Yesaia 32:1 - ICIGHAN BIBILO

¹ Nenge, tor ugen una tema tor sha perapera, atiator kpaa aa kura tar sha ijirôron i mimi.

Yesaia 32:1 Iomraidhean Croise

2 Samuel 23:3

Aôndo u Iserael kaa kwagh, Vande u Iserael ôr kwagh a mo: Or u hemban u a tem tor sha ior, u a tem tor, a cie Aôndo,

Upasalmi 45:1

Ishima yam iv a kwaghôron u dedoo je, ngu haan. M ngu ôron Tor kwaghôron wam u sha inja; nombor wam ka pensel u orfan kwaghngeren dedoo.

Upasalmi 99:4

Tor u ageegh u ijirôron i mimi i doo U ne, ka We, U ver kwagh u vough ye, U er ijir sha mimi, U eren sha perapera ken Yakob.

Yesaia 11:4

kpa ka sha perapera Una ôr ijir i mbaatsanev ye; man shi Una kure kwagh sha mi vough a mbalun asema legh legh shin tar; Una tsaha tar sha kwagir u ken zwa Na; man sha iôôn i ken zwa Na la, Una wua mbaaferev.

Yesaia 11:5

Perapera una lu kwange Na u shin iwenge man mimi una lu kwange Na u hen uya.

Yesaia 16:5

zum la á tar ikônough ki torough sha erdoo man orgen nana tema sha mi sha jighjigh, ken tenti u Davidi, u nana ôr ijir, nana keren mimi man nana eren kwagh sha perapera fefa je.

Yesaia 28:6

man jijingi u ijirigh u or u nan tem sha u ôron ijir la, man agee a mba ve daan ityav sha ihinda ve hidi a mi ijime yô.

Yesaia 33:5

I kende a TER sha; gadia A tema sha, A iv Shion a ijirôron i mimi kua perapera.

Yesaia 4:6

Ityumbe ia lu atetan sha ci u mure u yeren oo ker, man sha ci u ijiir i yeren uraahumbe kua ura kpaa.

Yeremia 33:14

Nenge, ayange nga van, kape TER A kaa ne, a Me kure kwaghôron u doon u M er sha ya u Iserael kua sha ya u Yuda la.

Yeremia 33:15

Sha ayange la man sha shighe la Me na Gbaa u perapera Una ta hen Davidi; ka Un Una ôr ijiir sha mimi man Una er perapera shin tar ye.

Esekiel 37:24

Wanakiriki Wan Davidi una tema tor sha a ve; ve cii vea lu a orkuran môm; vea zenden ken akaaôron a Am a jirigh, vea waan akaawan a Am iko man vea eren sha mi kpaa.

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Mbaromanu 5:21

Ka sha u, er isholibo i tema tor sha ku yô, kape mrumun u sha mhôôn di kpaa a̱ tema tor sha perapera u zan ken uma u tsôron sha Yesu Kristu Ter wase la.

Mpase U Yohane 17:14

Vea nôngo ityav a Waniyôngo kpa Waniyôngo Una hemba ve kua mba ve lu a Na imôngo la, ka mba i yer ve, i tsough ve, ve lu jighjigh la, gadia Un ka Ter u uter man Tor u utor kpaa.

Mpase U Yohane 19:11

Tsô m nenge Sha lu ivegher, nenge, nyinya u pupuu lu. Un u A tema sha mi la i yilan Un er Jighjigh man Mimi. Un er ijir sha perapera, shi nenge ityav kpaa.