Yesaia 30:4 - ICIGHAN BIBILO

⁴ Gadia atiator a ve mba ken Soan man mbatyomov vev kpaa za ar ken Haneshi;

Yesaia 30:4 Iomraidhean Croise

2 Utor 17:4

Kpa tor u Ashiria kav er Hoshea a zough zwa a ior sha a na yô, gadia a tindi mbatyomov hen So, tor u Igipiti, a kera na tor u Ashiria kpandegh er a eren anyom anyom nahan la ga; nahan tor u Ashiria wuhe un ken gaadi.

Upasalmi 78:12

A er akaacieryol sha ashe a uter vev, ken tar u Igipiti ken toho u Soan.

Yesaia 19:11

Atiator a Soan ka ior mba lanen kwagh dedoo je; mhen u mbahenen kwagh a Farao mba ve hembe fan la, hingir ibumegh dang. Hii nan man ne kaan a Farao ner: Mo m ngu wan u mbafankwagh, wan u utor mba tsuaa je, nahana?

Yesaia 57:9

U za hen Moleki kpaa a mkurem ma ishin, man shi u seer mkurem ou ma human doon ma ngee, u tindi mbatyomov ou ken ca, ve yem shin, ve za ar shin Sheol je.

Yeremia 43:7

ve yem ken tar u Igipiti; gadia ve wa imo i TER iko ga, ve yem zan zan ve za nyôr hen Tahapanheshi.

Yeremia 49:14

M ungwa loho due hen TER, man i tindi ortyom hen akuraior, er: Kohol nen, va ta nen num sha a na, wa nen ago iyol sha u nôngon ityav.

Esekiel 30:14

Me gema Pateroshi kpaa una hingir ice, Me haa usu ken Soan, man Me ôr No ijir, Me tsaha un.

Esekiel 30:18

Hen Tehafeneheshi kpaa iyange ia wa ime, zum u Me kever igbouv mbi Igipiti heregh kera, man imanger i agee a na kpaa ia bee ker a na; un yô, ibeenegh kia cir un; man ônov nav mba kasev á yem a ve uikangen.

Hosea 7:16

Ve gema, kpa ve ver ishigh Sha ga; mba er ada u bo nahan; á wua mbatarev vev sha sanker sha ci u kwaghôron ve u dang sha zwa ve. Kwagh ne una hingir u nahan ve tar a mi ken Igipiti.

Obadia 1:1

Ka mpase u sha mnenge u Obadia ne: Ter AÔNDO ngu kaan sha kwagh u Edom nahan er: Se ungwa loho hen TER, i tindi ortyom hen akuraior er: Mough nen sha, sé za nôngo nen ityav a na.

Numeri 13:22

Ve kôndo sha Imbusutariyan la, ve va nyôr sha Heberon; Ahiman man Sesai man Talmai, ônov mba Anaki lu ker. Er i maa Heberon yô, anyom kar ataankarahar man i mase maan Soan ken Igipiti ye.