Yesaia 3:5 - ICIGHAN BIBILO

⁵ Ior vea kighir ayol a ve a ican, hanma or a orgen, man hanma or a or u nan we ndor a nan yô; wanye u kiriki nana cihi tamenor, kape or u gban kera kpaa nana er a orcivirigh la.

Yesaia 3:5 Iomraidhean Croise

2 Utor 2:23

A mough keela a gba kôndon zan sha Betel; er a lu kôndon sha gbenda la yô, anmbayev mba nomso due ken gar gba nahan un tar, ve kaa a na er: Kôndo yem Sha, we orkpuluntyough ne; kôndo, yem Sha, we orkpuluntyough ne!

Yesaia 1:4

Kwagh á tser ne! Ne ikurior i eren kwaghbo, Ne ior mba ne lu a iferkwagh i yuhwan ne, ne tsombor u mbaaferev, ne ônov mba eren dang! Ve undu TER, ve laha Icighan u Iserael, ve pav a Na, ve hile ijime.

Yesaia 11:13

Iwuhe i Eferaim ia kar kera; mba ve eren Yuda ican kpaa á tim ve kera; Eferaim una kera er Yuda iwuhe ga, Yuda kpaa una kera er Eferaim ican ga.

Yesaia 19:2

Me tor Mbaigipiti ityô, Mer ve̱ ta num sha Mbaigipiti; vea nôngo ityav hanma or a anngô u nan man hanma or a or u wan ndor a nan, gar a gar man tartor a tartor.

Yesaia 9:18

Gadia ifer hie er usu nahan, i nande ukôrakondo kua usaa kera; mimi je, ngu hie ikô i i we mgbigh mgbigh yô, zan zan i kôndo sha er mnyim ma ma vingir ma yem sha nahan.

Yeremia 22:17

Kpa ishe you kua ishima you mba sha ma kwagh ugen ga saa mtsera u dang man u haan awambe a orishôôgh, man u eren kwagh sha mkighir man u ngohol kwagh sha apera.

Esekiel 22:12

Ken a we, i ngohol inyaregh ki yamen ishô sha ci u haan awambe; u ngohol mngerem man mtsera u ganden ikaa inya, man u ngohol mtsera hen orwanndor a we sha mkighir je, man Mo M hungul we, kape Ter AÔNDO A kaa ne.

Levitiku 19:32

Mough tile sha, sha ishigh ki or u menden ivu, civir ishigh ki tamenor, cian Aôndo wou; ka Mo TER.

Amoshi 4:1

Ungwa nen kwaghôron ne, ne ungômbaibuav mba Bashan mba ne lu sha uwo u Samaria ne, ne mba ne kighir atsanaior, ne heren mbaibanave, ne mba ne kaan a noov enev ner: Va nen a mi, se̱ ma la.

Mika 3:11

Mbahemenev nav mba ôron ijir sha inyaregh ki ken myer, upristi nav kpaa mba tesen sha tôndo, man uprofeti nav mba ôron kwaghôron u profeti sha inyar; nahan kpaa mba suur sha TER, mba kaan er: TER ngu ken vese gaa? Ma kwagh u bo una tser se ga.

Mika 7:2

Ormimi saa ishe hen tar kera, man orperapera kera ngu ken ior ga; ve cii mba yeren, keghen u haan awambe inya; hanma or nan ngu nôngon u kôron anngô u nan ken kper.

Sekaria 11:6

Gadia mhôônom maa kera kôrom a mba ve tem ken tar ne ga, kape TER A kaa ne; kpa nenge, Me na ior vea gba hanma or sha ikev i or u wan ndor a nan, man sha ikev i tor u nan, vea vihi tar kera, man Mo kpaa, Me yima môm môm sha ikev ve ga.

Malaki 3:5

Me kporom her a ven sha u ôron ijir, Me lu Orshiada fese je sha mbaahiriv man sha udyambaiorov man sha mbabumun sha aie man sha mba ve kighir or u eren tom sha tôndo sha injar i nan, kua kwasecôghol man wancôghol kpaa, man mba ve daan shiror kera, man ve ciem ga, kape TER u akum a Sha A lu kaan ne.

Mateu 26:67

Tsô ve ta Un azer sha ishi, shi ve ta Un azu kpaa; mbagenev ta Un sambe.

Marku 14:65

Mbagenev hii u tan Un azer, ve yisa Un ishigh, ve ta Un azu, ve kaa a Na er: Tsenga ase ôron! Udugwer kpaa ve ta Un sambe.

Luka 22:64

Ve cir Un ashe, ve pine Un er: Pase ase, ka anti nan gbidi We?

Yakobu 2:6

Kpa ne yô, ne hee a hee icanor je. Kera ka mbanyarev man ve lu eren a ven sha apera ve tul ne, ve yemen a ven ken ijir ye gaa?

Yakobu 5:4

Nenge mba ve yar sunda ken ishule yen yô, injar ve i ne ya la ngi genger imo. Ivaa i mbasundan kpaa i nyôr ken ato a Ter u akum a Sha.