Yesaia 30:12 - ICIGHAN BIBILO

¹² Nahan yô, Icighan u Iserael ngu kaan nahan er: Er ne laha kwaghôron ne, ne suur sha ipila man ayom, ne lian sha mi yô,

Yesaia 30:12 Iomraidhean Croise

Upasalmi 52:7

Ehee! Nenge, or ne ka or u a gem Aôndo A hingir agee a na ga yô, kpa a suur sha mngee u inyaregh nagh, a taver ishima sha ifer na.

Upasalmi 62:10

De suur nen sha mkighir ga, man shi de veren ishima sha u i ga. Aluer inyaregh kia seer yô, de veren ishima sha ki ga.

Anzaakaa 24:2

gadia ishima ve henen ipila, zwa ve kpaa ngu er kwagh u vihin.

Yesaia 26:21

Gadia nenge, TER ngu duen hen ijiir Na sha u tsahan mba ve tem sha won sha afer a ve; tar kpaa ua tese awambe a i hee sha u yô, ua kera cir mba i woo sha u la ga.

Yesaia 28:15

Gadia ne kaa ner: Se ya ikur a ku, se zua zwa a Sheol, zum u bocan u van sha agee una va karen la, una va hen vese ga; gadia se gema aie hingir se ijiir i yeren, man se yer ayol ase ken icugh je.

Yesaia 3:14

TER Una nyôr ijir a mbatamen mba ior Nav kua atiator a ve: Ka ne je, ne ye sule u wain; kwagh u i ngohol atsanaior sha apera la, ngu ken uya enev.

Yesaia 3:15

Inja na nan man ne cagh ior Av, ne er atsanaior icana? Kape Ter, TER u akum a Sha A kaa ne.

Yesaia 30:1

Kwagh á tser ônov mba hendan kwagh, kape TER A kaa la; mba dughun mhen, kpa ka u a dugh hen a Mo ga; mba zuan zwa, kpa ka u sha Jijingi Wan ga, ka sha u vea seer isholibo sha isholibo yô;

Yesaia 30:7

Gadia iwasen i Igipiti ka i gbilinigh, ka i ikoogh kpaa ga, ka nahan man m yer un mer: Rahabi u a gbe teman tsô ye.

Yesaia 47:10

Gadia u suur sha ifer you; u kaa wer: Ma or ngu nengen ga. Mfe wou kua kwaghfan wou la ve tsume a we; man u kaa ken ishima you wer: Mo ne, ugen ngu ga saa mo.

Yesaia 5:24

Nahan yô, er nomborusu ka u hia atôayia man er toho u uman kpaa ka u haa inya sha usu, kape mise ve ua vôngo la, imondon ve kpaa una mough er ihundu yô, gadia ve venda ityesen i TER u akum a Sha, ve laha kwaghôron u Icighan u Iserael la.

Yesaia 5:7

Gayô, sule u wain u TER u akum a Sha ne, ka ya u Iserael je, ior mba Yuda kpaa ka mende u sha ishima Na je; A ver ishima sha ijirôron i mimi, kpa nenge, gema ka awambe a haan inya, man shi sha perapera, kpa nenge gema ka mliam.

Yesaia 59:13

ka u peren atindi man u nyiman TER, man u geman kera den u dondon Aôndo wase ityô, u ôron kwagh u mkighir u sha ican man mhendan, u henen akaaôron a aiegh ken ishima man ôron a kpaa.

Yesaia 59:4

Mô môm nan za yer ijir sha perapera ga, mô môm kpaa nan kpelan ishô sha mimi ga; mba suur sha gbilinkwagh mba er aie; ve jile iyol sha dang, ve mar ifer.

Yesaia 7:9

Ityough ki Eferaim ka Samaria je, man ityough ki Samaria ka wan u Remalia je. Aluer nea na jighjigh ga yô, mimi je né tile dông ga.

Yesaia 8:6

Er ior mban ve vende mngerem ma Shiloa ma ma kough ving la, ve gem ve ember a Reshin man wan u Remalia yô;

Yeremia 13:25

Ka kwar wou je ne, ka kwar u u zough a mi her a Mo ne, kape TER A kaa ne, sha ci u M hungul we man u gema u lian sha aie yô.

Amoshi 2:4

TER ngu kaan nahan er: Sha ci u atindi a peren atar a Yuda, een, sha ci u anyiin je yô, Me kera hide a mtsaha na ijime ga, gadia ve venda atindiakaa a TER, ve wa akaawan a Na iko ga, mbaaie vev na ve mtsum, mba uter vev lu zenden sha mi la;

Luka 10:16

U nan ongo ne yô, nan ngu ungwan Mo; u nan vende ne yô, nan ngu vendan Mo; man u nan vendem yô, ka u A tindim la je, nan vende ye.

1 Mbatesalonika 4:8

Nahan yô, or u nan vende kwagh ne yô, kera ka or nan vende ga, kpa ka Aôndo je u A ne ne Icighan Jijingi Na yô.