Yesaia 3:3 - ICIGHAN BIBILO

³ torshoja u nengen sha ior akunduahargber man orcivirigh, orwasen sha kwaghhenen man orfaneev kua orfan ahir a eren.

Yesaia 3:3 Iomraidhean Croise

Yobu 22:8

Kpa or u ageegh yô, ka nan, nan lu a tar ye; man or u icivirigh kpaa, ka nan, nana tema ken u.

Ekesodu 18:21

Shi ú sange ior mba fan kwagh ken ior cii, mba ve cie Aôndo, mba mimi, mba ve vende inyaregh ki yamen ishô; ver ve sha ior, ve̱ lu mbavesen sha ior dubu dubu man sha ior deri man sha ior akunduahargber akunduahargber man sha ior pue pue,

Ekesodu 4:10

Tsô Mose kaa a TER er: Tere, mo m ngu or u fan kwaghôron ga, ngise kpaa ga, shin hegen er U er kwagh a wanakiriki Wou ne kpaa ze; gadia kwaghôron eren mo ican, nombor kpa yuhwam.

Yesaia 3:2

orageegh kua orutya, orjir kua profeti, orkpehenasor kua ortamen,

Yesaia 3:4

Man shi Me ver mbayev vea hingir atiator a ve, ipila kpaa ia tema tor sha a ve.

Yesaia 5:13

Ka nahan man ior Av ve lu nyôron ken uikangen ye, sha ci u mfe a ban yô; ashagbaior a ve hingir mbajenev, man ikpilaior ve ngi kpen imura.

Yesaia 9:15

Orvesen u lun a icivir ka nan nan lu ityough ye, man profeti u tesen ior aie la, ka un a lu tsa ye.

Duteronomi 1:15

Tsô m tsuwa mbahemenev mba sha ikwe yen, ior mba fan kwagh, mba i fe ve yô, m ver ve, ve lu mbahemenev enev, ka ukur mba ve lu a ior dubu dubu sha ikev, man ukur mba ve lu a ior deri deri, man ukur mba ve lu a ior akunduahargber akunduahargber, man ukur mba ve lu a ior pue pue, kua mbavesen mba sha ikwe yen.

Mbaajiriv 8:18

Tsô a pine Seba man Salmuna er: Ior mba iyange ne wua hen Tabor la, iyange ve lu nana? Ve kaa er: Iyange ve lu er we nahan; hanmô ve lu iyol er wan tor nahan.

1 Samuel 8:12

shi nana ver ve vea hingir nan mbahemenev mba sha ior dubu dubu man mba sha ior akunduahargber akunduahargber; nana ver mbagenev sha u kahan nan sule man u sundan nan iyiav man shi u varen nan ikav mbi utyav kua ikav mbi akekeautya a nan kpaa.