vaanaa. Akaa ne yô, Me er a, Me de a ga.

Yesaia 54:13

Ônov ou ci ca kpaa vea lu mba TER A tese ve yô; mkpeyol u ônov ou kpaa una vese je.

Yeremia 31:34

Nahan hanmô ve nana kera tese or u wan ndor a nan, shin anmgbian u nan er: Fa TER ga; gadia ve cii vea fam, á hii sha u kiriki ve zan zan ar sha u vesen, kape TER A kaa ne; gadia Me de ve ifer ve, asorabo a ve kpaa Me kera seer u umbur a ga.

Mateu 13:11

A gema A kaa a ve er: Ne yô, i na ne sha u ne̱ fa akaa a myer a tartor u Sha, kpa ve yô, i na ve ga.

Marku 7:37

Kpiligh ve iyol je zua ga, ve gba kaan er: A er akaa ca ca cii doo doo je, A er mbakondonato mba ungwan, mbakondonaker kpaa mba lamen.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.