Yesaia 30:16 - ICIGHAN BIBILO

¹⁶ Kpa ne rumun ga, ne gema ne kaa ner: Ei, sé za ayem ayem sha anyinya, nahan nea yevese a yevese je; man shi: Sé henda anyinya a hemban ayem; nahan mbazendan ne ijime kpaa vea zenda fefa je.

Yesaia 30:16 Iomraidhean Croise

2 Utor 25:5

Kpa mbautyav mba Mbakaldi zenda tor ityô ve za kohol un hen kpuunkpuun u Yeriko; mbautyav nav ci ca sambe undu un.

Yobu 39:11

Ú suur sha i er i lu a agee yum yôô? Shin ú wa i tom wou sha ikeve?

Upasalmi 147:10

Un ember sha agee a nyinya la ga, angahar a or kpaa doo Un ga.

Upasalmi 33:17

Nyinya ngu a inja sha u zuan a mhembe ga, una war or sha agee a na a vesen kpaa ga.

Yesaia 2:7

Tar ve mgbough a azurfa man zenaria, inyaregh vegh ngee je gande; man tar ve mgbough a anyinya; akeke a ve a utya kpaa ngee je gande.

Yesaia 31:1

Kwagh á tser mba ve yem shin Igipiti sha u za keren iwasen, man ve suur sha anyinya, shi ve suur sha akekeautya, sha ci u a ngee yô, man sha mbaanyinyav, sha ci u ve taver kpishi yô, kpa mba kenger sha Icighan u Iserael ga, man mba keren TER kpaa ga!

Yesaia 31:3

Mbaigipiti ka ior tsô, ka Aôndo ga, anyinya a ve kpaa ka inyam tsô, ka jijingi ga; zum u TER Una naregh uwegh Nagh yô, u nan wase la nana nôngo gbev, u nan ngohol iwasen la kpaa nana gba, ve cii vea tim imôngo.

Yeremia 39:4

Tsô er Sedekia tor u Yuda kua mbautyav cii nenge a ve yô, ve yevese, ve due ken gar tugh, sha gbenda u ken sule u tor, sha hunda u u lu hen haregh u ukpekpe uhar la; ve yem gbenda u u ver ishigh hen Araba la.

Yeremia 4:13

Nenge, ngu van er ka abeen yô, akekeautya na kpaa nga er hiar nahan; anyinya na wa kpaver hemba ugafa. Kpe ahii, se ne! mba timin se kera!

Yeremia 46:6

Or u fefa fatyô u yevese ga, orageegh kpaa fatyô waren ga; ken imbusutarimese hen ifi u Uferati, ve nôngo gbev ve gbidye inya.

Yeremia 52:7

Tsô i pev gilgar, mbautyav cii yevese, ve due ken gar tugh hen hunda u u lu hen haregh u ukpekpe uhar, mba ve lu hen sule u tor la—Mbakaldi gema kase gar, tser—ve yem gbenda u u ver ishigh hen Araba la.

Ukwelegh 4:19

Mbatôvon se ityô ve zende fefa hemba ugafa mba purugh sha kwavaôndo, ve dondo se ijime sha iwo, ve kegh se ken taaikôngo.

Amoshi 9:1

M nenge TER tile hen kpe atse a nanden nagh sha mi; man A kaa er: Gbidye uindyuruku mba mtô zan zan amagh a̱ tenger; hembe ve avur avur sha ityouv mbi ior mbala cii; mba ve shi her yô, Me wua ve sha sanker, mô ve môm nana nyôngoso ga, mô ve môm kpaa nana war ga.

Mika 1:13

Zer nen anyinya a yevese tsung la ikyekye i utya, ne mba ne tem ken Lakishi; ka un a lu ityôkwagh i mhii u isholibo i wankwase u Shion ye; gadia ka ken a we i zough a atindi a peren a Iserael ye.

Habaku 1:8

Anyinya a ve wa kpaver hemba mbaanyam, a hemba vihin kwagh a ugbaseela mba aikighe; mbaanyinyav vev ngughum sha imanger, een, mbaanyinyav vev va ca je, ve purugh ve van er gafa u shirin sha kwagh u una ya yô.

Duteronomi 28:25

TER Una er kwagh á hemba u sha ishigh ki mbaihomov ou, ú za sha gbenda môm sha u za nôngon ityav a ve man ú gema ú yevese sha ishigh vegh kera sha igbenda itiankarihiar je; ú hingir ityartor i sha won cii ikav i cier iyol.

Duteronomi 28:49

TER Una va a ikurior igen ken ica, ia kôr u ihom, ia due ken ikighir i tar, er iguve ka i purugh nahan; ikurior i ú ungwa zwa u i ga je;