Yesaia 30:6 - ICIGHAN BIBILO

⁶ Mkaanem ma Aôndo sha ishôso i ken tar u Imbusutariyan la. Mba karen ken tar u ican man u nyian ishima, henpe ngôbegha man nombegha man igbinde man iyôusu i purugh ve dugh la; ve tôô inyarev sha ajime a agumajaki, man akaa a ve a injaa kpaa sha agundu a urakumi, ve yem hen ior igen i i lu ve a ma inja ga yô.

Yesaia 30:6 Iomraidhean Croise

Genese 12:9

Aberam gba zenden veren ishigh ken Imbusutariyan la.

1 Utor 10:2

A va ken Yerusalem a ior mba va veren un, kpishi je, a urakumi mba tôôn ilyôghonov man zenaria kpishi je, kua awen a injaa. Er a va hen Solomon yô, a ôr un akaa a a lu un ken ishima cii.

2 Kroniku 16:2

Nahan Asa kura azurfa man zenaria ken ayou a koson akaa ker, a ken iyou i TER, kua ken iyou i tor la, a tindi i za na Benhada tor u Shiria u a lu ken Damaseku la, a kaa er:

2 Kroniku 9:1

Zum u torkwase u Sekeba ungwa gwa u Solomon yô, a va u va karen Solomon sha mbampin mba cimin ken Yerusalem, a va a ior mba va veren un kpishi, man urakumi mba tôôn ilyôghonov man zenaria kpishi, kua awen a injaa; zum u a va hen Solomon yô, a ôr akaa a a lu un ken ishima cii.

Yobu 39:11

Ú suur sha i er i lu a agee yum yôô? Shin ú wa i tom wou sha ikeve?

Ekesodu 1:14

ve vihi ve asema sha tom u ican, tom u hôron inya man u gbidyen akam man hanma injatom i ken ityev, ityom la ve tsule ve er, ve̱ er i.

Yesaia 14:29

We, Filisetia man ne mba keregh cii, de ember nen er gbough ku i gbidye u a mi la ku sombo kera ga, gadia ken mise u iyô yô, igbinde ia due, tsombor na kpaa ua lu iyô i usu i purugh.

Yesaia 15:7

Nahan kwagh u ve zough a mi i ngee i gande la, man kwagh u ve koso kera la, vea kura, vea per a mi hen Uwagh u ikon i wilou.

Yesaia 19:4

Me gema Mbaigipiti Me na ve sha ikev i ter u wan tswam, tor ugen u nyoon ishima una tema tor sha a ve, kape Ter A kaa la, TER u akum a Sha.

Yesaia 35:9

Begha una lu her ga, ma inyamtswam kpaa ia unde sha mi ga, á tser a ve her ga, kpa mba i yem ve yô, vea zenden sha mi.

Yesaia 5:30

Sha iyange la ahura á ta sha a ve er ihuran i zegemnger nahan; aluer or nana nenge shin tar yô, nana nenge a ime i ican, iwanger ia hingir ime sha ci u abeen.

Yesaia 57:9

U za hen Moleki kpaa a mkurem ma ishin, man shi u seer mkurem ou ma human doon ma ngee, u tindi mbatyomov ou ken ca, ve yem shin, ve za ar shin Sheol je.

Yesaia 8:22

vea kenger shin inya, kpa nenge, ka ican man ime, ime i cier iyol; á zenda ve vea nyôr ken angôghime.

Yeremia 11:4

a M ôr uter enev sha iyange i M due a ve ken tar u Igipiti, shin adum u soughon iyôgh la, M kaa Mer: Ungwa nen imo Yam, er nen er M we ne kwagh nahan cii; ka nahan man né hingir ior Av ye, Mo kpaa Me lu Aôndo wen;

Yeremia 2:6

Ve kera pine er: TER u A dugh a vese ken tar u Igipiti la yô, ngu han ga, Wen u A kar a vese ken taaikôngo, ken tar u udeserti man u ahungwa, ken tar u ikpoghonya man u mure u kuugh, ken tar u or nan karen ken u ga, man ma or kpaa nan tem ya ker ga yô?

Esekiel 20:46

Wan u or, ver ishigh you shin imbusutariyan, ôr kwagh sha imbusutariyan; ôr kwaghôron u profeti sha ikô i imbusutariyan la;

Hosea 12:1

Eferaim kôr hur a ahumbe, ngu zan ahumbe a ken ityoughkitaregh ityô; ngu seer a seer aie man ipila iyange jimin cii; ve ya ikur a Ashiria, shi mba zan a mkurem ken tar u Igipiti kpaa.

Hosea 12:2

TER ngu a ayôôso a Yuda kpaa, Una tsaha Yakob sha ci u igbenda na, man Una na un injar sha aeren a na.

Mika 6:14

Ú ya, kpa á kuma u ga, ijen ia lu u ken atô; ú kura kwagh, kpa ú war a mi ga; man kwagh u ú yem a mi la kpaa, Me gema Me na sanker.

Sekaria 6:6

I i lu a anyinya a il la due lu zan sha tar u Imbusutarimese la; man a pupuu la due dondo sha a; a lun abeen abeen la due lu zan shin tar u Imbusutariyan la.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Numeri 21:8

Nahan TER kaa a Mose er: Er iyô, hambe sha ityô; nahan yô, hanma or u iyô i nyom nan, nana gema á kenger ngila yô, nana war.

Mateu 12:42

Torkwase u ken imbusutariyan una nder a kov ne sha iyange i ijir, man una na u ibo; gadia a due ken akighir a tar, a va sha u ungwan mfe u Solomon. Yô, nenge, u A hembe Solomon icivir Ngun heen ne.

Duteronomi 17:16

Nana̱ de seer a seer anyinya kpishi sha ci u nan ga, shi nana̱ de hidi a ior ken Igipiti sha u nana̱ seer anyinya ga; gadia TER vande kaan ne je er: Mayange de kera shi hidi nen sha gbenda la ga.

Duteronomi 4:20

Ne yô, TER kua a ven due a ven ken usu u ken adum kera, ka ken Igipiti je la, sha u ne̱ hingir Un ikurior i dyako, er i lu nyian nahan.

Duteronomi 8:15

Un u A kar a we ken zegedeserti u cieryol la, henpe iyô i usu lu man ayese man tar u tseghe tseghe, henpe mngerem lu ga, u A due u a mngerem ken vande u taver la,